Lucas 4:1 - La'aqtaqa Ñim Lo'onatac 'Enauacna 2013

¹ Nache So Jesús ỹataqta nlaqchigui So Saqcha'a Na'añaxac Qui'itta, co'ollaq chegaqaama so tala Jordán, nache So Saqcha'a Na'añaxac ỹauec Somaye da taỹa naqa'en ye toolec 'alhua.

Nuevo Testamento Toba Sur

¹ Nachi so Jesús ÿataqta nlaqchigui so Espíritu Santo co'ollaq chigaqaama so tala Jordán, nachi so Espíritu ÿauec somayi da taÿa naq'en so tojlec 'alhua.

Nuevo Testamento Toba Sombrero Negro

¹ Jesús male najaqachigui joñe'me Dios Lepaqal, qama'le ca'e di'me ñache, qama'le ñe'me Dios Lepaqal yauegue ga'me aleua jo'ne totapega't da'me 'viyelaq.

Lucas 4:1 Iomraidhean Croise

1 Reyes 18:12

Qalaxaye da 'am sheca'ai, nache yo'oqta da anac qome so Saqcha'a La'añaxac Ñim Nataxala', da 'am ỹauega cam sasauana. Nache da ñeqo'ona ca Ajab, da sa'aqtaxanem de'era, qaq qom saishet da 'am ỹanata, nache aỹem ỹalauat qome. Qalaxaye 'auaỹaten da ne'ena 'aramaxashec, chegoqta'a co'ollaq ñaq nsoqolec da ỹataqta huo'o naq 'enec naqa'en Ñim Nataxala'.

1 Reyes 19:4

Qaq ime, nache tauga so toolec 'alhua, nache queuoteguelec so 'oonolec na'a'q, huaña nache taỹot so lpaqal asotai' qo'oipaqole le'enaxat retama da nso'ooñi. Nache nhuootapeguela't, qataq nshetaique da nache ileu, nache 'eeta': «¡'Am Nataxala', 'onaxaictaxa da nache tachiguiña de'era, qaq no'on da 'anqat da ñachaalataxac, cha'aye saishet da no'on da ỹataxac da sheeta'ama soua ita'al!»

Isaías 61:1

So saq cha'a la'añaxac Ñim Nataxala' aỹem hueta'aguet, cha'aye Ñim Nataxala' aỹem lca'aguishec, aỹem namaq da sa'axatem da no'on na'axaỹaxac nam choxoraqpi, qataq sa'añaqchet nam daquicotac da lquiyaqteỹaxac, qataq sa'axatem da qaisouec nam ncoñeteguishecpi, qataq da qaisouec nam netaigui ana ncoñetaxanaxaquipi,

Ezequiel 3:14

Qaq huaña nache da la'añaxac Ñim Nataxala' aỹem nachaalataxaañi, nache aỹem nqateeguesop yemaye, qaq aỹem ashec qalaxaye ỹataqta saquico, qataq qaica ca ỹamaic, qaq Ñim Nataxala' nache queto'ot da aỹem nllechiguiñi na lhuaq.

Mateo 3:16

nache nachelaxan. Qaq So Jesús co'ollaq ca'ai so 'etaxat, nache ila'a na piguem da nauatoigui, nache ỹauaateguet So Saqcha'a La'añaxac Ñim Lo'onatac 'Enauacna da naỹaña Somaye 'eeta'am da lataxac na qoto'.

Lucas 2:27

Qaq se'eso na'a'q So Saqcha'a Na'añaxac Qui'itta ỹamaq so Simeón da taua'a aso no'onaxanaxaqui late'erai. Nache se'eso na'a'q nataqa'en soua lta'al So Jesús huenoxooroigui aso no'onaxanaxaqui late'erai, ỹacheta'ape so nogotolec da yaqto' ipaqueelec da lamaxasoxonaxac na nqataxacpi,

Lucas 3:3

Nache so Juan jec da coleelec 'enauac yem saqaỹapeque so tala Jordán. Huaña yemaye, nache 'eetego' na shiỹaxauapi, 'eeta': «¡Qavi'eguelaqaỹot nagui Ñim Lo'onatac 'Enauacna! Qataq iuen da qami' qanachelaxa'n, yaqto' Ñim Lo'onatac 'Enauacna ỹapalaxa't naua qarasouaxashe'echilli'.»

Lucas 3:38

qaq so Cainán, nache lta'a so Enós, qaq so Enós, nache lta'a so Set, qaq so Set, nache lta'a so Adán som llalec Ñim Lo'onatac 'Enauacna.

Lucas 4:14

So Jesús ỹe'eguelaxa ye 'alhua Galilea, ỹataqta nlaqchigui So Saqcha'a La'añaxac Ñim Lo'onatac 'Enauacna. Nache quetagui na lma'pi na shiỹaxauapi qataq dapaxaguenataxaatapoigui ana napaxaguenaxaquipi na judiopi, qaq 'enauac na shiỹaxauapi ỹataqta 'onaxaic da na'aqtaguec da detaqtega Somaye. Nache saqaỹaloq da 'enauac qaỹauatton Somaye yi'iye 'alhua.

Lucas 4:18

«So Saqcha'a La'añaxac Ñim Lo'onatac 'Enauacna Aỹem netanguit, cha'aye Aỹem Lca'aguishec qataq Aỹem namaq da sa'axatem da no'on la'axaỹaxac nam choxoraqpi, qataq da sa'axatem da qaisouec na ncoñeteguishecpi, qataq she'eguelaxatem da nauaañi na sa nauaañipi, qataq da yaqto' ñeca'alaxatec nam sa qaiyacnapec,

Juan 1:32

Nataqa'en so Juan 'enapeco': –Aỹem sauaateguet So Saqcha'a Na'añaxac Qui'itta da chegoqtot na piguem, 'eeta'am na qoto', nache talec Namaye.

Juan 3:34

Cha'aye da detaqa nam namaq Ñim Lo'onatac 'Enauacna, nache nacheñi Ñim Lo'onatac 'Enauacna da detaqa, cha'aye Ñimaye ỹami' Namaye da la'añaxac So Saqcha'a La'añaxac.

Hechos 1:2

choche ivitta'a so na'a'q co'ollaq taigue da piguem. Qaq Somaye co'ollaq saxanaxa da taigue da piguem, nache ỹachegoxotchigui So Saqcha'a Na'añaxac Qui'itta da ỹanema da lapaxaguenataxanaxac soua lamaxa'she maye lca'agui'she, dam iuen da ỹo'o't soomaye.

Hechos 10:38

So Jesús maye Nazaret le'ec. Qaq Ñim Lo'onatac 'Enauacna ỹanem co'ollaxa da la'añaxac Somaye So Saqcha'a Na'añaxac Qui'itta. Qaq Ñimaye ye hueta'aguet So Jesús, nache Somaye nache 'eetai' naxa da ỹo'ottac na ỹaỹamaqchiguiñi qataq nataren 'enauac nam huetalec da la'añaxac so pa'aguenataxanaxaic.

Hechos 8:39

Qaq co'ollaq nnoxooyishegue'm so 'etaxat, nache So Saqcha'a La'añaxac Ñi Nataxala' ỹauec so Felipe. Nache se'eso ỹale maye sa deco'o sa lỹa da nauane' so Felipe. Qalaxaye somaye ỹe'eguelaxague ca lma', ỹataqta machiguiñi.