Lucas 9:10 - La'aqtaqa Ñim Lo'onatac 'Enauacna 2013

¹⁰ Nache soua lapaxaguenataqa co'ollaq mashe ñe'eguela'q, nache da'aqtaxaatrapeguem So Jesús 'enauac nam ỹo'otpi. Ime, nache So Jesús nnaicapegueto soomaye da nqo'onalo ye nỹecpi ye Betsaida, cha'aye huotaique da ndoteto soomaye.

Nuevo Testamento Toba Sur

¹⁰ Nachi so lapaxaguenatacpi co'ollaq mashi ñi'iguelaq, nachi da'aqtaxaatapeguem so Jesús 'enauac nam i'otpi. Nachi somayi ndoqteeteec somayipi da ÿauegueuga so 'alhua mayi sa qaÿapeque yi pueblo Betsaida.

Nuevo Testamento Toba Sombrero Negro

¹⁰ Ca'li yitaĝa 'niyelaĝadeta ñe'me Jesús gaa'me lamaĝa's qama'le t'aqataĝatem joñe'me yema gaa'me 'lonataqa joca'li. Joñe'me yiyaĝanalo qama'le yiyota'alo, yauegalo ga'me noicolec jo'ne lenaĝat Betsaida.

Lucas 9:10 Iomraidhean Croise

Mateo 11:21

«Qami' maye qarmaye ye Corazín ¡ỹataqta qauem da qa'aita'ague! ¡Nataqa'en qauem da qa'aita'ague qami' maye qarmaye ye Betsaida! Cha'aye nam netaña ye Tiro qataq ye Sidón, da huo'otaq huaña taxa nam qaỹo'otpi maye qami' qaỹachaxanalo, qaq sogotectaxa quesom yemayepi da ca'aisalo naua qauema lataxaco, qataq da nachaxaata da ỹaayiñi naua alogo maye qaica ca lya'c, qataq da imeelec na lqaic na alo da ỹachaxan da naralaxat da lhuennataxac.

Hebreos 13:17

Ỹataqta qaualaqaiguet na qarataxala'aipi maye ilotague' nam ỹa'amaqten So Jesús, cha'aye namayepi qaica ca nmataqa' da qami' ilotegueto, qataq namayepi ỹaỹateeta da Ñim Lo'onatac 'Enauacna ipataxalec da qami' ilo'oguelo. Qaq qami' iuen da qautauañi namayepi qataq qanpogoxoiñiỹapegue' da yaqto' saishet da qami' chegoqchiguilo ca qauem, yaqto' da lo'onataxanaxac namayepi ỹataqta ỹaỹamaqchiguiñi.

Lucas 10:17

Qaq som setenta y dos napaxaguenatacpi maye ỹamaq co'ollaxa So Jesús ỹataqta machiguiñi co'ollaq ñe'eguelaq. Nache da'aqtaxaatac, 'eeta': ¡'Am Qarataxala', ivira'a na saqcha'a na'añaxac leguemaxaicpi ỹataqta qomi' ỹalaxagueta da shenaqapega da seroxolec da 'are'enaxat!

Juan 1:44

Qaq se'eso Felipe, somaye lma' ye Betsaida, yem nataqa'en lma' so Andrés qataq so Pedro.

Marcos 2:7

«¿Ta'ainco' dam da', ye nache 'eetec da la'aqtac? Damaye ỹataqta isheueetac Ñim Lo'onatac 'Enauacna, ye qaica ca ishet da ỹapalaxat ca nasouaxashet, nachaqñita Ñimaye.»

Zacarías 1:10

Huaña, nache som ỹale maye nachattanguilo soua 'epaq le'enaxat arrayanes, 'enapec: «De'erapi nachera da namaq Ñim Nataxala', da yaqto' queuolec 'enauac ana 'alhua.»