Lucas 7:6 - La'aqtaqa Ñim Lo'onatac 'Enauacna 2013

⁶ Nache So Jesús nnaicapegueto soomaye. Qalaxaye co'ollaq mashe qanayeetaua'a ca lma' so huataxanaq lta'a, nache somaye ỹama'q soua nauochaxau' da 'enapegalo So Jesús, 'eetra': «'Am Ỹataxala', saishet qome da ỹapactec da 'arhuogoxo, cha'aye sela'a da ỹataqta saq saiguet da 'aunoxonoigui na ima'.

Nuevo Testamento Toba Sur

⁶ Nachi so Jesús nnaicapegueto soomayi. Qalaxayi co'ollaq mashi qanayiitau'a ca lma' so nta'a, nachi somayi ÿama'q soua nauochaxa'u da 'eedapega so Jesús, 'eeta': –'Am ÿataxala', sa ishit qome da ÿapacteec da 'ansallaxaueetapec, cha'ayi sela'a da ÿataqta saq 'aiguet da 'annoxonoigui na ima'.

Nuevo Testamento Toba Sombrero Negro

⁶ Qama'le Jesús equeguelo jogaa'me. Qalaĝaja ca'li yauoqoda'a ga'me 'lachaqa' ñe'me coicopi lajoĝola', qama'le uo'oe gaa'me naigaĝa'u jo'ne e'n queda'aguet qaedi enapega't: “Jaliaĝanec, ena'te aviyalapiye't, qa'a ja jalo'taguet ta'le auenoĝonoue ñe'me 'yemec;

Lucas 7:6 Iomraidhean Croise

Génesis 32:10

qaq aỹem, ỹataqta saq saiguet da 'arauotaxanaqtaic qataq 'artelaxa da sheeta, cha'aye co'ollaq sa'axasoxoolec aso tala Jordán, nache qaica ca lỹa sachetac, nachaqanata ana ỹashelte. Qaq nagui qalaq sevira'a da dos naua lma'ate na ñenaictague'pi.

Proverbios 29:23

Da ño'oxonnaxac ca ỹale nachera da qaica ca la'amaqchec naqa'en, qaq ca sa na'amqaanaxaic qalaq huo'o da la'amaqchec qanqa'en.

Mateo 20:28

Aỹem Shiỹaxaua Llalec, nache ỹataxac de'era, sa ñanaỹa ana 'alhua da yaqto' Aỹem qanhualaxaueetapegue', nachaqrata da Aỹem ñeualaxaueetac qataq ñanac da sesoueeguesop na lasouaxashetpi na shiỹaxauapi qataq san da ñachaalataxac da lasheue damaye.»

Mateo 3:11

Qaq 'eesa da aỹem nagui qami' ñachelaxanguilo na 'etaxat, qaq damaye naigui da qami' qaỹa'axañeere'c naua qauema maye qauo'ocheeta'ape. Qalaxaye cam aỹem nca'attalec, camaye dachelaxanataxana qome So Saqcha'a Na'añaxac Qui'itta qataq ca norec. Qaq camaye ỹataqta ỹactec da la'añaxac, saishet da sheeta'am. Na'aictoxo' da choche aỹem l-latac ỹataqta saishet da ñaloua'a.

Marcos 5:24

Nache So Jesús ca'ategue so Jairo. Qalaxaye qalota so shiỹaxauapi lapona't, nache ca'ategue So Jesús.

Lucas 5:8

Qaq co'ollaq ila'a de'era so Pedro, nache ỹa'aroto naua l-llectel So Jesús, nache 'enapega, 'eeta': ¡'Am Ỹataxala' aỹem qoca'ai, cha'aye aỹem ỹataqta aỹem 'etaxaloxoic!

Lucas 7:4

Nache soomaye je'c da nqo'oora So Jesús, nache ỹanema de'era na'aqta'c. Qataq nataqa'en nachoxoreetacoto, 'eeta': «Qomi' 'anqouagueque, 'auo'ot da lquiquiaxac ñi'iñi huataxanaq lta'a. Ñimaye taiguet da qaitauan, cha'aye ỹataqta no'on shiỹaxaua.

Lucas 7:5

Qomi' judiopi ỹataqta qomi' ỹaỹamaxatte'; ¡qataq ivira'a da damaxasoxoolec da qano'oxoosheguem añi qanapaxaguenaxaqui!»

Lucas 7:7

Qataq nataqa'en aỹem sela'a da saishet da saiguet da 'am sepaca'a da 'am she'eguena'a. Nachaqrata da 'am ñachoxonnot da 'auauo'o ca 'ara'aqtac, da yaqto' no'oita ye ỹamaxashec, cha'aye aỹem sa'amaqten da yemaye ishet da no'oita.

Lucas 8:49

Qaq co'ollaq ña detaqtac So Jesús, nache huo'o so nvi', chegaqa'a ca lma' so Jairo som nataxala' asom napaxaguenaxaqui na judiopi. Nache da'aqtaxanem somaye, 'eeta': –Aye 'aỹa'ale mashe ileu. No'on da 'aua'aqta'a da Napaxaguenataxanaq.

Hechos 10:38

So Jesús maye Nazaret le'ec. Qaq Ñim Lo'onatac 'Enauacna ỹanem co'ollaxa da la'añaxac Somaye So Saqcha'a Na'añaxac Qui'itta. Qaq Ñimaye ye hueta'aguet So Jesús, nache Somaye nache 'eetai' naxa da ỹo'ottac na ỹaỹamaqchiguiñi qataq nataren 'enauac nam huetalec da la'añaxac so pa'aguenataxanaxaic.

Santiago 4:10

Saishet da qana'amaqchiñi da qauataito'ot Ñim Nataxala', qaq Ñimaye ỹauo'o ca qansheetenaguiiqui.

Santiago 4:6

Qaq ỹoqta 'eesa da Ñim Lo'onatac 'Enauacna ỹataqta qomi' ỹauoteque, cha'aye nache 'eetec da nanettalec ana nere maye huetalec na la'aqtacpi Ñimaye maye 'eeta': «Ñim Lo'onatac 'Enauacna ỹataqta dataỹa'aguet nam na'amqaanaxaicpi, qalaxaye ỹauo'o ca ntaunaguec nam saishet da na'amaqten.»