Lucas 7:16 - La'aqtaqa Ñim Lo'onatac 'Enauacna 2013

¹⁶ Qaq co'ollaq qaỹauaachigui de'era, nache 'enauac so shiỹaxauapi ỹataqta huo'o da lcolanaxa, nache chegoqchiguiña da ỹo'oxoreetac Ñim Lo'onatac 'Enauacna, 'eeta': «¡Huo'o da na'aqtaxanaxanec qomi' hueta'agueta! ¡Qaq nagui Ñim Lo'onatac 'Enauacna qomi' itaua'n!»

Nuevo Testamento Toba Sur

¹⁶ Qaq co'ollaq qaÿauaachigui de'eda, nachi 'enauac so shiÿaxauapi ÿataqta huo'o da lcolanaxa. Nachi ÿi'oxodeetac ñi Dios, 'eeta': –Huo'o so 'amaqtaqaic l'aqtaxanaxanec ñi Dios qomi' chigoqchiguinguilo. Nataq'en qoÿiita' da n'aqtac: –Ñi Dios anac da itauan nam lalamaxatpi.

Nuevo Testamento Toba Sombrero Negro

¹⁶ Mane'e ca'li qoyauana da'me dojo', qama'le ena'uaque jalcote da'me yoqochetem, nataq'aen 'nonaĝachidegue joñe'me Dios, enapega't: —¡'Uo jena'me p'ajaye Dios 'laqataĝanaĝanec jo'ne qo'mi naloĝonouelo! ¡Dios naequena qaedi qo'mi lecochiyalo, mach'e qo'mi lec'oqo'tepi!

Lucas 7:16 Iomraidhean Croise

Salmos 65:9

'Am ỹataqta 'antela'a ana 'alhua, 'anamaxa na auot qataq ñaxatsheguem 'anqa'en na huetalec, qataq 'auauota'a na la'auaxac da ñaxat 'anqa'en na trigo, qaq 'era da qonetec da 'auqataxanai' na no'onaxa.

Éxodo 4:31

Huaña, nache so shiỹaxauapi ỹataqta ỹa'amaqten de'era na'aqtaxanaxac, cha'aye ỹaỹaten da Ñim Nataxala' maiche huapegue' somayepi, qataq da sogote da ỹaỹateeta da nque'eenaxac, huaña nache ỹa'alyiñi naua l-llecte da natamnot Ñimaye.

Jeremías 33:9

Ye Jerusalén, yemaye ỹo'ot qome da ỹamaicỹaxac, da shenec qataq da ỹo'oxoyec, qom imeteetac yemaye nam ỹotta'a't shiỹaxauapi ana 'alhua. Qaq nam ỹotta'a't shiỹaxauapi qom hua'aqtega da qaỹa'axattac da no'on maye talec ñaqa'en na lma' ye Jerusalén, qataq da nquictasheguem da qaica ca iuena'a, nache namayepi ỹataqta iviloxol qome souaxat da lli'iỹaxa.

Mateo 15:31

Ỹoqo'oye so shiỹaxauapi ỹataqta huo'o da la'aalaxa, souaxat da ỹauaachigui somayepi da 'enauac no'oita. Huaña, nache qaỹo'oxoreetac Ñim Lo'onatac 'Enauacna maye Lta'a nam Israel le'ecpi.

Mateo 21:11

Nache som shiỹaxauapi maye nnaictague' So Jesús, 'eeta': –¡Qomye damaye le'enaxat Jesús maye la'aqtaxanaxanec Ñim Lo'onatac 'Enauacna! Damaye chegaqa'a ye Nazaret maye huaigui ye 'alhua Galilea.

Mateo 28:8

Nache soua 'alol ỹataqta ñi'i' qalaxaye nataqa'en ỹataqta lta'araic da ntonaxa'c, nache je'c ỹataqta nqalgoqte' da iroua'alo da la'axaỹaxa'c soua napaxaguenataqa.

Mateo 9:8

Qaq so shiỹaxauapi co'ollaq ỹauaachigui de'era, nache ỹataqta huo'o da la'aalaxa. Nache ỹo'oxoreetac Ñim Lo'onatac 'Enauacna, souaxat da Ñimaye ỹami' de'era na'añaxac 'enauac na shiỹaxauapi.

Lucas 1:65

Huaña, nache 'enauac se'eso lauoreuapi ỹataqta huo'o da la'aalaxa, qataq nataqa'en 'enauac som netalec se'eso saqaỹoqotcheguemec 'alhua ye Judea, da qaica ca lỹa qana'aqtaxaatapigui, nachaqrata de'era.

Lucas 1:68

«¡Ỹataqta sho'oxorenaq qome Ñim Lo'onatac 'Enauacna maye Lataxala' na Israel le'ecpi, cha'aye Ñimaye qomi' naỹalo da qomi' nca'alaxatre'c!

Lucas 19:44

Nache qami' ilaxachiguilo ỹataqta qami' nmatchiyiñi. Saishet da huo'o ca 'oonolec da nachattañi na coma'pi maye qarpaqtaxanaxache. Qataq 'enauac da qoñiita qaullivi, qataq qanque'etaxañiigui 'enauac de'era, cha'aye saishet da qaua'amaqchiñi da Ñim Lo'onatac 'Enauacna Aỹem namaq da qami' ñeca'alaxatrec.

Lucas 2:20

Qaq so qagueta lo'opi co'ollaq ime, nache ỹe'eguelaxauga aso qaguetapi da ilo'ogue. Qaq co'ollaq quetrague' so nqa'aic, nache ỹataqta ỹo'oxoreetrac Ñim Lo'onatac 'Enauacna, qataq ỹaatacot da na'achec souaxat dam ỹauaachigui qataq dam hua'aqchigui. Ỹataqta 'enauac da ipacchigui nam ỹa'axattac som namaxashec co'ollaxa.

Lucas 24:19

Nache Somaye 'enapeco': –¿Negue'to' camaxa? Nache soomaye 'ena'apo': –Qomye dam huaigui So Jesús maye Nazaret le'ec, som la'aqtaxanaxanec Ñim Lo'onatac 'Enauacna. Se'eso ỹale qaica ca ỹaqalanapec da huo'o ye la'aqtac, qataq da huo'o ye ỹo'ot, qaq ỹataqta ỹaỹamaxareeta Somaye Ñim Lo'onatac 'Enauacna qataq 'enauac na shiỹaxauapi.

Lucas 5:26

Nache 'enauac so shiỹaxauapi ỹataqta huo'o da la'aalaxa, qataq nlaqchigui da lcolanaxa, ime, nache ỹo'oxoreetac Ñim Lo'onatac 'Enauacna, 'eeta': «¡Ỹataqta qaica ca 'ena'am da llo'oxoyec da sauanaqchigui ne'ena na'a'q!»

Lucas 5:8

Qaq co'ollaq ila'a de'era so Pedro, nache ỹa'aroto naua l-llectel So Jesús, nache 'enapega, 'eeta': ¡'Am Ỹataxala' aỹem qoca'ai, cha'aye aỹem ỹataqta aỹem 'etaxaloxoic!

Lucas 7:15

Nache se'eso nsoqolec ñesheguem qataq detaqa. Ime nache So Jesús ỹauec so nsoqolec ỹauega ca hueta'a aso late'e.

Lucas 7:39

Qaq co'ollaq ỹauaachigui de'era so Simón, nache deuennataxaataco', 'eeta': «Ñi'iñi ỹale da ỹoqta 'eesa taxa da la'aqtaxanaxanec Ñim Lo'onatac 'Enauacna, nache ishettaxa da ỹauatton añim 'alo maye ipottaua'alo naua lchel da añimaye qauem da na'aqtaguec.»

Lucas 8:37

Nache 'enauac na shiỹaxauapi maye lma' ye Gerasa, nachoxoreetacot So Jesús da ca'ai yi'iye 'alhua, souaxat da ỹataqta lta'araic da lcolanaxa. –Qaq co'ollaq So Jesús da huenooñigui aso nllocta da ỹe'eguelaxata ye Galilea,

Lucas 9:19

Nache soua napaxaguenataqa ỹasa't, 'eetra': –Qomye huo'o na ipettega da nache 'am nachelaxanataxanaq Juan; qataq huo'o na ipettega da nache 'am Elías; qataq huo'o na 'eetega da nache 'am 'oonolec som hua'au la'aqtaxanaxanecpi Ñim Lo'onatac 'Enauacna da huo'otaq nca'alec.

Juan 1:21

Nache somayepi ỹe'eguelaxalec da inat, 'eeta': –Qaq ¿chaq negue't 'am qone'? ¿Peta'a nache 'am Elías? Nache so Juan 'enapeco': –Saishet; saishet da aỹem Elías. Qaq somayepi qaltaq ỹe'eguelaxalec da inat, 'eeta': –¿Peta'a nache 'am que'eca na'aqtaxanaxanec maye qaỹa'axatta'aguet da naỹa'acna? Nache somaye ỹasat, 'eeta': –'A'i, saishet da nachaỹem.

Juan 1:25

'eeta': –Da saishet da 'am Lca'aguishec Ñim Lo'onatac 'Enauacna, huo'otaq 'am Elías, huo'otaq ca lỹa la'aqtaxanaxanec Ñim Lo'onatac 'Enauacna. Qalaq ¿ta'ainco' qone' ye 'auachelaxanataxaatac?

Juan 4:19

Qaq co'ollaq hua'axaỹa de'era aso 'alo, nache 'enapeco': –'Am Nataxala', aỹem sela'a da ỹoqta 'eesa da 'am la'aqtaxanaxanec Ñim Lo'onatac 'Enauacna.

Juan 6:14

Nache som shiỹaxauapi maye ỹauaachigui de'era na'anec maye sa qaỹauanapega maye ỹo'ot So Jesús, somayepi 'enapeco': –Ỹoqta 'eesa damaye, da la'aqtaxanaxanec Ñim Lo'onatac 'Enauacna maye qaỹa'axatta'aguet co'ollaxa da naỹa ana 'alhua.

Juan 9:17

Nache somayepi ỹe'eguelaxalec da inattac se'eso ỹale maye qanamaic co'ollaxa, 'eeta': –Qaq 'am, ¿hua'ague ca 'eetec ca 'ara'aqtac som ỹale maye 'anauaañi naqa'en? Nache somaye 'enapeco': –Qomye aỹem, Somaye 'eeta'am ñaqa'en da la'aqtaxanaxanec Ñim Lo'onatac 'Enauacna.

Hechos 5:5

Qaq co'ollaq hua'axaỹa de'era so Ananías, nache huañi da ileu. Qaq 'enauac nam hueta'a yi'iye ỹataqta huo'o da lcolanaxa.

Hechos 7:37

Qataq nacheso se'eso Moisés so da'aqtaxanem co'olloxocheye so Israel le'ecpi, 'eeta': «Ñim Lo'onatac 'Enauacna qami' namaxalo qome ca la'aqtaxanaxanec, camaye maiche qaralamaxache qarhuo'oi le'ec, camaye 'eeta'am aỹem da qami' qanamaxalo. Qaq camaye ỹataqta qaualaqaileco' qome.»

Gálatas 1:24

Nache ỹo'oxoreetac Ñim Lo'onatac 'Enauacna, souaxat Ñimaye da naralaxat da ỹataxac.

Deuteronómio 18:15

Qaq Ñim Nataxala' maye Qanatamnaxala'ai qami' chegoqtoiguilo naqa'en qome ca la'aqtaxanaxanec da 'eeta'am aỹem, qaq camaye ỹataqta qaualaqaiguet qome.