Lucas 3:6 - La'aqtaqa Ñim Lo'onatac 'Enauacna 2013

⁶ ¡Yaqto' 'enauac na shiỹaxauapi ila'a ca Nca'alaxaqui maye qami' namaxalo Ñim Lo'onatac 'Enauacna!»

Nuevo Testamento Toba Sur

⁶ yaqto' 'enauac na shiÿaxauapi ila'a da nca'alaxa mayi ÿan ñi Dios.”

Nuevo Testamento Toba Sombrero Negro

⁶ Qama'le yema gaa'me jiyaĝadipi yauana qomle da'me lec'alaqataĝanaĝac ñe'me Dios jo'ne nedo'quena.»”

Lucas 3:6 Iomraidhean Croise

Isaías 40:5

Qaq huaña nache Ñim Nataxala' ỹachaxan qome da llo'oxoyec, nache 'enauac qome na shiỹaxauapi da ỹauaachigui damaye. Cha'aye Ñim Nataxala' maiche la'aqtac damaye.

Isaías 49:6

Ñimaye 'eeta': «Saishet da nacherata da 'am ỹamaxashec da yaqto' nauaqsheguem 'anqa'en na llalaqpi so Jacob, qataq da 'añe'eguelaxat na lca'alaxaicpi Israel le'ecpi, maye nataqa'en 'am sanem da 'am lcoỹaraqte na ỹotta'a't shiỹaxauapi, da yaqto' 'auache da ica'alaqtaxanaxac nache 'aviraxata'a cam ỹataqta pa'atec ana 'alhua.»

Isaías 52:10

Ñim Nataxala' ỹachaxan da la'añaxac ỹauaachigui naqa'en 'enauac na ỹotta'a't shiỹaxauapi. Qaq 'enauac nam netalec ana 'alhua, ỹaỹaten qome da Ñim Qanatamnaxala' qomi' nca'alaxatrec.

Marcos 16:15

Nache So Jesús 'enapegalo soomaye, 'eeta': «Qanqo'oñiỹa qome 'enauac na ỹotta'a't shiỹaxauapi ana 'alhua, nache qaua'aqtaxañim dam no'on na'axaỹaxac.

Romanos 10:12

Na'aictaxa da judío le'ec huo'otaq saishet, cha'aye 'oonolec Ñim Lo'onatac 'Enauacna maye Lataxala' 'enauac na shiỹaxauapi, qaq Ñimaye ỹataqta soxoraic qataq itauan 'enauac nam iỹaxanot Ñimaye ca ntaunaguec.

Romanos 10:18

Qalaxaye aỹem senataxan, sheeta': ¿Saishet peta'a da huo'o ca huaña da hua'axaỹa de'era na'aqtaxanaxac? ¡'A'i, sogote da hua'aqtega! Cha'aye naua ñiyigui'she maye nanettalec ana nere maye huetalec na la'aqtacpi Ñim Lo'onatac 'Enauacna, 'eeta': «Naua la'aqtaqa taleguete imauec ana 'alhua, qataq ivira'alo 'enauaque naua pa'atre'c laỹel ana 'alhua.»