Lucas 21:1 - La'aqtaqa Ñim Lo'onatac 'Enauacna 2013

¹ Qaq co'ollaq ñaq hueta'a aso no'onaxanaxaqui late'erai So Jesús, nache imeteetac nam sallaxanecpi maye ỹasaqtapiguiñi ana alom, ỹasaqteguengui aso 'oonole anam laỹe' ana nachetaqtaxanaqte.

Nuevo Testamento Toba Sur

¹ Qaq co'ollaq ñaq hueta'a aso n'onaxanaxaqui late'edai so Jesús, nachi imeteetac nam sallaxanecpi mayi ÿasaqtapiguiñi ana lachitaqtaxanaqte.

Nuevo Testamento Toba Sombrero Negro

¹ Jesús yec'ate'tape gaa'me neuoyaĝadi jo'ne yadegue jaga'me laicaua, yemetetedapiñgui jaga'me najaqaje lae't,

Lucas 21:1 Iomraidhean Croise

1 Reyes 14:26

nache deuotaxanec so nogoxoshetpi maye lalamaxatpi aso atamnaxaqui maye lalamaqte Ñim Nataxala', qataq ỹache 'enauac so huetaigui so nma' lta'araic. Nataqa'en ỹache aso npaqtaxanaqtepi oro maye lo'onata co'ollaxa so Salomón.

2 Reyes 12:9

Qaq huaña, nache so ntaxaỹaxanaxanec Joyadá, ỹacona aso 'oonole laỹe' aso anom, nache ỹo'ot so lauac so lapoxot asomaye, nache ỹanaña na pa'aỹa'ague da aloic aso nca'atoxonaxalate, maye pa'aỹa'aguet yem ñegueuo aso atamnaxaqui maye lalamaqte Ñim Nataxala'. Qaq soua ntaxaỹaxanaxanaqa maye iuattrague' so ñegueuo aso atamnaxaqui, nache ỹasaqtrangui asomaye 'enauac aso anom maye qairotegueua'a aso atamnaxaqui maye lalamaqte Ñim Nataxala'.

2 Reyes 24:13

Qaq ime co'ollaxa, nache so Nabucodonosor ỹacona 'enauac so nogoxoshetpi maye huetaigui aso atamnaxaqui maye lalamaqte Ñim Nataxala', qataq so netaiguipi so nma' lta'araic maye lo'onataxanaqa' so nta'a. Qaq nache ipacchigui da la'aqtac co'ollaxa Ñim Nataxala', da somaye ilaxachigui 'enauac som nogoxoshetpi oro, maye lo'onatacpi co'ollaxa so Salomón, maye nta'a ye Israel, da yaqto' ỹanaigui aso atamnaxaqui maye lalamaqte Ñim Nataxala'.

2 Crónicas 36:18

Nache 'enauac som nhuenecpi maye lalamaxat aso atamnaxaqui maye lalamaqte Ñim Nataxala', so lta'araicpi qataq so qapio'olecpi, qataq so no'on nogoxoshetpi maye huetaigui aso atamnaxaqui, qataq so no'on logoxoshetpi so nta'a qataq so ltauapi, qaq 'enauac somayepi ỹache som lta'a so caldeopi, ira'a ye Babilonia.

Nehemías 13:13

Nache saneuo so ntaxaỹaxanaxanec Selemías, da ilo'ogue so naponaxanaxaqui qataq so neraxanaxanec Sadoc, qataq so leviita Pedaías, nataqa'en so ltaua Janán, som llalec so Zacur, qataq laual so Matanías, cha'aye 'enauaque soomaye ỹataqta ipe'e'te, nache ilo'ogue da naloqnec som talec so maiche laỹepi.

Mateo 27:6

Nache som lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, ỹacona aso anom, nache 'enapeco': «Ana'ana anom anamaye qarsheetenaxanaqte da sesheetenaq da l-leuaxa so 'oonolec ỹale, qaq anamaye sa seshetaq da sachaqangui añi laỹe' ana nachetaqtaxanaqte, cha'aye na namaxasoxonaxacpi saishet da ỹashen.»

Lucas 20:47

Namayepi decachigui na nma' ana pa'aipi, ime, nache ỹo'ot da nqouagaxaunaxac ỹataqta logoraic naqa'en yaqto' na qalota shiỹaxauapi ipi'itaxana da no'on shiỹaxauapi. Qalaxaye Ñim Lo'onatac 'Enauacna ỹauo'o da nhuaxanaguec ỹataqta ỹactec, saq 'ena'am na laỹepi shiỹaxauapi.

Juan 8:20

Qaq So Jesús 'enapec de'era, co'ollaq ñaq huetaigui aso no'onaxanaxaqui late'erai da dapaxaguenataxaatac, hueta'a yem naña aso laỹe' ana nachetaqtaxanaqte anom. Qalaxaye saishet da huo'o ca ỹañoxot da ỹaconeua'a Somaye da icoñi', cha'aye saxanaxa da ivita ye laloqo' da yaqto' qaỹauattoota Somaye.

Josué 6:19

Qalaxaye 'enauac na lcat plata, oro, qataq 'enauac na no'onataxanaxatpi maye chegaqaigui na bronce huo'otaq na laỹe lcatpi, namayepi qoỹanot qome Ñim Nataxala', nache qaỹachaigui ca laỹe' na lalamaxatpi Ñim Nataxala'.»

Josué 6:24

Qaq co'ollaq ime, nache so Israel le'ecpi ỹavigaxat 'enauac se'eso huaqta'a't nỹecpi qataq 'enauac so huetaiguipi. Qaq nachesota so lcat plata, oro, qataq so chegaqaigui na bronce, qataq so no'onataxanaxat lcatpi, somaye qaỹachaña so naỹamaqtaqa' nam lalamaxatpi Ñim Nataxala'.