Lucas 9:7 - La'aqtaqa Ñim Lo'onatac 'Enauacna 2013

⁷ So nta'a le'enaxat Herodes Antipas co'ollaq ỹaỹaten 'enauac nam ỹo'ottacpi So Jesús, nache ỹataqta sa ỹaỹaten ca 'eetec, cha'aye huo'o na 'eetega da qaltaq nca'alec so Juan.

Nuevo Testamento Toba Sur

⁷ Qaq so nta'a l'enaxat Herodes co'ollaq ÿaÿaten 'enauac nam i'ottacpi so Jesús, nachi ÿataqta sa ÿaÿaten ca 'eetec, cha'ayi huo'o na 'eetega da qaltaq nca'aleec so Juan.

Nuevo Testamento Toba Sombrero Negro

⁷ Ñe'me jaliaĝanec Herodes Antipas domachilegue yema ga'me jo'ne 'uo joca'li, qama'le ja yayaten da'me lelnataĝac, qa'a uo'oe gaa'me jo'ne enapega't: “Juan jo'ne chilaĝanataĝanaĝaic 'niyelaĝajeguem.”

Lucas 9:7 Iomraidhean Croise

Salmos 73:19

Qaq choche nque'elaxatta qome da nlaguiñi namayepi, nache maiche nlaguiñi naqa'en da lcolanaxa namayepi.

Isaías 22:5

Cha'aye Ñim Nataxala' maye Qaica ca Ỹaqalanapec mashe lapaxañi da nvi' qome ca na'a'q maye huaigui ca lta'araic ncolanaxa, qataq huaigui da huo'o ca qanlaxaañi qataq qaica ca toonaxac huaña ye ca'amegue maye huaña so nauanaqchec. Qaq mashe qanlaxatteguiñi na npaqtaxanaxatpi qataq da na'alaxac ivira'a ana qasoxonaxapi.

Miqueas 7:4

Qaq nam qoỹeetega no'on da lataxac maye ỹalectaigui namayepi, qalaq 'eeta'am anam qo'oipaq maye huo'o ana le, qataq nam qoỹeetega huesota da lataxac qalaq 'eeta'am aca zarza. Qalaxaye mashe anacta cam na'a'q maye huaigui da nhuaxanaguec, cam na'a'q maye ỹa'axatta'a co'ollaxa so lauanaxanaxanecpi namayepi. Huaña qome nache namayepi saỹaỹaten ca 'eetec.

Mateo 11:2

Qaq so Juan maye nachelaxanataxanaq netaigui aso ncoñetaxanaxaqui, somaye iviraua'a da ỹaỹaten 'enauac nam ỹo'otpi So Jesús, nache huo'oi soua ỹama'q som maiche lapaxaguenataqa da yaqto' ina't So Jesús, 'eeta':

Marcos 8:28

Nache soua lapaxaguenataqa 'ena'apo': –Qomye huo'o na 'eetega da 'am Juan maye nachelaxanataxanaq; qataq huo'o na 'eetega da 'am Elías. Qataq huo'o nam ipettega da 'am 'oonolec som hua'au la'aqtaxanaxanecpi Ñim Lo'onatac 'Enauacna.

Lucas 13:31

Qaq nacheso se'eso na'a'q da huo'oi soua nvildeuo, chegoqraigui na fariseopi. Nache da'aqtaxaarem So Jesús, 'eetra': –Qoca'ai qome ne'ena, ten ñi Herodes ỹauotaique damaxasoxoolec da 'am qaỹalauat.

Lucas 21:25

Nache huo'o qome na la'anaxatpi añi nala' qataq ñi ca'agoxoic qataq ana huaqaañipi. Qataq nam ỹotta'a't shiỹaxauapi maye huetalec ana 'alhua ỹataqta sa ỹaỹaten ca 'eetec, qataq ỹataqta ñi'i, souaxat da lchec da l-lamaxa ana lapaxa aso auaxai.

Lucas 23:7

Qaq co'ollaq mashe qaỹa'aqtaxanem da Somaye chegaqa'a ye 'alhua Galilea, nache so Pilato ỹamaxa so nta'a Herodes maye ilotague' ye 'alhua Galilea, cha'aye somaye nataqa'en hueta'a ye Jerusalén se'eso na'a'q.

Lucas 3:1

So Juan maye nachelaxanataxanaq som llalec so Zacarías, hueta'a ye toolec 'alhua. Nache Ñim Lo'onatac 'Enauacna detaxaỹapegue' co'ollaq huauga yemaye, huetoigui so na'a'q co'ollaq so Tiberio maye netaña ye Roma mashe ivi' naua quince vi'iye da lo'onataxanaxac da ilotague' na qalota shiỹaxauapi maye hueta'alo naua lỹa't 'aleu', qaq so Poncio Pilato ilotague' ye 'alhua ye Judea. Qaq se'eso na'a'q so Herodes Antipas ilotague' ye 'alhua Galilea, qaq so Filipo maye lqaỹa so Herodes ilotague' ye 'alhua Iturea qataq Traconítide, qaq so Lisanias ilotague' ye 'alhua Abilene. Qaq so Anás qataq so Caifás, soomaye lataxala'ate na ltaxaỹaxanaxanecpi na judiopi da qaitaxaỹapegue' Ñim Lo'onatac 'Enauacna.

Lucas 9:19

Nache soua napaxaguenataqa ỹasa't, 'eetra': –Qomye huo'o na ipettega da nache 'am nachelaxanataxanaq Juan; qataq huo'o na ipettega da nache 'am Elías; qataq huo'o na 'eetega da nache 'am 'oonolec som hua'au la'aqtaxanaxanecpi Ñim Lo'onatac 'Enauacna da huo'otaq nca'alec.