Lucas 6:2 - La'aqtaqa Ñim Lo'onatac 'Enauacna 2013

² Nache so fariseopi ỹauaachiguilo soua napaxaguenataqa da ỹo'ottrac de'era, nache denataxa'n, 'eeta': –¿Ta'ainco' qami' ye sa qaualaqaiguet da namaxasoxonaxac? De'era qauo'oche damaye sa qaishetapec na na'a'q mataxaqui.

Nuevo Testamento Toba Sur

² Nachi huo'o so dechimaqtaxan nam fariseopi, 'eeta': –¿Tá'ainco' qami' yi qau'ochi dam sa ishit da qaishitapec da qai'ot yi na'a'q mataxaqui?

Nuevo Testamento Toba Sombrero Negro

² Qama'le uo'oe gaa'me fariseopi jo'ne denataĝa'n: —¿Toqoch'e auauoyi ga'me jo'ne ja qoyajeta ta'le qoya'uo ga'me nolo' jo'ne niyamaqatac?

Lucas 6:2 Iomraidhean Croise

Éxodo 22:10

Qaq da huo'o ca ỹami' ca lỹa shiỹaxaua da ilo'ogue ca lalo 'ashena, lauegaxanaxala' huaca, qagueta, huo'otaq camachaqca lỹa shiguiỹac, nache que'eca shiguiỹac da ileu, huo'otaq qaique'emaqchet, qalqo' qaicachiỹa da qaica ca ỹauangui,

Éxodo 31:15

Nache seis na'axa'te da huo'o ca qaỹo'ot no'onatacpi, qalaxaye da ivita ye na'a'q siete, nache mataxaqui. Qaq da huo'o ca shiỹaxaua da do'onataxan yi'iye na'a'q mataxaqui nache camaye qaỹalauat›.

Éxodo 35:2

Seis na'axa'te da qauo'onataxañiitac qome, qalaxaye da ivita ye na'a'q siete, nache qanmachiiuec, cha'aye yi'iye na'a'q huetoigui da ỹataqta qaỹo'oxoren Ñim Nataxala'. Qaq da huo'otaq huo'o ca shiỹaxaua da do'onataxan yi'iye na'a'q maye mataxaqui nache camaye qaỹalauat.

Isaías 58:13

Huo'o naq 'enec 'anqa'en ye na'a'q mataxaqui, saishet da 'aume'eguet da 'anmenaxac da huaigui ye ỹalamaxat na'a'q maye qui'itta. Yi'iye na'a'q ỹataqta laloxoqui 'anqa'en da namaicỹaxac, qataq nacheye yem qui'itta na'a'q maye lalamaxat Ñim Nataxala' qataq taiguet da ño'oxonnataxanaxac, ỹataqta huo'o naq naigui 'anqa'en, nache saishet da 'auo'ottac nam 'aro'onatacpi qataq da 'anmittaique nam 'aralamaxatpi qataq da 'auo'ottac da 'anmenaxac.

Mateo 12:2

Nache nam ỹalectaigui na fariseopi co'ollaq ỹauaachiguilo soua napaxaguenataqa da napoctrac na trigo, nache 'enapega So Jesús, 'eeta': –¡Ña 'aula'a dam ỹo'ottac naua 'arapaxaguenataqa! ¡Damaye ỹataqta sa qaishetapec da qaỹo'ot ye na'a'q mataxaqui!

Mateo 15:2

–«¿Ta'ainco' naua 'arapaxaguenataqa ye saishet da quetelec dam lataxac som hua'au qarta'alpi? ¿Ta'ainco' naamaye da saishet da ipaguelec da lataxac da qaiỹoi' naua nhua'q da deque'e ca shiỹaxaua?»

Marcos 2:24

Nache so chegaqaigui na fariseopi co'ollaq ỹauaachigui de'era, nache 'eetego' So Jesús, 'eeta': –¡Ña 'aumeten, da ỹo'ottrac naua 'arapaxaguenataqa! ¿Peta'a sa ỹaỹateno' da sa qaishetapec da qanqat na ala na trigo ne'ena na'a'q mataxaqui?

Lucas 5:33

Nache huo'oi soua 'enapegalo So Jesús, 'eetra': –Na lapaxaguenatacpi so Juan maye nachelaxanataxanaq qataq nam quetague' na fariseopi ỹataqta ỹaguec da nqouagaxaunaxac qataq nqouaqchetaxac. Qaq naua 'arapaxaguenataqa qalaq nda'a't da lquia'axac qataq da nỹomaxac.

Juan 5:16

Qaq ỹoqo'oye soomaye icaatrac So Jesús, souaxat Somaye da datannaxangui so na'a'q mataxaqui.