Lucas 4:16 - La'aqtaqa Ñim Lo'onatac 'Enauacna 2013

¹⁶ Ime, nache ỹe'eguelaxague da Nazaret yem ỹataqta lañaxataqa'. Qaq co'ollaq ivireuga so na'a'q mataxaqui, nache inoxoneua'a aso napaxaguenaxaqui na judiopi, cha'aye maiche lataxac Somaye. Qaq co'ollaq nachaañi da detaxaỹaxanataxan,

Nuevo Testamento Toba Sur

¹⁶ Nachi so Jesús nqo'ona yi Nazaret yim pueblo mayi maichi lañaxataqa'. Qaq co'ollaq ivideuga so na'a'q mataxaqui, nachi inoxoneu'a aso laponaxaqui na judiopi, cha'ayi nachi n'onataxac somayi. Ime, nachi nachajñi da itaxaÿaxan yi l'aqtac ñi Dios.

Nuevo Testamento Toba Sombrero Negro

¹⁶ Jesús yec'ata di'me Nazaret nach'edi noic jo'ne ua'a da'me 'yaĝaic. Nolo' jo'ne niyamaqatac qama'le yec'ata ga'me nemaĝaiqui, naq'aeta da'me mach'e naya'ac, qama'le nechachiñe qaedi dojelegue da'me Dios 'laqatac.

Lucas 4:16 Iomraidhean Croise

Mateo 2:23

Qaq co'ollaq mashe ivita yemaye, nache huera'a ye nỹecpiolec le'enaxat Nazaret. Qaq 'eetec de'era, da yaqto' ỹataqta ipacchiguilo naua la'aqtaxanaxaco so la'aqtaxanaxanecpi Ñim Lo'onatac 'Enauacna da 'eeta': «Ca Lca'aguishec Ñim Lo'onatac 'Enauacna da qaiỹaxana qalaq qaỹamata'ac Nazaret le'ec.»

Lucas 2:39

Qaq so José qataq aso María co'ollaq mashe ima't da ỹo'o't 'enauac nam damaxasoxoolec nam lqataxacpi Ñim Lo'onatac 'Enauacna, nache soomaye ỹe'eguelaxaregue da maiche lma't Nazaret, maye huaigui ye 'alhua Galilea.

Lucas 2:42

Qaq So Jesús co'ollaq mashe ivi' naua doce vi'iye da llaxa, nache nnaicapegueto soua lta'al da taregue da Jerusalén, cha'aye nache lataxac naxa da iviteuga se'eso na'a'q naponaxaqui.

Lucas 2:51

Nache So Jesús ỹe'eguelaq nnaicapegueto soua lta'al da ỹe'eguelaxaregue da Nazaret, qataq ỹataqta ỹalaxagueta soomaye. Qaq aso late'e ỹataqta deuennataxaateguelec 'enauac de'era huaiguilo soomaye.

Lucas 4:17

nache qoỹami' asom lereguishe so la'aqtaxanaxanec Ñim Lo'onatac 'Enauacna le'enaxat Isaías. Nache So Jesús ỹauachigui, ime, nache itaxaỹaxan som huetaña so nerec maye, 'eeta':

Lucas 4:21

Nache So Jesús detaqa, 'eeta': «Nagui mashe ivita ye laloqo' da ipacchigui se'eso setaxaỹaxaatac maye qana'axaỹaxañeetega.»

Lucas 4:23

Nache So Jesús 'enapeco': –Qami' yo'oqta qome da Aỹem qauroilec da na'aqtac naxa maye 'eeta': «¡'Am natannaxanaq, hua'auñi da maiche 'anatareela't!» Qami' qauaỹachiñiita nam so'otpi co'ollaq huaña ye Cafarnaúm, qaq ỹoqo'oye nagui Aỹem qauỹaxañiitacot da so'ot nataqa'en da huaña ne'ena.

Juan 18:20

Nache So Jesús 'enapeco': –Aỹem ỹataqta ñachaxaata naxa 'enauac nam shiỹaxauapi da setaqtac, qataq saq ỹet da huaigui ana napaxaguenaxaquipi na judiopi da sapaxaguenataxaatac qataq añim no'onaxanaxaqui late'erai maye huaña naxa da lapona't 'enauac na judiopi. Qaq Aỹem saishet da huo'o ca ỹa'aqtac soxottañi.

Hechos 17:2

Qaq maiche lataxac naxa so Pablo da saq ỹa'atai' da taua'a ana napaxaguenaxaqui na judiopi. Qaq ỹoqo'oye ivi't soua tres mataxaqui' da ỹe'eguelaqtaua'a aso napaxaguenaxaqui na judiopi maye lma' yi'iye. Itaxaỹaxaatac ana nere maye huetalec na la'aqtacpi Ñim Lo'onatac 'Enauacna,