Lucas 2:9 - La'aqtaqa Ñim Lo'onatac 'Enauacna 2013

⁹ Nache nque'elaxatta da so 'oonolec lamaxashec Ñim Lo'onatac 'Enauacna nachaxana somayepi, qaq da llo'oxoyec Ñim Lo'onatac 'Enauacna icoỹarelec cam hueta'a somayepi. Qaq som qagueta lo'opi ỹataqta lta'araic da lcolanaxa,

Nuevo Testamento Toba Sur

⁹ Nachi nque'elaxatta da nachaxana so lamaxashic ñi qadataxala'. Nachi da lli'oxoyic ñimayi ÿataqta icoÿadelec somayipi, nachi ÿataqta lta'adaic da lcolanaxa.

Nuevo Testamento Toba Sombrero Negro

⁹ Qampaja'a qaale yauata ga'me piyem le'ec jo'ne chiyaqaje'ma ñe'me Jaliaĝanec, nataq'aen da'me lauaqayaĝac 'me 'lonaĝac joñe'me yataqata napacalo'te jogaa'me, qama'le jalcote da'me t'oi'y.

Lucas 2:9 Iomraidhean Croise

1 Reyes 8:11

Qaq souaxat se'eso lo'oc, nache so ntaxaỹaxanaxanecpi saishet co'ollaxa da nache pa'atauo da ỹo'ot da lo'onataxanaxac, cha'aye da llo'oxoyec Ñim Nataxala' ỹataqta nlaqchigui aso atamnaxaqui.

Éxodo 16:10

Nache so Aarón co'ollaq ñaq detaqtague' 'enauac so Israel le'ecpi, nache 'enauac somayepi ỹamatalec so toolec 'alhua, nache ila'a da llo'oxoyec Ñim Nataxala' co'ollaq nachaxan huetaigui so lo'oc.

Éxodo 16:7

Qaq qonte' nte'eta, qaq qauauañiichigui ca llo'oxoyec Ñim Nataxala', cha'aye Ñimaye hua'aqtegalo qami' da qoquiitapeguelec. Cha'aye ¿negue't qomi' da huo'otaq qomi' qoquiitapegueleguete?

Isaías 35:2

qataq ñaxatec qome ana lauoxo 'eeta'am ana nañiguishe lirio, qataq nlaxagui qome da ntonaxac qataq da lamaicỹaxac. Cha'aye Ñim Lo'onatac 'Enauacna ỹo'otec qome da ỹataqta huo'o da lyac 'eeta'am ye Líbano, qataq ỹataqta no'on 'eeta'am ye Carmelo qataq ye ca'amegue ye Sarón. Qaq huaña qome nache 'enauac na shiỹaxauapi da ila'a da llo'oxoyec Ñim Nataxala' qataq da la'amaqchec Ñim Qanatamnaxala'.

Isaías 40:5

Qaq huaña nache Ñim Nataxala' ỹachaxan qome da llo'oxoyec, nache 'enauac qome na shiỹaxauapi da ỹauaachigui damaye. Cha'aye Ñim Nataxala' maiche la'aqtac damaye.

Isaías 60:1

'Am Jerusalén, ña qoñesheguem nache 'am 'eroigui, cha'aye mashe nvi' na 'arcoỹaraxanaxat, qaq da llo'oxoyec Ñim Nataxala' 'eroigui da 'am icoỹattalec.

Ezequiel 3:23

Nache aỹem soosheguem nache ñeqo'ona ye nalochiguiñi 'alhua, qaq nache huaña yemaye da sauaachigui da llo'oxoyec Ñim Nataxala', 'eeta'am da 'eetec so sela'a co'ollaq huaña ye loigue so tala Quebar, qaq huaña nache sa'alyiñi naua illecte nache seviraxata'aguet na ỹatap na 'alhua,

Mateo 1:20

Qaq co'ollaq ñaq tatapigui lauel de'era so José, nache anac so lamaxashec Ñim Lo'onatac 'Enauacna, huaigui naqa'en so lo'ochaxa da nachaxana somaye. Nache 'enapega, 'eeta': –José, 'am maye 'auachegoxoguet so nta'a David, saishet qome da 'añi'i da 'apaca'aguet añi María da 'arhua. Cha'aye dam llalec maye huetaigui añimaye, chegoqchigui da la'añaxac So Saqcha'a Na'añaxac Qui'itta.

Lucas 1:28

Nache so namaxashec taua'a ca hueta'a aso María, nache iquin, 'eeta': –¡Ñim Lo'onatac 'Enauacna 'am ỹanem da lqouagaxanaqtaic maye ỹataqta no'on! Ñim Nataxala' 'am hueta'aguet.

Lucas 2:8

Qaq nacheso se'eso pe da huo'o so qagueta lo'opi maye ilotague' aso lalopi huetauga ye saqaỹapeque ye nỹecpi maye le'enaxat Belén.

Lucas 24:4

Qataq sa ỹaỹate'n ca 'eeteque co'ollaq ila'alo soua dos ỹale't, nachattrañi huaqta'ato soomaye. Soua alogo somaye ỹataqta qashelectrapiguiñi.

Juan 12:41

Qaq so Isaías 'enapec co'ollaxa de'era, cha'aye souaxat da ỹauaachigui da llo'oxoyec So Jesús. Huaña, nache ỹa'axattac Somaye.

Hechos 12:7

Nache nque'elaxatta da nachatteuo so lamaxashec Ñim Lo'onatac 'Enauacna, nache ỹataqta yo'oqchiguiñi naqa'en na pa'auo aso ncoñetaxanaxaqui. Nache som namaxashec ỹa'areua'a na laỹe so Pedro da nquetoxon. Nache 'enapego', 'eeta': –Qoñisheguem, 'anque'emgue. Nache soua lque'ete naua lhua'q so Pedro ñere'c.

Hechos 27:23

Shecpe aỹem nachaxana so chegaqasheguem lamaxashec Ñim Lo'onatac 'Enauacna maye sooto'ot qataq so'onataxaatacot.

Hechos 5:19

Qalaxaye so lamaxashec Ñim Qarataxala' ỹauatoiguilo soua laso'omi aso ncoñetaxanaxaqui se'eso pe, nache nqatre'c soomaye. Nache 'enapegalo', 'eeta':

2 Corintios 4:6

Co'ollaq Ñim Lo'onatac 'Enauacna ỹo'ot ana 'alhua, nache da la'aqtac, 'eeta': «Huo'o qome aca icoỹarelec na napalaxa.» Qaq co'ollaq qomi' ỹaỹaanaxanaxaneque da no'on na'axaỹaxac, nache nataqa'en icoỹaroigui da qantoonaxac, yaqto' chegoqchigui So Cristo da sauattonaq da la'amaqchec Ñimaye.

1 Timoteo 3:16

Qaq saishet da qaiqoleguet de'era 'eesa lataxac da qara'amqaanataxanaxac, cha'aye ỹataqta lta'araic da naigui llo'oxoyec: So Cristo nachaxan co'ollaxa, qalaxaye ỹacona da lataxac ca yo'oqchigui shiỹaxaua; qaq So Saqcha'a Na'añaxac ỹa'axat da saqca ca lasouaxashet Somaye, qaq ỹauaachigui Somaye 'enauac na chegaqasheguem lamaxashecpi Ñim Lo'onatac 'Enauacna. Qataq qaỹa'axatem 'enauac na ỹotta'a't shiỹaxauapi, qaq na shiỹaxauapi maye huetalec ana 'alhua ỹa'amaqten Somaye. Ime, qaq qaỹaueegue da piguem, nache Ñim Lo'onatac 'Enauacna ỹataqta nlaxatchigui da 'enec Somaye.

Hebreos 12:21

Qaq ỹataqta huo'o da lchec se'eso ilota'a somayepi maye netalec aso qaỹoqotcheguemec 'alhua, qaq ivira'a so Moisés 'enaco' da la'aqtac: «Ỹataqta aỹem iviloxolaqchet da icolanaxa.»

Apocalipsis 18:1

Qaq can ime de'era, nache qaltaq sela'aguet so lỹa namaxashec piguem le'ec, chegoqtot na piguem. Qaq somaye ỹataqta lta'araic da la'añaxac, qataq 'enauac ana 'alhua ỹataqta yo'oqtelec naqa'en na le'eraxa.

Apocalipsis 20:11

Qaq can ime de'era, nache sela'a aso late'erai so'onaxaqui lapagaxai qataq som nso'ootangui asomaye. Huaña, nache ana 'alhua qataq na piguem ỹataqta nlagaxatapec, nache qaica ca ishet da qaltaq ila'a.