Mateo 1:1 - La'aqtaqa Ñim Lo'onatac 'Enauacna 2013

¹ So Jesús chegoxoguet so David qataq so Abraham. Qaq 'ana ana lmalate 'enauac som lauo' le'ecpi maye hua'auñipi, co'ollaq saxanaxa da nvi' Somaye:

Nuevo Testamento Toba Sur

¹ Ana'ana nachana ana nanedaxalate som hua'au lta'alpi so Jesucristo som chigoxoguet so nta'a David qataq so Abraham.

Nuevo Testamento Toba Sombrero Negro

¹ Janjo' nedaĝalate jo'ne lenaqa'te jogaa'me chiyoĝogueta ñe'me Jesucristo, qama'le nach'eñe chiyaqayilo dia'me David nataq'aen Abraham:

Mateo 1:1 Iomraidhean Croise

Génesis 12:3

Aỹem sechoxoren qome ca 'am ichoxorenpi, qaq ca 'am saichoxorenpi, qaq nataqa'en saishet da sechoxoren, qaq chegoqchigui qome 'am da 'enauac na nhuo' le'ecpi ana 'alhua da sasaxalec ca ichoxonnataxanaxa.»

Génesis 2:4

Qaq 'era da na'aqtaguec co'ollaq Ñim Lo'onatac 'Enauacna, ỹo'ot na piguem qataq ana 'alhua. Qaq Ñim Nataxala' co'ollaq ỹo'ottac na piguem qataq ana 'alhua,

Génesis 22:18

qaq 'enauac na ỹotta'a't shiỹaxauapi maye huetalec ana 'alhua, huo'o qome da nchoxonnataguec chegoqchigui camayepi, souaxat da aỹem 'aualaxaguet.»

Génesis 5:1

Qaq 'ana, ana nere maye nanettalec na le'enaxatpi so llalaqpi so Adán. Co'ollaq Ñim Lo'onatac 'Enauacna ỹo'ot so shiỹaxaua, nache ỹe'enaxatchigui da maiche lataxac Ñimaye:

Salmos 132:11

Ñim Nataxala', ỹanem co'ollaxa so David so la'aqtac, maye saishet da sa ipaguelec, 'eeta': «Ca 'oonolec ca 'aỹa'alaqpi sanagui qome da 'aro'onataxanaxac da nta'a.

Salmos 89:3

Qaq 'am qoneta': «Aỹem ñaỹamaxate' so lleca'aguishec. Sachaxanapeguem so ỹamaxashec David da sepacchigui qome da ỹa'aqtac, 'eeta':

Salmos 89:36

Ca chegoxoguetpi ñimaye nache 'eetai' qome da nca'altauec, qaq da lo'onataxanaxac da nta'a 'eeta'am añi nala' da aỹem nachatto'ot.

Isaías 11:1

Qaq asa'aso qo'oipaq lamo, maye nacheso so Jesé, huo'o qome aca llaxataxa, qaq aca'aca llaxataxa chegoqtoiguilo qome naua lpa'aye.

Isaías 53:8

Co'ollaq qaỹaconeua'a qalaq ỹataqta saqairen qataq qaica co'ollaxa ca iueelec, qataq qaica ca qochetega somaye. Qataq qanqateeguesop ana 'alhua, nache qaỹalauat souaxat na lasouaxashetpi na ỹalamaxat nhuo' le'ecpi.

Jeremías 23:5

Ñim Nataxala', 'enapec: «Anacte' caua na'axa'te maye huaiguilo qome da sauo'o ca nta'a maye chegoxoguet so David, cam nta'a maye no'on da lataxac, qataq camaye do'onataxana qome da nalochiguiñi qataq da no'on lataxac, da hueta'a ne'ena 'alhua.

Jeremías 33:26

saishet da sasaỹamaxaren qome nam chegoxoguetpi so Jacob qataq so David maye ỹamaxashec, qataq saishet da saxaañi da sachegoxotaigui namayepi cam ilo'ogue nam chegoxoguetpi so Abraham, Isaac qataq so Jacob. Cha'aye Aỹem huo'o da ichoxonnataxanaxa namayepi, nache so'ot qome da dalaxaic ca na'achecỹaxac.»

Amós 9:11

Qaq que'eca na'a'q, nache qaltaq ñauaxaỹaxaasheguem qome ye mashe nlaguiñi lma' so David. Nache sapogui nam lpoxoỹaxapi, qataq ño'oxoosheguem nam mashe nlaguiñi, nache se'enaxatchigui so hua'auchiguiñi lataxac co'ollaxa,

Zacarías 12:8

Aỹem Nataxala', ñepaxattalec qome na hueta'a na Jerusalén. Qaq nam ỹataqta qaica ca la'añaxac namayepi, qalaq 'eeta'am qome so David da la'añaxac, qaq nam chegoxoguetpi so David, qalaq 'eeta'am qome Ñim Lo'onatac 'Enauacna, qataq 'eeta'am ca lamaxashec Ñim Nataxala' da hua'auta'ague da tata'ague namayepi.

Mateo 1:18

Da lañoxoc So Jesús 'eeta': Aso late'e María co'ollaq mashe detaxaỹapegue' so José da huotaique da lhua. Qaq co'ollaq saxanaxa da huarona't, nache asomaye mashe hualaxai, chegoqchigui da la'añaxac So Saqcha'a Na'añaxac Qui'itta.

Mateo 1:2

Chegoqchiguiña so Abraham, nache ivitta'a so David, qaq 'ena namayepi: Abraham, Isaac, Jacob, Judá qataq soua lqaỹa't,

Mateo 15:22

Nache huo'o aso 'alo maye lma' yi'iye 'alhua asom chegaqaigui nam iỹaxana naxa na judiopi qalaq Cananeo, asomaye naua'a So Jesús, nache na'axanneque naua la'aqtaqa, 'eeta': –¡'Am Ỹataxala' maye 'am Lca'aguishec Ñim Lo'onatac 'Enauacna, aỹem 'auchoxoren qome aỹem 'autauan! ¡Añi ỹale huo'o so netaigui saqcha'a na'añaxac leguemaxaic maye ỹo'ottac da lta'araic nque'eenaxac!

Mateo 3:16

nache nachelaxan. Qaq So Jesús co'ollaq ca'ai so 'etaxat, nache ila'a na piguem da nauatoigui, nache ỹauaateguet So Saqcha'a La'añaxac Ñim Lo'onatac 'Enauacna da naỹaña Somaye 'eeta'am da lataxac na qoto'.

Mateo 9:27

Qaq co'ollaq ca'ai yi'iye So Jesús, nache ana'c soua dos qanamaiqa. Nache ca'attraueegue Somaye, ỹataqta ỹa'alaqtai'salo, 'eetra': –¡'Am Jesús, maye 'auachegoxoguet so David maye 'am Lca'aguishec Ñim Lo'onatac 'Enauacna, qomi' 'auchoxore'n!

Lucas 1:33

Camaye choche tatec qome da ilotague' na Israel le'ecpi, qaq de'era lo'onataxanaxac da nta'a, damaye qaica ca loga't.

Juan 7:42

Ye naua nanettaleguete ana la'aqtac lmalate Ñim Lo'onatac 'Enauacna, naamaye ỹa'axa't da que'eca Lca'aguishec Ñimaye, camaye chegoxoguet na llalaqpi so nta'a David, qataq lañoqo' ye Belén, yem nỹecpi maye lma' co'ollaxa so David.

Hechos 2:30

Qalaxaye so David ye la'aqtaxanaxanec Ñim Lo'onatac 'Enauacna. Nache somaye ỹaỹaten da Ñim Lo'onatac 'Enauacna ỹachaxanapecot somaye da chegoxoguet qome ca lta'a na Israel le'ecpi.

Romanos 4:13

Ñim Lo'onatac 'Enauacna ỹachaxanapecot so Abraham qataq na llalaqpi da ỹami' 'enauac ana 'alhua. Qalaxaye de'era ỹachaxanapec saishet da chegoqchigui da souaxat da ỹalaxalec nam namaxasoxonaxacpi so Abraham. Maye souaxat da somaye huo'o da lpi'iỹaxac Ñim Lo'onatac 'Enauacna. Nache Ñimaye ỹaỹamaxareeta somaye, nache ỹamata'ac da no'on shiỹaxaua.

Romanos 9:5

Namayepi chegoxoguet soua hua'au' qarta'al, qataq Som ỹale maye Lca'aguishec Ñim Lo'onatac 'Enauacna nataqa'en chegoxoguet soomaye. Somaye ilo'ogue 'enauacna, qataq nacheso so Lo'onatac 'Enauacna ¡Da ño'oxonnataguec Ñimaye ỹataqta chochaq tatec! Aja', nache 'eetec de'era.

Gálatas 3:16

Qaq nagui da ỹachaxanapecot Ñim Lo'onatac 'Enauacna co'ollaxa so Abraham maiche lalamaxat somaye qataq ca llalec. Qaq naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna saishet da 'eeta': «ca llalaqpi,» nachaqrata da 'eeta': «ca 'aỹa'alec.» Qaq damaye naigui qone' da 'oonolec ca qaitaqtega shiỹaxaua. Qaq camaye nacheso So Cristo.

1 Timoteo 2:5

'Oonolec Ñim Lo'onatac 'Enauacna, qataq nataqa'en 'oonolec so chegoqchigui da ishet da qomi' ỹaueegueta da selagaqtapiguiñi da souaqto'ot Ñim Lo'onatac 'Enauacna: Somaye nacheso So Jesucristo, maye shiỹaxaua.

2 Timoteo 2:8

Saisheto' qome da 'aucoua'ai So Jesucristo maye chegoxoguet so nta'a David. Somaye Ñim Lo'onatac 'Enauacna nca'alaxatec co'ollaxa. Qaq 'era da na'aqtac maye chegaqaigui da nca'alaxa maye sa'axattapeguec.

Apocalipsis 22:16

«Aỹem samaq so ỹamaxashec piguem le'ec, da yaqto' da'aqtaxanem 'enauac de'era nam Aỹem ỹa'amaqteetac. Qaq Nachaỹem maye sachegoxoguet so nta'a David. Qataq nache Aỹem huaqaañi yo'oxoñi lashe maye ỹataqta 'eroigui da yo'oxoñitai'.»