Lucas 8:7 - La'aqtaqa Ñim Lo'onatac 'Enauacna 2013

⁷ Qaq aso lỹa lañiguishe ala qalaq tatelec so lañaxataqa' ana ỹaxat. Qaq aso lañiguishe saqaỹaloq da ñaxat, qalaxaye ana ỹaxat ipataxañi, nache saishet da hua'aqta'a da lañaxataxac.

Nuevo Testamento Toba Sur

⁷ Qaq aso lÿa nanguishi qalaq tajlec som huo'o ana ÿaxat, nachi asomayi saq ñaxat souaxat da naquitchigueme' ana ÿaxat.

Nuevo Testamento Toba Sombrero Negro

⁷ Laqaya jaga'me petapi tachi'ñalo gaa'me lolelaĝail jo'ne yaĝat: qama'le da'me nepoĝodijeguem nach'e ena'am naje'moto, gaa'me yaĝat yep'aĝadiñe gaa'me nanaqa.

Lucas 8:7 Iomraidhean Croise

Génesis 3:18

Ana 'alhua ñaxaalec qome ana ỹotta'a't ỹaxat, nache qollectac qome ana huoue no'onaxa lashe.

Jeremías 4:3

Ñim Nataxala' 'enapega na shiỹaxauapi maye netaña ye Judá qataq ye Jerusalén, 'eeta': Qana'ayiisheguem qome nam 'alhua maye saxanaxa da qoỹanaxaalec, nache saishet da qaltaq qa'anaxañiỹoigui ana ỹaxat.

Mateo 13:22

Nataqa'en huo'o aso nañiguishe ala maye tatelec so lañaxataqa' ana ỹaxat. Qaq asa'aso nañiguishe ala naigui nam shiỹaxauapi maye na'axaỹaxaatega da na'aqtac, qalaxaye saishet da naralaxat da lataxac. Nachaqrata da iuennatega nam lhuenaxanaxapi qataq cam 'eetec da yaqto' ivira'a da sallaxanec.

Mateo 13:7

Qaq aso laỹepi lañiguishe ala, qalaq taalec so nache 'eetai' naxa da lañaxataqa' ana huoue maye huo'o ana le, nache asom ỹaxat co'ollaq ñaxatsheguem nache ipataxañi aso nañiguishe, nache saishet da ỹashenem da no'on da lañaxataxac.

Marcos 4:7

Qaq aso laỹepi lañiguishe ala qalaq tatelec so 'alhua maye, nache 'eetai' naxa da lañaxataqa' ana ỹaxat. Qaq co'ollaxa ñaxat aso ỹaxatpi, nache asomaye ỹapolec aso nañiguishe, nache saishet da huo'o ca lañaxataxac naqa'en. Qaq ỹoqo'oye aso nañiguishe qaica ca alaỹaxac.

Lucas 21:34

Qalaxaye maxatchaxa, saishet da qaumiiguet da qauennacheetega da qauo'oche ca qarquia'axaqui qataq da qaumiiguet da qartaqai, qataq saishet da qaumachiỹalec nam chochaqna, yaqto' que'eca na'a'q saishet da qami' ique'elaxa't,

Lucas 8:14

Qaq asom nañiguishe maye tatelec som 'alhua maye huo'o ana ỹaxat, qalaq naigui ca shiỹaxaua maye na'axaỹaxaatega da na'aqtac. Qalaxaye saishet da hua'aqta'a damaye da naralaxat da nachaalataxac, nachaqrata da iuennatega nam yo'oqchigui lhuenaxanaxa da qanauec aca anom qataq da 'eetec da iqopitaxaatac da nachaalataxac.

Lucas 8:6

Qaq aso lỹa lañiguishe ala tatelec so 'alhua maye qalota na coma'. Ime, nache ana lañiguishe ñaxat, qalaxaye saqaỹaloq da deqaqa, cha'aye qaica ca laquitaxa na 'alhua.

Lucas 8:8

Qaq aso lỹa lañiguishe ala tatelec so no'on 'alhua, nache co'ollaq ñaxat, nache ỹataqta 'onaxaic da lañaxataxac qataq 'onaxaic da alaỹaxac, ỹoqo'oye huo'o ana ivi' cien ana ala añi 'oonole lamo.» Qaq co'ollaq ime, nache So Jesús nlamaxaren, 'eeta': «¡Qami' da ỹataqta 'eesa da huo'oi naua qartelai lauacolli', nache ỹataqta qana'axaỹaxañiichiguiñi!»