Lucas 7:2 - La'aqtaqa Ñim Lo'onatac 'Enauacna 2013

² Qaq netaña yemaye so huataxanaq lta'a maye lma' ye Roma, somaye huo'o so lamaxashec ỹataqta lauotaxat. Qaq se'eso lamaxashec sa no'on qataq mashe ileetapigui'.

Nuevo Testamento Toba Sur

² Qaq huaña yimayi, nachi huo'o so huataxanaq lta'a mayi l'ec yi Roma. Somayi huo'o so l-latac ÿataqta lauotaxat, qaq somayi sa no'on, qaq mashi ileetapigui'.

Nuevo Testamento Toba Sombrero Negro

² Nach'edi na'ña ñe'me Roma le'ec jo'ne coicopi lajoĝola', jo'ne 'uo ga'me lalemaĝajet jo'ne yataqachiñe noqopita; joga'me 'uo da'me lapite'na jo'ne yamta'le yovidaĝa'ta da'me leleuaĝa.

Lucas 7:2 Iomraidhean Croise

Génesis 24:27

nache 'eeta': «¡Ỹataqta qaỹo'oxoren qome Ñim Nataxala', Ñim Natamnaxala' ñi ña'aco' Abraham, cha'aye ipacchigui da la'aqtac, qataq ỹasaxalec da lauotaxanaqtaic ñi ña'aco', qataq aỹem nauecteuga na nqa'aic maye naỹa'a na lma' na lauo' le'ecpi ñimaye!»

Génesis 35:8

Qaq yemaye nache huaña co'ollaxa da ileu aso Débora, asom 'alo maye iuattague' co'ollaxa aso Rebeca, qaq nache qailareñi, qaỹacho'ot aso qo'oipaq le'enaxat encina maye sa qaỹapeque ye Betel. Nache so Jacob ỹanagui da le'enaxat yi'iye 'alhua «Encina maye huaña so noinaxac.»

Da na'aqtaguec so Job 31:5

Cha'aye da iqauaxac sa ỹauanago' da shectague' ca sa ỹaỹamaxañi, qataq sa ñeqalgoqta'a ca natenataxanaxac.

Proverbios 29:21

Ca 'aco' da saishet da nhuogaxa ca l-latac da ñaq nogotolec, nache huo'o ca na'a'q qaq choche ntogottague' camaye.

Mateo 27:54

Nache so huataxanaq lta'a maye Roma le'ec qataq som nalleppi maye nauaatalec So Jesús co'ollaq ỹauaachigui so nacholaxanaxa qataq nam laỹepi maye yo'oq, nache ỹataqta iviloxolaqchet da lcolanaxa. Nache somayepi 'enapeco': «¡Ñi'iñi ỹale ỹoqta 'eesa da Llalec Ñim Lo'onatac 'Enauacna!»

Lucas 23:47

Nache so huataxanaq lta'a co'ollaq ỹauaachigui de'era, nache ỹo'oxoreetac Ñim Lo'onatac 'Enauacna, 'eeta': –Ỹoqta 'eesa da ñi'iñi ỹale qaica ca ỹasouaxat.

Lucas 7:1

Nache So Jesús co'ollaq imat da ỹapaxagueetac so shiỹaxauapi, nache jec, taỹa ye nỹecpi le'enaxat Cafarnaúm.

Lucas 7:3

Qaq se'eso lta'a na huataxanaq co'ollaq hua'axaỹapeguelec So Jesús, nache huo'oi soua ỹama'q nam lataxala'pi na judiopi, da ỹe'egueera'a So Jesús qataq 'enapega 'eeta': «Aỹem 'anqouaguec, 'auanaỹa na ima' da 'anataren ye ỹamaxashec.»

Lucas 8:42

Cha'aye aso 'oonole llale maye mashe ivi' naua doce vi'iye da llaxa, asomaye ileetapigui'. Nache So Jesús ca'ategue so Jairo, qaq ỹataqta qalota so ca'ategue Somaye, ivira'a da ỹataqta qanpataxagui.

Hechos 10:1

Qaq yem nỹecpi ye Cesarea, nache netaña so ỹale le'enaxat Cornelio. Somaye lta'a na huataxanaq maye Roma le'ecpi, nache ilotague' som cien huataxanaqpi maye qaỹamata'ac chegaqa'ague da Italia.

Hechos 10:7

Qaq co'ollaq jec so namaxashec piguem le'ec maye da'aqtaxaatac, nache so Cornelio iỹaxaneugalo soua dos soua lamaxa'she qataq so 'oonolec huataxanaq le'ec maye nataqa'en ỹo'oxoreetac Ñim Lo'onatac 'Enauacna qataq ỹataqta lpe'et.

Hechos 22:26

Qaq co'ollaq hua'aqchigui de'era so ltaua so huataxanaq lta'a, nache jec da icoyeguen so lta'a, 'eeta': –Maxatchaxa qome da 'anshetaique da 'auo'ot, cha'aye de'era ỹale, damaye Roma le'ec.

Hechos 23:17

Nache so Pablo iỹaxana so 'oonolec nam ltauapi so huataxanaq lta'a, nache 'enapega, 'eeta': –'Auauegueua'a qome de'era nsoq ca nta'a, cha'aye damaye huo'o da la'aqtaxanaxac da da'aqtaxanem camaye.

Hechos 27:1

Qaq co'ollaq mashe qanasachigui da qomi' qaỹamaxaregue da Italia. Nache so Pablo qataq so laỹepi ncoñeteguishecpi qaỹamaxaguet so huataxanaq lta'a le'enaxat Julio, som ilotague' so huataxanaqpi maye qaỹamata'ac nalleppi so nta'a Augusto.

Hechos 27:3

Qaq so lỹa na'a'q, nache seviraxa ye ñegaxasom le'enaxat da Sidón. Qaq yemaye nache huaña da so Julio ỹataqta ỹaỹamaxatta so Pablo, nache ỹasheetem somaye da yaqto' namaqtega na nauochaxauapi maye lma' ye Sidón, qataq ỹasheeta da somayepi ishet da itauan so Pablo.

Hechos 27:43

Qalaxaye som lta'a so huataxanaqpi huotaique da nca'alaxatec so Pablo, nache saishet da ỹashenem somayepi da dalaataxan; chaqrata da ỹan da la'aqtac da ca ỹaỹaten da laloxonaxac, nache ishet da hua'auta'ata so 'alhua da daloxoota.

Colosenses 3:22

Qataq qami' nlatacpi, ỹataqta qaualaqaiguet ca yo'oqchigui qana'aco'oi ana'ana 'alhua. Saishet da nachaqrata da qami' ilotaguilo da yaqto' qami' ỹaỹamaxareete', nachaqrata da qauo'oche damaye souaxat da huesota qarquiyaqteỹaxaqui, qataq da 'enec qanqa'eñi So Qarataxala'.