Lucas 4:2 - La'aqtaqa Ñim Lo'onatac 'Enauacna 2013

² Huaña yemaye, nache hueta'a cuarenta na'axa'te, nache anac so pa'aguenataxanaxaic da ỹe'eguen. Qaq ỹataqta qaica ca chec Somaye se'esoua na'axa'te. Qaq co'ollaq, ime, nache nomteguet na lqouaxa.

Nuevo Testamento Toba Sur

² Huaña yimayi, nachi hueta'a cuarenta na'axa'te, nachi anac so shiÿaxaua lma'na da ÿi'iguen. Qaq ÿataqta qaica ca chic somayi se'esoua na'axa'te. Qaq co'ollaq ime, nachi nomteguet na lqouaxa.

Nuevo Testamento Toba Sombrero Negro

² Cuarenta gaa'me noloqo'ote da'me ue'ta, qama'le jaajo' noloqo'ote ñe'me payac yepitaqatenac da'me yapiyen. Qaya'te yalic jaajo' noloqo'ote, chane'eja yataqachiñe yoqouat.

Lucas 4:2 Iomraidhean Croise

Génesis 3:15

Qaq Aỹem, so'ot da 'am, qataq ara 'alo qami' npa'aguenaxau', nache 'ena'am qome ca 'aỹa'alaqpi, qataq ca llalaqpi aramaye. Ca llalaqpi aramaye pigui qome na 'arqaic, qaq 'am 'anaigui qome ana lla'axa.»

1 Reyes 19:8

Nache so Elías ñisheguem, nache deque'etac qataq nỹomtac 'etaxat. Nache se'eso nallec ỹauo'o da la'añaxac somaye, da yaqto' queta se'esoua cuarenta na'axa'te, qataq cuarenta pe', nache ivitta'a ye Horeb, maye nqasoxonaxa Ñim Lo'onatac 'Enauacna.

Ester 4:16

«'Am qojec qome, nache 'alaỹona't 'enauac na judiopi maye hueta'a na Susa, da yaqto' nqouaqchet da aỹem itauan. Nache saishet qome da deque'e qataq saishet da nỹom, ivittre'c caua tres na'axa'te, qataq caua tres pe'. Qaq ana ỹamaxashepi qataq aỹem nataqa'en ñeqouaqchetaq qome, qaq qom ime, nache aỹem ñeqo'oneua'a ñi nta'a, na'aictoxo' damaye da dataỹa'aguet dam qalapaqtañi nqataxac. Qaq da aỹem qaỹalauat, qalaq na'aictaxa aỹem qaỹalauat.»

Éxodo 24:18

Nache so Moisés huenoxonoigui se'eso lo'oc da tasheguemec aso qasoxonaxa. Huaña, nache ivi' soua cuarenta na'axa'te qataq cuarenta pe' da huetasheguemec asomaye.»

Éxodo 34:28

Nache so Moisés no'onaisop co'ollaxa Ñim Nataxala', ivittrec soua cuarenta na'axa'te, qataq cuarenta pe', qataq saishet da deque'e, qataq saishet da nỹom. Huaña, nache ỹereleguete soua dos coma'ye soua diez nqataxaco.

Jonás 3:7

Qaq ime, nache so nta'a ỹamaq so ltauapi da da'aqtaxanem 'enauac so netaña ye Nínive da la'aqtac maye, 'eeta': «Qaica qome ca deque'e na shiỹaxauapi, qataq saishet da iquia'axan huo'otaq da nỹomaxan ca na'atetpi shiguiỹacpi, ca lta'araic, qataq ca qapio'olec.

Mateo 21:18

Qaq so nte'etom so lỹa na'a'q co'ollaq ỹe'eguelaxaua'a ye Jerusalén So Jesús, nache co'ollaq huangui so nqa'aic, nache nomteguet da huo'o na lqouaxa,

Mateo 4:2

Qaq co'ollaq mashe iviraxatre'c soua cuarenta na'axa'te da saishet da deque'e co'ollaq huetauga so toolec 'alhua, nache So Jesús ỹataqta ỹaguec na lqouaxa.

Lucas 4:3

Nache so pa'aguenataxanaxaic 'enapego' somaye, 'eeta': –Qom ỹataqta 'eesa da 'am Llalec Ñim Lo'onatac 'Enauacna, qaq no'on da qonapega ne'ena coma' da nañigui ana nauole.

Juan 4:6

Qaq co'ollaq mashe laiñi so na'a'q, nache So Jesús ỹataqta nasamñi souaxat da lqueuoxoc. Ỹoqo'oye Somaye nso'oolec na laỹe aso nshere,

Deuteronómio 9:18

Ime, qaltaq she'eguelaxalec da sa'aldoto naua illecte Ñim Nataxala', se'enaxatchigui da sheetec soua cuarenta na'axa'te, qataq soua cuarenta pe', co'ollaq qaica ca sachec qataq qaica ca ñeỹomgui, souaxat da lta'araic qarasouaxashichi da qauo'ocheetac da qauem maye ỹauaachigui Ñim Nataxala', nache dalemata naqa'en Ñimaye.

Deuteronómio 9:25

Qaq souaxat co'ollaxa da Ñim Nataxala' qami' ỹareetegalo da ỹataqta qami' nlaxaayiñi, nache aỹem sa'atto'oto naua illecte Ñimaye soua cuarenta na'axa'te qataq cuarenta pe',

Deuteronómio 9:9

Huaña caillaye nache aỹem senossheguemec añi qasoxonaxa da yaqto' saconegueta soua coma'ye maye nanettaleguete da naỹamaxataxac Ñim Nataxala' da qami' naỹamaxateto. Nache sootasheguemec añimaye soua cuarenta na'axa'te, qataq soua cuarenta pe', qaq nache qaica ca sachec qataq qaica ca ñeỹomgui.

Hebreos 2:18

Qataq Somaye ye mashe nmate' de'era nque'eenaxac qataq ye so pa'aguenataxanaxaic ỹe'eguen co'ollaxa da yaqto' huo'o ca lasouaxashet naqa'en, qaq ỹoqo'oye nagui da so pa'aguenataxanaxaic da qomi' ỹe'egue'n, nache So Jesús ishet da qomi' itaua'n.

Hebreos 4:15

Da lle'eguenataxanaxac so pa'aguenataxanaxaic co'ollaq ỹe'eguen So Jesús, nache 'eeta'am da lle'eguenataxanaxac nagui da qomi' ỹe'egue'n da yaqto' ỹauo'o ca qarasouaxashet, qalaxaye So Jesús co'ollaxa saishet da huo'o ca lasouaxashet. Qaq ỹoqo'oye Somaye ỹaỹaten da saqalaq da qaỹalaxaguet Ñim Lo'onatac 'Enauacna.

1 Samuel 17:16

Qaq se'eso filisteo, nache quetoto soua na'axa'te da inogoqchettac so Israel le'ecpi, ye nte'eta qataq ye avit, qaq nache queto'ot de'era, choche iviraxattrauec soua cuarenta na'axa'te.