Lucas 5:1 - La'aqtaqa Ñim Lo'onatac 'Enauacna 2013

¹ Qaq huo'o so na'a'q So Jesús hueto'ot na loigue aso lapel late'erai ye Galilea, nache ỹataqta qalota so shiỹaxauapi laponeua'a Somaye da yaqto' na'axaỹaxana da la'aqtac Ñim Lo'onatac 'Enauacna.

Nuevo Testamento Toba Sur

¹ Qaq huo'o so na'a'q so Jesús hueto'ot na loigue aso lapel late'edai mayi huaña yi Genesaret. Nachi ÿataqta qalota so anac shiÿaxauapi, ivitta'a da qanpataxagui somayi, cha'ayi somayipi huotaique da n'axaÿaxana da l'aqtac ñi Dios.

Nuevo Testamento Toba Sombrero Negro

¹ 'Uo ga'me ua'a ca'li, Jesús ue'ta ga'me lae jaga'me qa'em lat'edai jo'ne Genesaret, qama'le qoyipataqata't qa'a ga'me jiyaĝadipi jetaque domachita da'me 'laqataĝanaĝac ñe'me Dios.

Lucas 5:1 Iomraidhean Croise

Números 34:11

qataq chegoqchiguiña ye Sefán, nache nachiguiña ye Ribla maye pa'aigue da nala' lliguisheguem ye Ayin, qataq naỹaña ye pa'aigue da nala' lliguisheguem aso auaxai Cineret,

Mateo 11:12

Chegoqchiguiña co'ollaq so Juan maye nachelaxanataxanaq da da'aqtaxaatac, choche ivitta'a nagui, da de'era lo'onataxanaxac Ñim Lo'onatac 'Enauacna queta, na'aictaxa da huo'o na npa'aguenaxauapi. Nachaqnata nam shiỹaxauapi maye 'añaxaicpi qataq lhuotta nam ishet da taua'a da ỹalegueua'a da lo'onataxanaxac Ñimaye.

Mateo 14:34

So Jesús qataq soua lapaxaguenataqa ỹa'axasoxoorelec aso lapel choche ivitta'ata ye nỹecpi ye Genesaret.

Marcos 3:9

Qalaxaye souaxat da ỹataqta qalota so shiỹaxauapi, nache So Jesús 'enapegalo soua lapaxaguenataqa da ỹaỹamaxaayiñi aca 'oonole nllocta, da yaqto' saishet da qanpataxagui Somaye.

Marcos 4:1

Qaq so lỹa na'a'q, nache So Jesús dapaxaguenataxaatac, neto'ot na loigue aso lapel ye Galilea. Qaq cha'aye souaxat da ỹataqta qalota so shiỹaxauapi maye na'axaỹaxaatac, nache So Jesús huenongui aso 'oonole nllocta, nache nso'ooñi da yaqto' dapaxaguenataxan. Qaq so shiỹaxauapi nachattañi neto'ot na loigue aso lapel.

Marcos 5:24

Nache So Jesús ca'ategue so Jairo. Qalaxaye qalota so shiỹaxauapi lapona't, nache ca'ategue So Jesús.

Marcos 6:53

Qaq co'ollaq ime da ỹa'axasoxoorelec aso lapel, nache ivittra ye nỹecpi ye Genesaret, nache huaña da icoñerai'salo aso l-llocta' ỹaaro'ot so loigue.

Lucas 12:1

Qaq ñaq queta da qalota so shiỹaxauapi lapootapegueua'a So Jesús qataq mashe ivira da huo'o na qaỹe'eguingui. Nache Somaye 'enapegalo soua lapaxaguenataqa, 'eeta': «Maxatchoxo' qome, qarvichiỹa'aguet da latenataxanaxac na fariseopi. Namayepi ỹataqta ỹatenachettac na shiỹaxauapi da 'eetega 'eesa nam la'aqtaxanaxacpi.

Lucas 5:2

Nache So Jesús ila'alo soua dos nllocta qui'itchiguilo, neto'oto na loigue asa'aso lapel late'erai, cha'aye som ya'acoxoicpi huenoteeguesopa soomaye. Qataq iỹota'ape soua lalegue'c.

Lucas 8:22

Qaq huo'o so na'a'q, nache So Jesús huenooñigui aso nllocta, lỹata'ape soua lapaxaguenataqa. Nache 'enapegalo', 'eeta': «Qolaq saxatague da lỹa le'ego ana lapel late'erai.» Ime, nache je'c.

Lucas 8:23

Qaq co'ollaq ñaq quetralec aso lapel, nache So Jesús do'oche. Nache nque'elaxatta da huo'o so la'at ỹataqta qapa'atteguet tatelec aso lapel, qaq ỹoqo'oye na 'etaxat tangui aso nllocta. Nache soua napaxaguenataqa co'ollaq ila'a da lchec maye taleguete, nache ỹa'alaxarelec So Jesús da nquetoxo'n, 'eetra': –¡'Am Napaxaguenataxanaq, 'am Napaxaguenataxanaq, mashe huotaique da qomi' iyiiyiñi! Nache So Jesús ñesheguem. Nache 'enapega so la'at qataq ana lapaxa so 'etaxat da nañaxaayiñi. Qaq nache ipacchigui da 'enauac ỹe'eguelaxa da ntochiguiñi.

Lucas 8:33

Nache se'eso saqcha'a na'añaxac leguemaxaicpi ca'ai se'eso ỹale, nache taigui aso cos late'epi. Nache 'enauac asomayepi nqalgaqangui so tocot, nache tangui aso lapel late'erai, nache 'ogaxaipi.

Lucas 8:45

Nache So Jesús denataxangui so shiỹaxauapi, 'eeta': –¿Negue't ca Aỹem ipoteua'a? Qalaxaye ye qaica ca ishet da ỹasat da 'eetega ipoteua'a Somaye, nache so Pedro 'enapeco': –'Am Napaxaguenataxanaq, ¿Sa 'auaỹateno' da na shiỹaxauapi 'am qaicoleesop qataq 'am qanpataxagui?

Juan 1:40

So 'oonolec soomaye, nacheso so Andrés maye lqaỹa so Simón Pedro.

Juan 6:1

Qaq co'ollaq ime de'era, nache So Jesús taitague da le'ego aso Lapel Late'erai ye Galilea qataq da lỹa le'enaxat Lapel Late'erai ye Tiberias.

Deuteronómio 3:17

Nataqa'en sanem ye 'alhua ye Arabá, maye pa'aỹa'ague da nala' lliguisheguem añi qasoxonaxa Pisga, yem 'alhua maye loga't ye tala Jordán, chegoqchiguiña ye Quinéret, nache ivitta'a aso auaxai ye Arabá, maye nachaso aso Auaxai Leuaxai.

Hebreos 13:7

Qataq qauennachiỹa'a som qarataxala'aipi maye qami' ỹa'axatema co'ollaxa da la'aqtac Ñim Lo'onatac 'Enauacna, cha'aye somayepi huetaigui da lta'araic lpi'iỹaxac Ñimaye. Qataq saishet da qaỹa'axañiiñi da qauennacheetega somayepi qataq qoquiigue da lataxac.

Josué 12:3

Nataqa'en ivira'a so pa'aỹa'ague da avit so Tala Jordán, chegoqchiguiña aso Lapel Quinéret, nache ivitta'a aso Auaxai Leuaxai, maye pa'aỹa'ague da la'añaxa, nache ivitta'a ye Bet Yesimot, qataq añi qasoxonaxa Pisga.

Josué 13:27

Nataqa'en taỹot somayepi ye ca'amapega't ye Bet Aram, Bet Nimrá, Sucot qataq ye Safón, maye nachesouate' co'ollaxa da no'oirañi da lalamaqa'ate so Sijón maye nta'a ye Jesbón. Qaq se'eso na'alhua somayepi chegoqchiguiña ye pa'aỹa'ague da nala' lliguisheguem so tala Jordán, nache ivitta'a so pa'aỹa'ague da la'añaxa añi Lapel Quinéret.