Lucas 4:6 - La'aqtaqa Ñim Lo'onatac 'Enauacna 2013

⁶ Nache so pa'aguenataxanaxaic 'enapeco': –Aỹem 'am sanem qome 'enauac de'era na'añaxac qataq da llo'oxoyec 'enauac na 'alhuapi, cha'aye aỹem mashe aỹem qoỹanem 'enauac damaye. Qaq ỹoqo'oye aỹem ishet da sami' cam taalec da sami'.

Nuevo Testamento Toba Sur

⁶ Nachi so shiÿaxaua lma'na 'enapeco': –Aÿim 'am sanem qome 'enauac de'eda n'añaxac qataq da lli'oxoyic 'enauac ne'enaua 'ale'u, cha'ayi aÿim mashi aÿim qoÿanem 'enauac damayi. Qaq ÿoqo'oyi aÿim ishit da sami' ca camachaqca.

Nuevo Testamento Toba Sombrero Negro

⁶ qama'le enaac: —Am jen qomle lejaliaĝane'j yema naa'me naajo' ale'u, nataq'aen am janem da'me li'yoĝodico. Qa'a yema yoqo'te, qama'le janem ga'me jo'ne jetaque janem.

Lucas 4:6 Iomraidhean Croise

Ester 5:11

nache da'aqtaxaateguema soomaye da lta'araic lsallaxa, qataq so qalota llalaqpi, qataq da 'eetec da so nta'a ỹataqta huo'o naqa'en da la'amaqchec, qataq da llo'oxonnatac somaye, napacalec som laỹepi nta'alpi qataq som do'onataxaatacot so nta'a.

Isaías 23:9

Qaq nacheñi Ñim Nataxala' maye Qaica ca Ỹaqalanapec ñim lapaxañi de'era da yaqto' nquigaxaañi da 'amqaanaxac, qataq huetaiya' naqa'en 'enauac na 'añaxaicpi ana 'alhua.

Isaías 5:14

Qaq ỹoqo'oye aca huachiqui nquigaxatec qome na lauel, qataq qaica ca loga't da ỹauattagui na alap da yaqto' iuoxonañi na nhuo' le'ecpi qataq na lataxala'pi, nam shiỹaxauapi maye ỹo'ottac na qauem qataq na la'ashaxacpi.

Lucas 4:7

Qaq qom aỹem 'aua'aroto naua 'arllectel da aỹem 'anatamnot, nache aỹem 'am sami' da 'aralamaxat qome 'enauac namayepi.

Juan 12:31

Nagui mashe ivita ye laloqo' da Ñim Lo'onatac 'Enauacna nmit na huetalec ana 'alhua, qataq da ỹamaqauec som damaxasoxonapec ana 'alhua.

Juan 14:30

Qaq nagui saishet da qaltaq huo'o ca sa'axat, cha'aye mashe nayeetai' nam pa'aguenataxanaxaic maye damaxasoxonapec ana 'alhua. Qalaxaye namaye qaica ca la'añaxac da ishet da Aỹem ỹachiguiñi.

Juan 8:44

Qami', som qarta'ai, nacheso som pa'aguenataxanaxaic, ỹoqo'oye qansheetaique da qauo'oche cam 'eetapeguec somaye. Se'eso pa'aguenataxanaxaic, somaye ỹataqta laataxanaxaic qataq tenataxanaxaic. 'Enauac nam ỹa'axat saishet da 'en qataq ỹo'oteguet ca shiỹaxaua da tenataxanaxaic.

2 Corintios 11:14

Qaq damaye saishet da huo'otaq lleualqa'a, cha'aye saỹaanaq da so pa'aguenataxanaxaic ishet da choche ỹe'enaxat da lataxac cam 'oonolec na lamaxashecpi piguem le'ecpi Ñim Lo'onatac 'Enauacna maye huo'o na le'eraxa.

Efesios 2:2

Qataq souaxat da qoquiitague' da qauem lataxac maye ỹo'ottac na shiỹaxauapi maye huetalec ana 'alhua. Qataq qauo'ocheetac na 'eetapeguecsat som saqcha'a maye damaxasoxonapec som ilotague' nam qauem saq cha'api na'añaxacpi qataq maiche ỹoiqueetac nam saishet da ỹalaxaguet Ñim Lo'onatac 'Enauacna.

1 Pedro 1:24

Cha'aye ana nere maye huetalec na la'aqtacpi Ñim Lo'onatac 'Enauacna 'eeta': «'Enauac na ỹotta'a't shiỹaxauapi 'eeta'am ana huoue; qataq dam la'amaqchec 'eeta'am aca lauoxo anamaye. Ana huoue taỹa'a da deqaqa, qataq naañi ana lauoxo,

1 Juan 5:19

Saỹatenaqta da qomi' lalamaqa'ate Ñim Lo'onatac 'Enauacna. Qaq nam laỹepi shiỹaxauapi maye huetalec ana 'alhua qalaq 'enauac hueto'ot da la'añaxac so pa'aguenataxanaxaic.

Apocalipsis 12:9

Nachaqrata da qaỹamaqauec se'eso shiguiỹac leguemaxaic maye nacheso som na'araxanaq maye la'atchiguiñi: som le'enaxat da pa'aguenataxanaxaic. Somaye qataq so lamaxashecpi qaỹamaqauec da yaqto' talec ana 'alhua, nache somaye nalemaqte' da ỹatenachet 'enauac na huetalec ana 'alhua.

Apocalipsis 13:2

Qaq se'eso shiguiỹac leguemaxaic, 'eeta'am da lataxac na quiyoc, qaq naua lchel, qalaq 'eeta'ama ana potai. Qaq na alap qalaq 'eeta'am na lỹa quiyoc. Qaq se'eso hua'auñi shiguiỹac leguemaxaic maye 'eeta'am na na'araxanaq ỹanem da la'añaxac da damaxasoxonapec se'eso shiguiỹac leguemaxaic maye chegaqangui aso auaxai.

Apocalipsis 13:7

Nataqa'en qaỹasheetem se'eso shiguiỹac leguemaxaic da iloquiaxan 'enauac nam lalamaxatpi Ñim Lo'onatac 'Enauacna, qataq ivitta'a da 'enauac loxonec. Qataq qoỹami' da la'añaxac da yaqto' maiche ỹoiqueetac 'enauac nam ỹotta'a't shiỹaxauapi maye ỹotta'a't na la'aqtacpi qataq ỹotta'a't na netañapi ana 'alhua.