Lucas 3:1 - La'aqtaqa Ñim Lo'onatac 'Enauacna 2013

^1-2 So Juan maye nachelaxanataxanaq som llalec so Zacarías, hueta'a ye toolec 'alhua. Nache Ñim Lo'onatac 'Enauacna detaxaỹapegue' co'ollaq huauga yemaye, huetoigui so na'a'q co'ollaq so Tiberio maye netaña ye Roma mashe ivi' naua quince vi'iye da lo'onataxanaxac da ilotague' na qalota shiỹaxauapi maye hueta'alo naua lỹa't 'aleu', qaq so Poncio Pilato ilotague' ye 'alhua ye Judea. Qaq se'eso na'a'q so Herodes Antipas ilotague' ye 'alhua Galilea, qaq so Filipo maye lqaỹa so Herodes ilotague' ye 'alhua Iturea qataq Traconítide, qaq so Lisanias ilotague' ye 'alhua Abilene. Qaq so Anás qataq so Caifás, soomaye lataxala'ate na ltaxaỹaxanaxanecpi na judiopi da qaitaxaỹapegue' Ñim Lo'onatac 'Enauacna.

Nuevo Testamento Toba Sur

¹ Qaq co'ollaq mashi ivi' naua quince vi'iyi da l'onataxanaxac som lta'a na nta'alpi l'enaxat Tiberio, qaq so Poncio Pilato ilotague' yi Judea, qaq so Herodes qalaq ilotague' yi Galilea, qaq so lqaÿa Felipe qalaq ilotague' yi Iturea qataq Traconítide, qaq so Lisanias qalaq ilotague' yi Abilinia.

Nuevo Testamento Toba Sombrero Negro

¹ Nach'ega uo'e jo'ne quince da'me lejaliaĝa ñe'me Roma le'ec Tiberio, jo'ne nec'atenoqo't di'me aleua, nataq'aen Poncio Pilato nejaliaĝatelegue ca'li di'me Judea, Herodes nejaliaĝatelegue di'me Galilea, ñe'me lachoqolec Filipo nejaliaĝatelegue di'me Iturea nataq'aen Traconítide, nataq'aen Lisanias nejaliaĝatelegue di'me Abilene.

Lucas 3:1 Iomraidhean Croise

Génesis 49:10

Qaica qome ca ishet da deuotaxanec da lamaxasoxonaxac da Judá qataq da lamaxasoxonaxat npon maye nasoqta'a, choche ivitta'a da nvi' cam lalamaxat de'era pon, cam ỹataqta ỹalaxaguet qome na nhuo' le'ecpi.

Mateo 14:1

Qaq se'eso na'a'q so Herodes Antipas maye ilotague' ye 'alhua Galilea, somaye hua'aqtega na shiỹaxauapi da na'aqtaxaatapigui So Jesús.

Mateo 14:3

Cha'aye soua hua'au' na'axa'te co'ollaxa so Juan maye nachelaxanataxanaq 'eetega so Herodes, 'eeta': «¡De'era 'auo'ot ỹataqta sa ỹaỹamaxañi! Cha'aye añi Herodías maye lhua so 'arqaỹa Felipe, añimaye 'auotaxanec, nache 'auauo'o 'arhua.» Nache so Herodes dalemataỹa so Juan, nache damaxasoxoolec da qaỹaconeua'a, nache qaicoñerai' qoỹanaigui aso ncoñetaxanaxaqui late'erai.

Mateo 14:6

Qalaxaye co'ollaq ivita so laloqo' da deque'elec so lañoxoqui so Herodes, nache aso llale aso Herodías dasottac, qaq 'enauac som lquia'axauapi imeteetac asomaye. Nache so Herodes ỹataqta nqopita da lasotaxac asomaye.

Mateo 22:17

Qaq ñaq qomi' 'aua'axatema nagui ca 'arhuennataxac dam senataxanaqtapeguec maye, 'eeta': ¿Ỹaỹamaqchiguiñi peta'a da sesheetenaq ñim lta'a na nta'alpi maye netaña ye Roma qalqo' saishet?

Mateo 27:2

Nache qaicoñetta'a't naua lhua'q Somaye, ime nache qanqateeguesop so lma' so Caifás, nache qaỹauegueua'a so nta'a Poncio Pilato maye lta'a na Roma le'ecpi.

Marcos 6:17

Cha'aye so Herodes Antipas huaroneguet co'ollaxa aso Herodías maye lalamaqte lhua so lqaỹa Filipo, qaq so Juan co'ollaxa iviraxato'ot so Herodes, 'eeta' da la'aqtac: «Saishet da ỹaỹamaxañi da 'auauo'o 'arhua añi lalamaqte lhua so 'arqaỹa.» Qaq de'era ỹataqta inogoqchet aso Herodías, ỹoqo'oye, nache chegoqchiguiña da huo'o da lhuennataxac da ỹalauat so Juan da huo'o ca llegueuo. Qalaxaye so Herodes nda'a't da damaxasoxoolec da qaicoñerai' somaye da qoỹanaigui aso ncoñetaxanaxaqui late'erai.

Marcos 6:21

Qaq co'ollaq ivita so na'a'q maye lañoxoqui, nache so nta'a Herodes ỹo'ot so lta'araic lquia'axac. Nache icoyeguen so nataxala'pi, qataq so lataxala'pi na huataxanaq qataq so shiỹaxauapi maye 'amaqtaqaicpi ye 'alhua Galilea. Qaq aso Herodías ila'a da se'eso na'a'q, nacheso so ishet da huetoigui da ỹalauat so Juan.

Lucas 13:31

Qaq nacheso se'eso na'a'q da huo'oi soua nvildeuo, chegoqraigui na fariseopi. Nache da'aqtaxaarem So Jesús, 'eetra': –Qoca'ai qome ne'ena, ten ñi Herodes ỹauotaique damaxasoxoolec da 'am qaỹalauat.

Lucas 2:1

Co'ollaq nayeeta'a da ñiguiñi So Jesús, nache so lta'a na nta'alpi le'enaxat Augusto maye netaña ye Roma, damaxasoxoolec da qaỹo'ot ca naloqnaguec na shiỹaxauapi maye ilotague' somaye.

Lucas 23:24

Huaña, nache so Pilato nañoxot da ỹasateguet da 'eetapeguec somayepi.

Lucas 3:19

Nataqa'en iviraxato'ot so nta'a Herodes souaxat da huaroneguet aso Herodías, maye lhua so lqaỹa Filipo, qataq nataqa'en souaxat nam laỹepi ỹo'otpi maye sa ỹaỹamaxañi.

Lucas 9:7

So nta'a le'enaxat Herodes Antipas co'ollaq ỹaỹaten 'enauac nam ỹo'ottacpi So Jesús, nache ỹataqta sa ỹaỹaten ca 'eetec, cha'aye huo'o na 'eetega da qaltaq nca'alec so Juan.

Hechos 23:26

«Aỹem Claudio Lisias, 'am samaxa da iquinaxanaxac, 'am maye 'am 'amaqtaqaic ita'a Félix.

Hechos 24:27

Qaq ivi' soua dos vi'iye da 'eeta'ac de'era. Nache so Félix co'ollaq mashe saishet da nta'a, nache anac so Porcio Festo da qoỹanagui da lo'onataxanaxac somaye. Qalaxaye so Félix ye huotaique da qaica camachaqca naqa'en na judiopi, nache queto'ot co'ollaxa da icoñettai' so Pablo.

Hechos 26:30

Qaq co'ollaq ime da 'enapec de'era so Pablo, nache ñesheguem so nta'a Agripa, nataqa'en so nta'a Festo, qataq aso Berenice, qataq 'enauac som nso'ootañipi.

Hechos 4:27

Ỹataqta 'eesa da huaña ne'ena nỹecpi co'ollaq dataỹa't so Herodes Antipas qataq Poncio Pilato qataq na shiỹaxauapi maye chegaqa'ague da Roma qataq na Israel le'ecpi da yaqto' ỹalauat So Jesús, Som 'Arca'aguishec da yaqto' Nta'a.