Lucas 5:7 - La'aqtaqa Ñim Lo'onatac 'Enauacna 2013

⁷ Nache soomaye ỹatecapeguetalo soua lỹa't maye netanguilo aso lỹa nllocta, da yaqto' je'c da itaua'n soomaye. Nache se'esoua lỹa't je'c, nache ỹataqta qanlaxatchiguilo soua dos nllocta. Qaq ỹoqo'oye ỹataqta huotaique da iyiiyiñi.

Nuevo Testamento Toba Sur

⁷ Nachi soomayi ÿatecapeguetalo soua lÿa't mayi netanguilo aso lÿa barco, da yaqto' ana'c da itaua'n soomayi. Nachi se'esoua lÿa't ana'c, nachi ÿataqta qanlaxatchiguilo soua dos barco. Qaq ÿoqo'oyi huac da iyiiyiñi soua barco.

Nuevo Testamento Toba Sombrero Negro

⁷ Chane'eja yiyaĝanalo gaa'me lequiaĝa'u jo'ne netedañgui jaga'me licota laqaya, qaedi yec'atalo da'me lecochiyalo. Jogaa'me yec'atalo qama'le e'n najaĝayelo gaa'me dojole 'me licotal, jo'ne yamta'le domalidiñe.

Lucas 5:7 Iomraidhean Croise

Éxodo 23:5

Saishet da sa 'atauan ca 'am nquiỹatega, da huo'otaq 'auauaachigui ca lalo 'ashena da ipataxañi ca lla'ac. Qalaq 'am 'atauan qome camaye, da yaqto' nqateeguesop ca lla'ac maye ipataxañi ca lalo.

Proverbios 18:24

Huo'o ca auochaxaua maye ỹauecta'a da nlaguiñi ca nauochaxaua, qalaxaye huo'o ca auochaxaua maye napacalec da lauotaxanaqtaic ca nqaỹa.

Marcos 4:36

Ime, nache ca'ai so shiỹaxauapi, nache ỹa'axasoxoolec aso lapel netrangui aso l-llocta'. Nataqa'en huo'o so laỹepi shiỹaxauapi da jec, huenoteua'a aso laỹepi nlloctapi.

Lucas 5:6

Qaq co'ollaq qaỹo'ot da 'enapec So Jesús, nache ỹataqta qalota so nalliiguishecpi nỹaq. Qaq ỹoqo'oye huotaique da colaqa'ague so lalegue'c.

Lucas 5:8

Qaq co'ollaq ila'a de'era so Pedro, nache ỹa'aroto naua l-llectel So Jesús, nache 'enapega, 'eeta': ¡'Am Ỹataxala' aỹem qoca'ai, cha'aye aỹem ỹataqta aỹem 'etaxaloxoic!

Hechos 11:25

Qaq co'ollaq ime de'era, nache so Bernabé taigue da Tarso da ỹe'eguena'a so Saulo. Qaq co'ollaq ỹanata somaye, nache nauega ye nỹecpi ye Antioquía.

Gálatas 6:2

Da qaviyeeguet ca lqalaic, nache ñi 'oonolec iuen da itauan ca lỹa. 'Era da lataxac da qaỹalaxaguet na lqataxacpi So Cristo.

Filipenses 4:3

Qataq 'am ỹo'onataxanaxaua maye saishet da aỹem 'aỹotec, 'am shenapega da 'autaua'n qome que'ecaua qarqaỹa't, cha'aye caamaye ỹataqta qalota da ltaunaxanaxa'c aỹem, da sa'axattac da nca'alaxa, nataqa'en ca Clemente qataq cam laỹepi ỹo'onataxanaxauapi de'era qaro'onataxanaxac. Qaq Ñim Lo'onatac 'Enauacna mashe ỹerelec aca naneraxalate na chochaq tatec da lca'alaxa, nam le'enaxatpi namayepi.