Lucas 3:8 - La'aqtaqa Ñim Lo'onatac 'Enauacna 2013

⁸ Qauachaxañi ca qarataxaqui maye ỹachaxan da qaỹa'axañiiuec da qauo'ocheetac naua qarasouaxashe'echilli'. Saishet da qaupicheetega da qami' llalqa so Abraham nache qanca'alliiuec. Cha'aye ỹataqta 'eesa de'era qami' sa'axatema da ivira'a ne'ena coma' Ñim Lo'onatac 'Enauacna ishet da nqochenaxata da ỹauo'o llalaqpi so Abraham.

Nuevo Testamento Toba Sur

⁸ Ÿataqta qanachaxañiita qome, yaqto' ishit da qaila'a da ÿoqta 'eesa da mashi qaualachi' naua qan'onataxacolli', qaq sa ishit da tatapigui qadvilli da qoñiita': “Qomi', maichi qomi' llalqa so Abraham,” cha'ayi aÿim qami' shinapegalo da ñi Dios ishit da ÿachigoxotaigui ne'ena coma' ca llalaqpi so Abraham.

Nuevo Testamento Toba Sombrero Negro

⁸ 'Noota qom qoyauana da'me at'oyaĝaqui queda'me yataqata eja da'me a'viyelaqaiyot joñe'me Jaliaĝanec. Nataq'aen ena'te aueñetapela't: «¡Qo'mi qonec'alaĝatedegue qomle qa'a yataqachiñe qo'mi lec'oqo'tepi di'me Abraham!»; qa'a eja da'me ami jenapegalo queda'me chayovida'alo naajo' qadipi Dios yaqanatet ta'le neleguemaĝatalo daa'me Abraham c'oqo'tepi.

Lucas 3:8 Iomraidhean Croise

Nehemías 5:11

Qaq ỹoqo'oye qami' ñachoxoreetoiguilo nagui da qavi'iguelaxachiỹot ñi 'oonolec namayepi na na'alhuapi, lañiguishe uva lma'pi, qataq na olivo lma'pi, qataq na lma'pi namayepi, nataqa'en qauapalaxache aca lavigaxaiste maye qami' netaiguilo, na'aictaxa da huo'otaq anom, huo'otaq ala ca trigo, huo'otaq ca lataxa, huo'otaq ca aceite qataq saishet qome da qauamaqaitalec da isheeten aca qanquigachiisheguem lavigaxaiste.»

Ezequiel 33:24

«Na shiỹaxauapi maye hueta'a ye huaqta'a't nỹecpi maye ỹotta'a't naua nañalo ye Israel maye nlachiguiñi, namayepi naxa, 'eeta': So Abraham 'oonolec co'ollaxa, qalaxaye somaye ivira'a co'ollaxa da lalamaxat ne'ena 'alhua, qaq qomi' ye qomi' qalote', qalaq taloxochiyo' da saishet da seviraqa'a da qaralamaxat ne'ena 'alhua.

Mateo 21:43

Qaq ỹoqta 'eesa de'era qami' sa'aqtaxanema da Ñim Lo'onatac 'Enauacna, qami' nqatre'c da yaqto' saishet da qami' ỹalecneua'alo da lo'onataxanaxac, nache ỹami' ca ỹoqta 'enauac ỹalaxaguet damaye.

Mateo 3:8

Ỹataqta qauachaxañiita da qarataxaqui da qaỹa'axañiiue'c naua qauema maye qauo'ocheeta'ape.

Mateo 3:9

Qataq saishet qome da tatapigui qarvilli da qoñiita': ‹Qomi' maiche qomi' llalaqpi so Abraham.› Cha'aye qami' shenapegalo da Ñim Lo'onatac 'Enauacna, ishet da ivira'a da ỹachegoxotaigui ne'ena coma'pi ca ỹataqta llalaqpi so Abraham.

Lucas 13:25

Cha'aye que'eca lma' ca nỹec, da ime da ñesheguem, nache ỹapogui ca lasom ca lma', nache qami' maye qapa'aitauec qauỹaxañiitapegueua'a que'eca lasom. Qaq qoñiita': «'Am Qarataxala', qomi' 'anauategueta.» Qalaxaye camaye ỹasat, 'eeta': «Aque', sa saỹaten ca qauachegoqoita'ague.»

Lucas 13:26

Huaña, nache qami' qome qoñiita': «Qomi' 'am qarquia'axaua qataq 'am qanỹomaxaua caillaye, qataq 'auapaxaguenataxaatac can huaña ye sonaqtaña qarma'.»

Lucas 14:9

Nache cam 'am icoyegue'n ishet da anac, nache 'am 'enapega, 'eeta': «Ñaq 'aỹa'anem ana 'anso'onaxaqui de'era 'arỹa.» Huaña, nache 'am huo'o da 'ara'aloxo da 'anso'ongui aca pa'atec so'onaxaqui.

Lucas 19:40

Qalaxaye So Jesús ỹasateguet 'eeta': –Ỹataqta 'eesa de'era qami' sa'axatema da nañaxaañi ne'enapi, nache na coma'pi ishet da ỹa'alaq.

Lucas 19:9

Nache So Jesús 'enapeco': –Nagui na na'a'q, 'am qataq 'enauac nam hueta'a na 'arma' qanca'alliiuec, cha'aye nataqa'en maiche 'am llalec so Abraham.

Lucas 5:21

Nache nam dapaxaguenataxaatapeguec na namaxasoxonaxacpi maye chegoqo'ot so Moisés qataq na fariseopi deuennataxaatac, 'eeta': «¿Negue't cam ipettega dam da'? ¡Da nasaxauec la'aqtac ỹataqta dataỹa'aguet Ñim Lo'onatac 'Enauacna! ¡Nachaqñita Ñimaye da ishet da ỹapalaxat ca nasouaxashet!»

Juan 8:33

Nache somayepi 'enapeco': –Qomi' maiche qomi' llalqa so Abraham, qaq ỹataqta sa ỹauano' da huo'o ca qomi' l-lataqa. Qalaq ¿ta'ainco' da 'am qonapec da ishet da qomi' huesochiyiñi?

Juan 8:39

Nache somayepi 'enapeco': –Qomi' qarta'a so Abraham. Nache So Jesús 'enapega somayepi, 'eeta': –Qami', da ỹoqta 'eesactaxa da qarta'ai so Abraham, nache ishettaxa da qauo'oche nam ỹo'otpi somaye.

Hechos 26:20

Ỹoqo'oye aỹem sa'auaxaachiguiñi da sa'axatem da na'aqtac nam netaña ye Damasco. Ime, qataq jec nam netaña ye Jerusalén qataq 'enauac nam netaña ye 'alhua Judea qataq nataqa'en nam saishet da judiopi. Shenapega da iỹaxanot Ñim Lo'onatac 'Enauacna da yaqto' ichoxoren qataq ỹalaxaguet, nache ỹo'ot cam no'on maye ỹachaxan da 'eesa da naralaxat da lhuennataxac.

Romanos 4:16

Qaq ỹoqo'oye dam ỹachaxanapec Ñim Lo'onatac 'Enauacna da yaqto' huo'o da 'enec da talec 'enauac nam llalaqpi so Abraham, nache Ñimaye saishet da iỹaxanaique ca naiguet damaye. Ỹo'ot de'era ỹachaxanapec da talec 'enauac nam huo'o da lpi'iỹaxac Ñimaye. Saishet da nachaqnata nam ỹalaxalec na namaxasoxonaxacpi, maye nataqa'en 'enauac nam huo'o da lpi'iỹaxac maye 'eeta'am so Abraham. Ỹoqo'oye so Abraham nacheso so 'enauac da qarta'a.

Romanos 9:7

Nataqa'en saishet da imauec na chegoxoguet so Abraham da ỹataqta 'eesa da lalamaxat llalaqpi somaye, cha'aye Ñim Lo'onatac 'Enauacna 'enapec: «Ca 'aỹa'alaqpi chegoqchigui qome ñi Isaac.»

Filipenses 1:11

Cha'aye chegoqchigui da ltaunaxanaxac So Jesucristo da qami' ishet da qauo'oche ca ỹaỹamaqchiguiñi, yaqto' na shiỹaxauapi ỹo'oxoren, qataq huo'o naq 'enec naqa'en Ñim Lo'onatac 'Enauacna.