Lucas 2:44 - La'aqtaqa Ñim Lo'onatac 'Enauacna 2013

⁴⁴ Qaq so José qataq aso María co'ollaq mashe 'oonolec na'a'q da quete', nache ipettrego' da So Jesús ca'attaigui so laỹepi maye qannaictague'pi de'era ñecỹaxac. Ime', nache nmittrapigui so lauo' le'ecpi qataq so nauattonaxauapi,

Nuevo Testamento Toba Sur

⁴⁴ Cha'ayi qaipettega so Jesús da huo'otaq quetaigui 'enauac so shiÿaxauapi. Qaq mashi ivi' 'oonolec na'a'q da quete' soomayi, qalaxayi co'ollaq qanmittapigui 'enauac so nhuo' l'ecpi qataq som auattonaxauapi,

Nuevo Testamento Toba Sombrero Negro

⁴⁴ chayovida'a yenoĝonegue onolec ga'me nolo' da'me leuoĝo'j, qa'a yepetedapega ta'le Jesús quetaue ga'me jiyaĝadipi. Qalaĝaja ca'li yelodaque, yec'atalo gaa'me mach'e laqaya' nataq'aen gaa'me natetonaĝa'u,

Lucas 2:44 Iomraidhean Croise

Salmos 42:4

Qaq naxa da tachigui ye iuel se'eso hua'au, nache ỹataqta nỹen da ivilỹaxac co'ollaq shectaigui so shiỹaxauapi da sauectaua'a añi atamnaxaqui maye lalamaqte Ñim Lo'onatac 'Enauacna, ỹataqta ỹa'alaqtagui da ntonaxac da ỹaatac da na'achec. Qaq ỹataqta lta'araic da ño'oxonnataxanaxac se'eso na'a'q.

Isaías 2:3

Qaq anac qome na qalota shiỹaxauapi, nache 'eeta': «Qauanaqui, ñeqo'onaxasheguema añi nqasoxonaxa Ñim Nataxala', añi atamnaxaqui maye lalamaqte Ñim Natamnaxala' so Jacob, yaqto' Ñimaye qomi' ỹapaxagueneque da nqa'aicỹaxac, huaña nache ishet da qolaqtegueto qome naua lleco Ñimaye.» Cha'aye Ñim Nataxala', chegoqchiguiña qome ye Sión da lapaxaguenataxanaxac, qataq chegoqchiguiñalo qome ye Jerusalén naua la'aqtaqa.

Lucas 2:43

Qaq co'ollaq mashe ivilde'c soua na'axa'te maye naponaxaqui', nache soua lta'al ỹe'eguelaxara ca lma', qalaxaye saishet da nomalo da So Jesús no'onaña ye Jerusalén.

Lucas 2:45

qalaxaye saishet da ỹanatra So Jesús. Huaña, nache soomaye ỹe'eguelaxaregue da Jerusalén da nmitraique.

Lucas 23:49

Qaq 'enauac nam nauochaxauapi So Jesús qataq som 'alpi maye ca'attague' Somaye co'ollaq chegoqchiguiña ye 'alhua Galilea, nache qaỹatauga ca hueta'a co'ollaq imeteetac da huaigui Somaye.