Lucas 4:8 - La'aqtaqa Ñim Lo'onatac 'Enauacna 2013

⁸ Qalaxaye So Jesús 'enapeco': Ana nere maye huetalec na la'aqtacpi Ñim Lo'onatac 'Enauacna, 'eeta': «'Avio'oxoren Ñim Nataxala' maye Lo'onatac 'Enauacna, qataq nachaqñita Ñimaye 'aualaxaguet.»

Nuevo Testamento Toba Sur

⁸ Qalaxayi so Jesús 'enapeco': –'Am Satanás, aÿim qoca'ai, cha'ayi yi nanettañi l'aqtac ñi Dios 'eeta': “'Avi'oxoden ñi 'adataxala' Dios, qataq nachaqñita ñimayi 'au'onataxanot.”

Nuevo Testamento Toba Sombrero Negro

⁸ Qalaĝaja Jesús 'yateguet: —Da'me Dios 'laqatac enaac: «A'nonaĝachigui ñe'me Jaliaĝanec jo'ne Anedios, nataq'aen nach'eñeta a'uonataĝaneuo'o joñe'me.»

Lucas 4:8 Iomraidhean Croise

2 Reyes 19:15

Nache so Ezequías nqouagaxaunot Ñim Nataxala', 'eeta': «'Am Nataxala', maye Natamnaxala' na Israel le'ecpi, maye aca 'anso'onaxaqui netanguilo soua querubines, qataq nache 'amta da 'Am Atamnaxala' maye 'aulotalec 'enauac nam ỹotta'a't maye huetalec ana 'alhua, 'am 'aro'onatac co'ollaxa na piguem, qataq ana 'alhua.

Salmos 83:18

Yaqto' namayepi ỹaỹateeta da nache 'Am Nataxala', qataq da nache 'amta da 'Anataỹaña 'Enauacna, maye 'aulo'ogue 'enauac ana 'alhua.

Isaías 2:11

Nam na'amqaanaxaicpi qalaq nloguiñi qome, qataq nam napagaqaanaxaicpi qaica ca 'enec. Cha'aye nacheñita Ñim Nataxala' da qaỹo'oxoren qome que'eca na'a'q,

Mateo 16:23

Qalaxaye So Jesús ỹamato'ot so Pedro, nache 'enapega, 'eeta': –¡'Am Pedro, da 'artaxaỹaxac 'eeta'am da ltaxaỹaxac so pa'aguenataxanaxaic! ¡Aỹem qoca'ai qome! Cha'aye 'am saishet da 'auaỹaten dam 'eetapeguec Ñim Lo'onatac 'Enauacna. Qataq choche qoquetegueua'a da Aỹem saishet da salaq.

Mateo 4:10

Nache So Jesús 'enapego' somaye, 'eeta': –'Am pa'aguenataxanaxaic, aỹem qoca'ai, cha'aye ye nanettalec ana nere maye huetalec na la'aqtacpi Ñim Lo'onatac 'Enauacna 'eeta': «'Avio'oxoren Ñim Lo'onatac 'Enauacna, qataq nachaqñita da 'aualaxaguet.»

Lucas 4:4

Nache So Jesús 'enapeco': –Ana nere maye huetalec na la'aqtacpi Ñim Lo'onatac 'Enauacna, 'eeta': «Saishet da nachaqacata aca nauole da ỹa'añaqchet ca shiỹaxaua.»

Lucas 4:7

Qaq qom aỹem 'aua'aroto naua 'arllectel da aỹem 'anatamnot, nache aỹem 'am sami' da 'aralamaxat qome 'enauac namayepi.

Deuteronómio 10:20

Huo'o naq 'enec qanqa'eñi Ñim Nataxala' maye Qanatamnaxala'ai, qataq nacheñita da qavio'oxoyiñi, saishet da qavio'oxoyiñi ca ỹaqa'a atamnaxala'pi. Qaq da huo'o ca qaỹa'añi qara'aqtaqui, nache chegoqchigui qanqa'eñi da le'enaxat Ñimaye.

Deuteronómio 6:13

Ỹoqo'oye huo'o naq 'enec qanqa'eñi Ñim Nataxala' maye Lo'onatac 'Enauacna, qataq nacheñita qaualaqaiguet. Qataq da qaỹa'añi ca qara'aqtaqui qalaq qauacoñiỹa da le'enaxat Ñimaye.

Santiago 4:7

Qaq ỹoqo'oye ỹataqta qaualaqaiguet Ñim Lo'onatac 'Enauacna. Qataq qauataiỹa'aguet so pa'aguenataxanaxaic, nache somaye dataueguesopa qami'.

1 Pedro 5:9

Qanachaachiỹa'aguet da lcanaxanaxac, qataq qauauo'oi ca qarpi'iỹaxaqui Ñim Lo'onatac 'Enauacna qataq saishet da huo'o ca huaña da qauqolectaxañi. Cha'aye mashe qauaỹaañi da 'enauac ana 'alhua da huo'o nam quetague' So Cristo da nataqa'en huo'o da nque'eenaxac 'eeta'am da qoñiita.

Apocalipsis 19:10

Nache aỹem sa'aroto naua illecte so namaxashec piguem le'ec da yaqto' sho'oxoren, qalaxaye somaye aỹem 'enapega, 'eeta': «¡Saishet da nache qonetec de'era! No'on da 'avio'oxoren qome Ñim Lo'onatac 'Enauacna, cha'aye aỹem nataqa'en so'onataxaatacot sheeta'am 'am, qataq 'enauac nam queto'ot da ỹa'amaqteetac da na'aqtaxanaxac maye chegoqo'ot So Jesús.» Cha'aye de'era la'aqtaxanaxac So Jesús, maye ỹapaxaguenec namayepi nachera da ỹa'añaqchet na shiỹaxauapi, yaqto' nache queto'ot da ỹa'axattac damaye.

Apocalipsis 22:9

Qalaxaye somaye aỹem 'enapega, 'eeta': «Saishet da nache qonetec de'era, 'avio'oxoren Ñim Lo'onatac 'Enauacna, cha'aye 'enauac qomi' lo'onataxanaxanecpi Ñimaye, 'am qataq aỹem qataq na la'aqtaxanaxanecpi, qataq 'enauac nam ỹalaxaguet da la'aqtac Ñimaye.»

1 Samuel 7:3

Ỹoqo'oye so Samuel 'enapego' 'enauac so Israel le'ecpi, 'eeta': «Da ỹoqta qaumachiỹo'ot da qarquiyaqteỹaxaqui Ñim Nataxala', nache qauasaqaiuec 'enauac nam atamnaxala'pi maye chegaqauec, qataq na lqui'ipi aso Astarté, nache qaumachiỹo'ot da qanachaalataxaqui Ñim Nataxala', qataq nachaqñita qome Ñimaye da qavio'oxoyiñiitac. Nache Ñimaye qami' nqateeguesopa qome da la'añaxac na filisteopi.»