Lucas 3:4 - La'aqtaqa Ñim Lo'onatac 'Enauacna 2013

⁴ Qaq soua qaỹoqteguelo vi'iye so la'aqtaxanaxanec Ñim Lo'onatac 'Enauacna le'enaxat Isaías ỹiyiñi co'ollaxa da ỹa'axatta'aguet so Juan, 'eeta': «Huo'o qome ca shiỹaxaua chemaqtapeguelec ca toolec 'alhua, 'eeta' da lỹaxanaxac: Ña qauqataxañiỹai' ca nqa'aic Ñim Nataxala'. ¡Ỹataqta qauauacheetegue ca llec! ¡Qataq saishet da huo'o ca npaxateguet!

Nuevo Testamento Toba Sur

⁴ Qaq damayi ipacchigui da l'aqtac so l'aqtaxanaxanec ñi Dios co'ollaq ÿiyiñi da l'aqtac, 'eeta': Huo'o qome ca shiÿaxaua chimaqtapeguelec ca tojlec 'alhua, 'eeta' da lÿaxanaxac: “Ña qauqataxañiÿai' ca nqa'aic ñi qadataxala', ÿataqta qauauachiitegue ca llic.

Nuevo Testamento Toba Sombrero Negro

⁴ Dojo' yepaquetelegue 'uo, nach'e naq'aeta da'me uetalegue jaga'me nede jo'ne ledii's di'me Dios 'laqataĝanaĝanec Isaías: “'Uo da'me niyaĝanaĝac jo'ne chimaqatapegue ga'me aleua jo'ne totapega't: «¡Aviyamaĝacheta't ga'me ladic ñe'me Jaliaĝanec! ¡Yataqachiñe aueñi chimaqategue ga'me ladic joñe'me!

Lucas 3:4 Iomraidhean Croise

Isaías 57:14

Qaq huaña nache qaỹa'axaỹa qome ca na'aqtac maye, 'eeta': «Qauaỹamaxachiiñi qome ca nqa'aic maye nalochiguiñi qanqacheeua'a na huetangui na nqa'aic maye nanaxattac na ỹalamaxat nhuo' le'ecpi.»

Isaías 62:10

Qannoxoñeeuec, qannoxoñeeuec qauanaichiviiguilo naua laso'omi nam huaqta'a't nỹecpi, qauaỹamaxachiiñi ca llec nam ỹalamaxat nhuo' le'ecpi. Nalochiguiñi qanqa'eñi qataq qauasaqaiuec na coma'pi, qataq qaỹa'añiỹasheguem aca la'anaqte da qauỹaxañiỹa nam ỹotta'a't shiỹaxauapi.

Malaquías 4:6

Qaq camaye, ỹo'ot qome da na nta'alpi nmane' na llalaqpi, qaq da saishet da nmana't namayepi, nache Aỹem ñanac qome da sauo'o ca nhuaxanaguec nam na'alhua, nache ỹataqta imauec da ñelaxatchiguiñi qome.»

Mateo 3:3

Qaq se'eso Juan nacheso som ỹiyiñi co'ollaxa so la'aqtaxanaxanec Ñim Lo'onatac 'Enauacna le'enaxat Isaías, co'ollaq 'eeta': «Huo'o da nvilỹaxac qaỹa'aqtega chemaqtapeguelec ye toolec 'alhua: ‹Qauqataxañiỹai' qome ca nqa'aic Ñim Nataxala'. ¡Ỹataqta qano'onaxacheetegue qome ca llec! ¡Saishet qome da huo'o ca npaxateguet!›»

Marcos 1:3

Huo'o so ỹa'alaqtai' chemaqtapeguelec ye toolec 'alhua, qaq da la'alaxac, 'eeta': ‹¡Qauaỹamaxachiiñi ca llec Nam Nataxala'! ¡Qanchennaxañeetec ca llec! ¡Qataq saishet da huo'o ca mpaxateguet!›»

Juan 1:23

Nache so Juan 'enapeco': –Qomye nachaỹem, maye aỹem ỹa'axatta'aguet so la'aqtaxanaxanec Ñim Lo'onatac 'Enauacna. Qaq nachaỹem maye aỹem chemaqtapeguelec ca toolec 'alhua, qaq da iỹaxanaxac, sheeta': «Qauqataxañiỹai' ca ỹataqta ỹashectec nqa'aic Ñim Lca'aguishec Ñim Nataxala'.»

Juan 1:7

Qaq somaye anac, da yaqto' ỹa'axatem na shiỹaxauapi de'era, yaqto' 'enauac na shiỹaxauapi ishet da ỹa'amaqten de'era yo'oqchiguiñi.