Lucas 9:12 - La'aqtaqa Ñim Lo'onatac 'Enauacna 2013

¹² Qaq co'ollaq mashe avit, nache soua doce lapaxaguenataqa nquiguereua'a So Jesús, nache 'eetrega, 'eetra': –Qonapega na shiỹaxauapi, da yaqto' nqo'oneua'a na saqaỹapeque nỹecpi da nmitaique ca huaña da lo'ochaqa' ne'ena pe, qataq desheenaxanaique ca aloq. ¡Cha'aye ne'ena souaqta'a ỹataqta toolec!

Nuevo Testamento Toba Sur

¹² Qaq co'ollaq mashi avit nachi soua doce lapaxaguenataqa nachi nquicoto so Jesús, qaq qoÿiitega, qoÿiita': –Qonapega na shiÿaxauapi, yaqto' queuo da nmateec, qataq deshijnaxanaique ca aloq da tau'alo naua nañalo na saq 'amaqtaq shiÿaxauapi, huo'otaq nam sa qaÿapeque mayi netalguete naua 'ale'u, cha'ayi na souaqta'a tojlec, qaica ca naña.

Nuevo Testamento Toba Sombrero Negro

¹² Ca'li male javit, qama'le yec'adeta ñe'me Jesús jogaa'me doce jo'ne lapaĝaguenataqa qama'le dojedapegue' joñe'me: —Cha'li auajeta da'me eque' jena'me jiyaĝadipi da'me yec'atalo gaa'me noyaqolqa nataq'aen gaa'me qoyode'talo 'me nedalegue ga'me 'nonaĝa, qaedi 'nomatedegue nataq'aen yelodaque ga'me yali'j, qa'a jenjo' aleua qaya'te gamachaqaega ta'le na'ña.

Lucas 9:12 Iomraidhean Croise

Ezequiel 34:25

Qaq sauo'o qome ca ñaỹamaxataxac da ñaỹamaxate' anamayepi, yaqto' ỹe'emaqtac anamayepi. Qataq imeuo ñaqa'en na huauec shiguiỹacpi ne'ena 'alhua, yaqto' ana ilopi qaguetapi ỹe'emaqtac da coleeteguelec na no'onaxa, qataq da huetaigui na aviaq da do'ocheta.

Oseas 13:5

Qaq aỹem 'am selotague' co'ollaq huaña ye toolec 'alhua, yem 'alhua maye ỹataqta deqaqta.

Mateo 14:13

Qaq co'ollaq ỹaỹaten de'era So Jesús, nache ca'ai ca hueta'a, nache ndotec da huenongui aso nllocta da taitague da le'ego, tauga ca qaỹoqteuga 'alhua. Qalaxaye so shiỹaxauapi maye saqaỹapeque que'eca hueta'a co'ollaq la'axaỹaxac, nache piỹañi da icaalec Somaye.

Mateo 15:23

Qalaxaye So Jesús saishet da ỹasateguet asomaye. Nache soua lapaxaguenataqa ana'c da nachoxoreetracot Somaye, 'eetra': –Ña 'auqocha'actaxa, ten, qomi' nca'attaleguete anamaye ỹa'alaqtai'.

Mateo 15:32

Nache So Jesús iỹaxanalo soua lapaxaguenataqa. Nache 'enapegalo, 'eeta': –Ỹataqta huo'o da ichoxonnataxanaxa ne'ena shiỹaxauapi, cha'aye mashe ivi' naua tres na'axa'te da Aỹem hueta'aguet, qataq namayepi ye qaica ca aloq. Qaq Aỹem sa saỹamaxaren da huo'otaq samaq namayepi da huo'otaq saxanaxa da deque'e, cha'aye saiuena'a da huo'o ca decopche da huangui na nqa'aic.

Lucas 9:11

Qalaxaye so shiỹaxauapi co'ollaq ỹaỹaten da So Jesús taigue da Betsaida, nache qaicaalec Somaye. –Nache So Jesús ỹaconeguet 'enauac so shiỹaxauapi, cha'aye ỹataqta huo'o da lauotaxanaqtaic, nache ỹachegoxottot da da'aqtaxaatapeguem dam lo'onataxanaxac Ñim Lo'onatac 'Enauacna. Nataqa'en nataren nam sa no'onpi.

Lucas 9:13

Qalaxaye So Jesús 'enapeco': –Qaỹa'añim qami' cam aloq namayepi. Nache soomaye 'ena'apo': –Qaica cam qonoq. Nachaqyeuate' yeua cincole nauolel qataq yeua dos nỹaxaye. Cha'aye da sauoqtaique sequia'axanaq ne'ena shiỹaxauapi, nache iuen da sesheenaxanaqaique ca nallec,

Juan 6:1

Qaq co'ollaq ime de'era, nache So Jesús taitague da le'ego aso Lapel Late'erai ye Galilea qataq da lỹa le'enaxat Lapel Late'erai ye Tiberias.

Filipenses 1:19

cha'aye aỹem saỹaten da saqca cara da ñachaalataxac, cha'aye qami' aỹem qanqouagaxauñiitalec, qataq da ltaunaxanaxac So Saqcha'a La'añaxac So Jesucristo. Qaq de'era nache chegoqchigui qome da saqaỹaloq da aỹem qaisouec.