Lucas 8:2 - La'aqtaqa Ñim Lo'onatac 'Enauacna 2013

^2-3 nataqa'en qalota so 'alpi. Se'eso 'alpi itauaateguec ana alom co'ollaxa So Jesús qataq soua lapaxaguenataqa. Huo'o asomayepi co'ollaxa da So Jesús, nataren na ỹotta'a't lalolaxapi qataq ỹo'orauec na saqcha'a na'añaxacpi leguemaxaicpi. Qaq ỹalectaigui asomayepi aso María maye Magdala lashe asom chegaqaigui co'olloxocheye soua siete saqcha'a na'añaxac leguemaxaicpi. Nataqa'en ỹalectauo aso Juana qataq aso Susana. Aso Juana lhua so le'enaxat Cuza, som ilotague' ca lma' qataq da lsallaxa so Herodes Antipas.

Nuevo Testamento Toba Sur

² Nataq'en huo'o so nnaictague' 'alpi mayi latanñiguishipi co'ollaq i'odauec na l'ecpi qataq nam ÿotta'a't lalolaxacpi. Qaq ÿalectauo aso María mayi qaÿamata'ac Magdala lashi, asom chigaqaigui co'olloxochiyi som siete l'ec leguemaxaicpi,

Nuevo Testamento Toba Sombrero Negro

² nach'e naq'aeta uo'oe gaa'me yauo' jo'ne ñe'me en yemedegue ca'li chiyoĝotauelo gaa'me payac lepaqa'li jo'ne ja 'noe'n nataq'aen lapite'nadi. 'Uo jañe'me María jo'ne qoyenaqatenec Magdala laje, nach'añe jo'ne chiyaqauelo gaa'me siete nepaqa'li;

Lucas 8:2 Iomraidhean Croise

Mateo 4:24

Nache da na'aqtaguec So Jesús ỹataqta 'enauac ye 'alhua Siria da qaỹaỹaten. Nache qanda'a Somaye som shiỹaxauapi maye ỹotta'a't na lalolaxa, qataq som huo'o na netaigui saqcha'a na'añaxac leguemaxaic, copchaxaicpi, qataq na sa da'añiigue. Nache 'enauac nataren So Jesús.

Marcos 16:1

Qaq co'ollaq mashe inoxonec so na'a'q mataxaqui maye saishetapec na judiopi, nache aso María maye lma' ye Magdala, Salomé qataq aso María maye late'e so Santiago, soomaye desheenaxara so coraxat da yaqto' icorelec da lo'ocỹaxac So Jesús.

Marcos 16:9

[Qaq so nte'etom so la'auaxanec na'a'q co'ollaq mashe qaltaq nca'alec So Jesús, nache hua'auchiguiñi da nachaxana aso María maye lma' ye Magdala. Soua hua'au' na'axa'te nataren So Jesús asomaye ỹo'oldauec soua siete saq cha'alo na'añaxaco leguemaxaiqa maye netaigui co'ollaxa asomaye.

Lucas 23:27

Qaq ỹataqta qalota so ỹalleppi maye ca'attaueegue So Jesús qataq qalota aso ỹalectauopi na 'alpi. 'Enauac asomayepi nỹeetagui, na'alaqtapiguiñi, souaxat da laquicoxo.

Lucas 23:49

Qaq 'enauac nam nauochaxauapi So Jesús qataq som 'alpi maye ca'attague' Somaye co'ollaq chegoqchiguiña ye 'alhua Galilea, nache qaỹatauga ca hueta'a co'ollaq imeteetac da huaigui Somaye.

Lucas 23:55

Nache som 'alpi maye ca'attague' So Jesús co'ollaq chegoqchiguiña ye 'alhua Galilea, nataqa'en jec da ca'attaueegue so José da demeenaxaneuga aso huachiqui. Nache ỹauaachigui ye qoỹaachiguiña so lo'ocỹaxac So Jesús.

Lucas 8:30

Nache So Jesús inat se'eso ỹale, 'eeta': –¿Ca 'eetec ca 'are'enaxat? Nache somaye 'enapeco': –Qomye ỹe'enaxat Qalota. 'Enapec de'era, cha'aye ỹataqta qalota so saqcha'a na'añaxac leguemaxaicpi, netaigui somaye.

Juan 19:25

Qaq se'eso npe'enaxaqui So Jesús, nache saqaỹapeque ca huetaua'a aso late'e, qataq aso lỹa María maye lhua so Cleofas asom lasoro So Jesús, qataq aso María maye lma' ye Magdala.

Hechos 1:14

Qaq 'enauaque soomaye nache 'eetai' da lapoota'a't da nqouagaxaueeta'ape, ỹalectra'agueta aso late'e So Jesús, qataq soua lqaỹa't, qataq so laỹepi 'alpi.