Lucas 23:4 - La'aqtaqa Ñim Lo'onatac 'Enauacna 2013

⁴ Nache so Pilato 'enapega som lataxala'pi nam ntaxaỹaxanaxanecpi qataq som shiỹaxauapi, 'eeta': –Aỹem saishet da huo'o ca sanata lasouaxashet de'era shiỹaxaua.

Nuevo Testamento Toba Sur

⁴ Nachi so Pilato 'enapega som lataxala'pi nam ntaxaÿaxanaxanecpi qataq som shiÿaxauapi, 'eeta': –Aÿim sa ishit da huo'o ca sanata lasouaxashit de'eda shiÿaxaua.

Nuevo Testamento Toba Sombrero Negro

⁴ Chane'eja Pilato 'yaĝatema jogaa'me lejaliaĝanaqa gaa'me tamenaĝaiqui lo'olpi nataq'aen ga'me jiyaĝadipi: —Ja jauana ga'me chiyaqayi ta'le jen laviyaĝajet jenjo' jiyaĝaua.

Lucas 23:4 Iomraidhean Croise

Juan 18:38

Nache so Pilato 'enapego' Somaye, 'eeta': –¿Chaq negue't cam 'eesa lataxac? Qaq co'ollaq imat da lnataxanaxac so Pilato, nache qaltaq pa'auec da da'aqtaxanem so judiopi, 'eeta': –Aỹem saishet da huo'o ca sanata lasouaxashet de'era ỹale.

1 Pedro 2:22

So Cristo saishet da huo'o ca lasouaxashet, qataq saishet da huo'o ca ỹatenachet.

1 Pedro 1:19

nachaqrata da desheetenaxanalo soua ltago'q So Cristo maye ỹataqta qaica ca 'ena'ama da lya'c. So Cristo co'ollaq qaỹalauat da qaiuaxaneguet so npe'enaxaqui, nache Somaye 'eeta'am ca qoỹaneuo nachetaqtaxanaxat qagueta llalec maye ỹataqta qaica ca lque'emaxa.

Lucas 23:22

Qaltaq ỹe'eguelaxalec so Pilato da 'enapega somayepi, 'eeta': –Qaq ¿negue'to' ca ỹo'ot sa ỹaỹamaxañi damaye? Ye aỹem qaica ca sanata lasouaxashet da huo'otaq naigui da qaỹauo'o ca nalaataguec. Aỹem choche samaxasoxoolec qome damaye da qaiuaxan, qaq qom ime, nache saxanec.

Marcos 15:14

Nache so Pilato inattaco' somayepi, 'eeta': –Aỹem qaua'aqtaxañim ¿negue't ca qauem ỹo'ot de'era ỹale? Qalaxaye so qalota shiỹaxauapi qaltaq na'axannec da la'alaxac, 'eeta': –¡'Auaxaneguet ca npe'enaxaqui!

1 Pedro 3:18

Cha'aye So Cristo 'oonolec co'ollaxa da ileu, nache sa lỹa da ỹe'eguelaxalec da ileu, da yaqto' ỹapalaxat na qarasouaxashetpi. Somaye ỹataqta soxoraic qataq qaica ca lasouaxashet qataq huo'o da nque'eenaxac, souaxat na 'etaxaloxoicpi da yaqto' qami' qaviyeeta'a da qanauochaxauai Ñim Lo'onatac 'Enauacna. Som ỹalauatpi So Cristo, somayepi ilaxachigui da lo'ocỹaxac, qalaxaye Somaye nca'alec yaqto' taigui da lca'alaxa saqcha'a.

Hebreos 7:26

Qaq ỹoqo'oye So Jesús nacheso so 'oonolec da Lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna maye seuenaqtac. Cha'aye Somaye ỹataqta qui'itta, saishet da qauem da lataxac, qataq sa nauane' da huo'o ca lasouaxashet. Qaq Ñim Lo'onatac 'Enauacna nqateeguesop co'ollaxa na 'etaxaloxoicpi, nache tasheguema naqa'en ca hueta'a Ñimaye, nache ỹami' da ỹataqta ỹo'oxoraq, napacalec na laỹepi.

Mateo 27:19

Qaq so Pilato co'ollaq ñaq nmittac de'era, nache aso lhua namaxai' da la'aqtac, 'eeta': «Saishet qome da 'aỹapegueua'a que'eca ỹale maye no'on da lataxac, cha'aye so pe ỹataqta qaica ca 'ena'am da lchec so ichoxonaxac, souaxat camaye.»

Hechos 3:13

Qalaxaye Ñim Lo'onatac 'Enauacna maye ỹo'oxoreetrac co'ollaxa soua hua'au' qarta'al Abraham, qataq so Isaac, qataq so Jacob, Ñimaye nacheñi Ñim ỹanem da lta'araic la'amaqchec So Llalec Jesús, Som qami' qaỹa'añiiua'a co'ollaxa na lta'alpi na Roma le'ecpi. Nache so nta'a Pilato co'ollaq huotaique da ỹaxanec, qalaq qami' saishet da qauaỹamaxayiñi.

Hechos 25:25

Qalaxaye aỹem saishet da sela'a da huo'o ca lasouaxashet da yaqto' naigui ca nalaataguec damaye. Qalaxaye damaye ye maiche iỹaxaneua'a da yaqto' nmit cam nta'a Augusto, qaq aỹem mashe sasateguet damaye da yaqto' samaxague da Roma.