Lucas 2:7 - La'aqtaqa Ñim Lo'onatac 'Enauacna 2013

⁷ ñiguiñi so la'auaxanec llalec. Qaq souaxat ye sa ỹanatra cam nỹec maye ishet da huera'a se'eso pe, nache soomaye huera'a so lma' na nlo shiguiỹacpi. Nache huaña yemaye co'ollaq ñiguiñi so llalec, nache aso María lpataxangui so lapo' hualoq laỹe. Ime, nache ỹachangui aso lquia'axaqui na shiguiỹacpi.

Nuevo Testamento Toba Sur

⁷ Nachi huaña yimayi co'ollaq ñiguiñi so l'auaxanec llalec. Nachi lpataxangui so lapo', ime, nachi ÿachangui aso lqui'axaqui na nlo shiguiÿacpi, cha'ayi souaxat da qaica ca lma't soomayi som noÿic mayi n'ochaqa'.

Nuevo Testamento Toba Sombrero Negro

⁷ qama'le nach'ega ua'a ca'li niyiñe ga'me c'oĝot jo'ne 'uaechiñe. Qama'le María lecoĝoyelo ga'me en lecojoĝoiqui' nataq'aen yachañgui ga'me nelopi liqui'yaĝaiqui, qa'a qaya'te 'lachaqa't ga'me emec jo'ne jiyaĝadipi 'nomataĝaiqui.

Lucas 2:7 Iomraidhean Croise

Génesis 42:27

Qaq co'ollaq ivitra so 'alhua maye huaña da nmatre'c se'eso pe, nache so 'oonolec soomaye ỹauaangui so lachoxonaxaqui da yaqto' iquia'axan so lalo 'ashena, nache ilalec aso maiche alom da huetangui na alap so lachoxonaxaqui.

Génesis 43:21

qalaxaye so seviraxa yem 'alhua maye huaña da ñemataxauec se'eso pe, nache selaqalec aso qorom maye qarsheetenaxanaqte da huetanguilo naua ala'api soua qarachoxonaxaqui'. Qalaxaye ñachoqtac ayemaye da 'am she'eguelaxataxam.

Salmos 22:6

Qalaxaye aỹem choche aỹem qoche'l, qaq saishet da aỹem shiỹaxaua, na shiỹaxauapi qalaq choche aỹem ỹe'eetac.

Éxodo 4:24

Qaq co'ollaq ñaq queta so Moisés da taỹa'a ye Egipto, nache mashe ivita yem 'alhua maye huotaique da nmataqa' so pe, nache Ñim Nataxala' nqanaxatteguet somaye da ỹauotaique ỹalauat.

Isaías 7:14

Qaq ỹoqo'oye Ñim Nataxala' Nacheñi ñim qami' ỹanema qome ca na'anec: Aca qa'añole hualaxai qome nache acamaye ỹale qome ca llalec, qaq que'eca llalec acamaye ỹanagui qome da le'enaxat Emanuel, maye naigui da: ‹Ñim Lo'onatac 'Enauacna qomi' hueta'agueta.›

Mateo 13:55

«Damaye nachera da llalec so José maye qo'oipaq lo'o, qataq aso late'e le'enaxat María, damaye nache lqaỹa't soua Santiago, José, Simón qataq so Judas.

Mateo 8:20

Nache So Jesús 'enapeco': –Anam huaxaỹaxapi huo'o na lauacpi, qataq nam maỹopi huo'o na lpata'cpi, qalaxaye Aỹem Shiỹaxaua Llalec, saishet da huo'o ca ỹalamaxat ima' da ñematec.

Lucas 10:34

Nache nqo'ona somaye, nache nataren so lque'emaxapi datannaxana na lli'i ana Oliva qataq so lataxa. Ime, qaq ỹauo'o so laxataxat. Qaq co'ollaq ime, nache ỹasaxalec so lalo 'ashena, nache ỹauegueua'a so nỹec maye nanataqa'. Huaña, nache ilotague'.

Lucas 2:6

Qaq co'ollaq mashe huetra'a ye Belén, nache ivita so laloqo' da aso María

Lucas 2:8

Qaq nacheso se'eso pe da huo'o so qagueta lo'opi maye ilotague' aso lalopi huetauga ye saqaỹapeque ye nỹecpi maye le'enaxat Belén.

Juan 1:14

Qaq se'eso Na'aqtac qomi' hueta'agueta, 'eeta'am ca 'oonolec da shenaqta. Qataq qomi' sauanaqchigui da la'añaxac maye maiche lalamaxat som 'oonolec Llalec Ñim Lo'onatac 'Enauacna, cha'aye qomi' ỹachaxanalo 'enauac da lsoxoyec qataq da 'eesa lataxac.

2 Corintios 8:9

Cha'aye qami' qauaỹachiñi da So Qarataxala' Jesucristo ỹataqta sallaxanec, qalaxaye ye ỹataqta ỹaguec da qami' ỹauoteque, nache naỹa ana 'alhua, nache ỹacona da choxoraq yaqto' ỹachegoxotchigui da lachoxoyec da qami' qaviyiỹa'a da qami' sallaxanaqa.

Gálatas 4:4

Qaq co'ollaq ivita so na'a'q maye laloqnec Ñim Lo'onatac 'Enauacna, nache namaq So Llalec da nañaxatoigui naqa'en aso 'alo, qataq quetelec na namaxasoxonaxacpi maye ỹo'ottac na judiopi.