Lucas 8:8 - La'aqtaqa Ñim Lo'onatac 'Enauacna 2013

⁸ Qaq aso lỹa lañiguishe ala tatelec so no'on 'alhua, nache co'ollaq ñaxat, nache ỹataqta 'onaxaic da lañaxataxac qataq 'onaxaic da alaỹaxac, ỹoqo'oye huo'o ana ivi' cien ana ala añi 'oonole lamo.» Qaq co'ollaq ime, nache So Jesús nlamaxaren, 'eeta': «¡Qami' da ỹataqta 'eesa da huo'oi naua qartelai lauacolli', nache ỹataqta qana'axaỹaxañiichiguiñi!»

Nuevo Testamento Toba Sur

⁸ Qaq aso lÿa nanguishi tajlec so ÿataqta no'on 'alhua. Qaq co'ollaq ñaxat, nachi ÿataqta qalota ana ala. Huo'o ana ivi' ana cien ana ala co'ollaq qanqat. Qaq co'ollaq ime da l'aqtac, nachi ÿataqta nlamaxaden, 'eeta': –Qami' qom qauaÿajñi da qan'axaÿaxanaxaqui, qaq no'on da qan'axaÿaxañiichiguiñi.

Nuevo Testamento Toba Sombrero Negro

⁸ Qalaĝaja laqaya jaga'me petapi tachi'ña ga'me aleua jo'ne onaĝaic: qama'le nolelidijeguem, nataq'aen onaĝaic jalayaĝac jo'ne ya'uo, onole peta chiyaqayi cien jaga'me jalapi.” Dojo' nenaĝategue ñe'me Jesús, nataq'aen netenec ga'me 'laqatac da'me noqotetenegue: “Gaa'me jo'ne domachita dojo', ¡'noota qom naquiaĝata!”

Lucas 8:8 Iomraidhean Croise

Génesis 26:12

Qaq so Isaac, ỹauo'o co'ollaxa so lañiguishec huaña yemaye se'eso vi'i, qaq ỹataqta 'onaxaic, qataq qalota na ala so lañiguishec, cha'aye Ñim Nataxala', ỹaalec da lchoxonnataxanaxa somaye.

Proverbios 20:12

Naua ntela ỹo'ot da na'axaỹaqchec qataq naua na'ai'te ỹo'ot da nauanaqchec, qaq naamaye maiche lo'onataqa Ñim Nataxala'

Proverbios 8:1

Da naỹaanec ỹataqta nlamaxaren da deỹaxaatac, da naỹaanataxanaxac qaỹa'axaỹa naqa'en da lavilỹaxac.

Jeremías 13:15

¡Qami' Israel le'ecpi, Ñim Nataxala' qami' detaqtacoto! Saishet qome da qami' ño'oxonnaxaiqa, nacherata da qana'axaỹaxañiichiguiñi.

Jeremías 25:4

Qaq na'aictaxa da Ñim Nataxala', ỹe'eguelaxattalec da qami' namaxalo so lamaxashecpi maye la'aqtaxanaxanecpi, qalaxaye qami' saishet co'ollaxa da qauqochiitega somayepi, qataq saishet da qana'axaỹaxañiỹa qataq saqaualaqaiguet.

Mateo 11:15

Da ỹoqta 'eesa da huo'oi naua qartelai lauacolli' ¡qaq no'on da ỹataqta qana'axaỹaxañiichiguiñi!

Mateo 13:23

Qaq aso pa'atec nañiguishe ala maye tatelec so no'on 'alhua, asomaye naigui nam shiỹaxauapi maye na'axaỹaxana da na'aqtac qataq ỹataqta ỹaỹateeteguet. Qaq namayepi ỹataqta naralaxat da lataxac qataq ỹo'ot ca ỹaỹamaqchiguiñi. Namayepi 'eeta'am asa'aso nañiguishe ala da huo'o ana ivi' cien ana ala, qataq huo'o ana ivi' ana sesenta, qataq huo'o ana ivi' ana treinta.

Marcos 4:20

Qaq da pa'atec, aso nañiguishe ala maye tatelec so no'on 'alhua, damaye naigui nam na'axaỹaxaatega da na'aqtaxanaxac qataq ỹasateguet. Qaq que'eca shiỹaxauapi naralaxat da nachaalataxac qataq ỹo'ot da ỹaỹamaqchiguiñi, 'eeta'am aso nañiguishe ala maye huo'o ana ivi' ana treinta ana alapi añi 'oonole, qataq huo'o ana ivi' sesenta, qataq cien.»

Marcos 4:23

¡Da ỹoqta 'eesa da huo'oi naua qartelai lauacolli', qaq no'on da ỹataqta qana'axaỹaxañiichiguiñi!»

Marcos 4:8

Qalaxaye aso laỹepi lañiguishe ala tatelec so 'onaxaic na 'alhua, qaq asomaye huo'o ana ala, qataq 'onaxaic da lañaxataxac, qataq 'onaxaic da alaỹaxac. Nache huo'o ana ivi' ana treinta ana alapi añi 'oonole, qataq huo'o ana ivi' sesenta, qataq cien.»

Marcos 7:16

[Qaq cam huo'oi naua ltela lauaco, qaq no'on da na'axaỹaxaachiguiñi.]

Lucas 14:35

na'aictaxa da qaỹaỹamaxat da lata' qanqa'en ca nañiguishe lma'. Chaqrata da qaỹalat. ¡Da ỹataqta 'eesa da huo'oi naua qartelai lauacolli', qaq no'on qome da ỹataqta qana'axaỹaxañiichiguiñi!

Lucas 8:15

Qaq asom nañiguishe ala maye tatelec so 'onaxaic 'alhua, qalaq naigui nam na'axaỹaxaatega da la'aqtaxanaxac Ñim Lo'onatac 'Enauacna, qataq ỹaconeguet, qataq ỹalaxaguet, qataq huesota da lataxac. Qaq de'era pa'atec, ỹataqta qaica ca qochetega qataq 'enauac nam ỹo'otpi ỹataqta ỹaỹamaqchiguiñi.

Lucas 8:7

Qaq aso lỹa lañiguishe ala qalaq tatelec so lañaxataqa' ana ỹaxat. Qaq aso lañiguishe saqaỹaloq da ñaxat, qalaxaye ana ỹaxat ipataxañi, nache saishet da hua'aqta'a da lañaxataxac.

Efesios 2:10

Cha'aye Ñim Lo'onatac 'Enauacna qomi' lo'onataqa, qataq qomi' nañaxateua'alo naqa'en So Cristo Jesús, cha'aye nshetaique da so'otaq ca ỹaỹamaqchiguiñi. Qaq damaye nale'eno' da lapaqtapiguiñi co'ollaxa da ỹauotaique qoyecỹaxac.

Colosenses 1:10

Yaqto' da qarataxaqui nateeteguet dam ỹoqta 'eetapeguec So Qarataxala'. Qaq Somaye ỹataqta machiguiñi souaxat da qami' qauo'ocheetac 'enauac nam lataxacpi maye ỹaỹamaqchiguiñi, qataq qaviyeeta'a da ỹataqta qauauattoñiita Ñim Lo'onatac 'Enauacna.

Apocalipsis 13:9

Qaq cam huo'oi naua ltela lauaco, qaq no'on da ỹataqta na'axaỹaxaachigui de'era.

Apocalipsis 2:11

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem nam lqalaiguesat, qataq nache queto'ot da lpi'iỹaxac Aỹem, nache Ñim Lo'onatac 'Enauacna saishet da ỹalat namayepi.›»

Apocalipsis 2:7

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem 'enauac nam lqalaiguesat qataq saishet da ỹaxanec da lpi'iỹaxac Aỹem, nache sami' da chec ana ala ara qo'oipaq maye chegaqaigui da nca'alaxa. Aram qo'oipaq maye nañaxattalec ye qaica ca 'ena'am da lyac lanaxanaqa' Ñim Lo'onatac 'Enauacna.›»

Apocalipsis 3:13

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a Na'añaxac Qui'itta da 'enapega na 'amqaanataxanaxaicpi.›»

Apocalipsis 3:6

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a Na'añaxac Qui'itta da 'enapega na 'amqaanataxanaxaicpi.›»