Lucas 4:4 - La'aqtaqa Ñim Lo'onatac 'Enauacna 2013

⁴ Nache So Jesús 'enapeco': –Ana nere maye huetalec na la'aqtacpi Ñim Lo'onatac 'Enauacna, 'eeta': «Saishet da nachaqacata aca nauole da ỹa'añaqchet ca shiỹaxaua.»

Nuevo Testamento Toba Sur

⁴ Nachi so Jesús 'enapeco': –Yi l'aqtac ñi Dios mayi nanettañi 'eeta': “Sa ishit da nachaqacata aca pan da i'añaqchit ca shiÿaxaua, mayi nataq'en 'enauac na l'aqtacpi ñi Dios.”

Nuevo Testamento Toba Sombrero Negro

⁴ Qalaĝaja Jesús 'yateguet: —Da'me Dios 'laqatac enaac: «Ja nach'egata jaga'me pan nec'aleta'yejop ga'me jiyaĝaua.»

Lucas 4:4 Iomraidhean Croise

Éxodo 23:25

Nacherata da Aỹem qanatamñiitacot, Aỹem Nataxala' maye Qanatamnaxala'ai, yaqto' qami' sechoxonneque ca ỹotta'a't nallec qataq ca qaraquipi. Qataq aỹem seỹotauga qome nam nalolaxapi,

Isaías 8:20

da yaqto' ỹaconeguet ca napaxaguenataxanaxac huo'otaq ca na'aqtac? Qaq 'era qome da la'aqtac namayepi qalaxaye de'era la'aqtac namayepi choche 'oopashec.

Jeremías 49:11

Aỹem 'aua'aqta'a da selo'ogue na 'ansaploqpi. Ana 'ampa'aipi ishet qome da Aỹem pi'iỹa'a.»

Mateo 4:4

Nache So Jesús ỹasateguet 'eeta': –Naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna 'eeta': «Saishet da nachaqacata aca nauole 'ayiiña da ỹa'añaqchet ca shiỹaxaua, nataqa'en iuen da ỹalaxaguet 'enauac na lamaxasoxonaxacpi Ñim Lo'onatac 'Enauacna.»

Mateo 6:31

Qaq ỹoqo'oye saishet qome da nachaqrata da qauennacheetega ca qolliqui, qataq cam qanỹomiigui huo'otaq ca qorogoxoche maye qaviñiitac.

Lucas 22:35

Nache So Jesús inatta'ape soua lapaxaguenataqa, 'eeta': –Se'eso na'a'q can qami' sama'q da saishet da qauauo'oi caua qarachoxonaxaquilli' qataq aca laỹe' aca qo'omi qataq caua qarapela'achilli', qaq ¿peta'a huo'o co'ollaxa ca qaviñiitaique? Nache soomaye 'ena'apo': –'A'i, qaica ca seuenaqtac.

Lucas 4:10

cha'aye ana nere maye huetalec na la'aqtacpi Ñim Lo'onatac 'Enauacna, 'eeta': «Ñimaye qome namaq na lamaxashecpi da yaqto' 'am ntela'a,

Lucas 4:3

Nache so pa'aguenataxanaxaic 'enapego' somaye, 'eeta': –Qom ỹataqta 'eesa da 'am Llalec Ñim Lo'onatac 'Enauacna, qaq no'on da qonapega ne'ena coma' da nañigui ana nauole.

Lucas 4:8

Qalaxaye So Jesús 'enapeco': Ana nere maye huetalec na la'aqtacpi Ñim Lo'onatac 'Enauacna, 'eeta': «'Avio'oxoren Ñim Nataxala' maye Lo'onatac 'Enauacna, qataq nachaqñita Ñimaye 'aualaxaguet.»

Efesios 6:17

Qataq da qarca'alaqai 'eeta'am qanqa'eñi aca qanaro'oi da yaqto' npaxaalec na qarqaiqui. Qataq qauacoñiỹa da la'aqtac Ñim Lo'onatac 'Enauacna da 'eeta'am qanqa'eñi ca ỹeelonec maye qami' ỹanema So Saqcha'a Na'añaxac Qui'itta.

Deuteronómio 8:3

Na'aictoxo' da ỹauo'o co'ollaxa da qanque'eenaxaqui, qataq huo'o naqa'en so qarqouaqai, qaq co'ollaq ime, nache qami' iquia'axaneque so nallec maye chegaqasheguem le'enaxat maná, som nallec maye qami', qataq so hua'au qarta'ailpi sa ỹauatton, cha'aye huotaique da qauaỹaañi da saishet da nachecata ca nallec da nca'altauec naqa'en ca shiỹaxaua, cha'aye nataqa'en naua la'aqtaqa Ñim Nataxala' deca'alaqtaxa'n.