Lucas 2:41 - La'aqtaqa Ñim Lo'onatac 'Enauacna 2013

⁴¹ So José qataq aso María 'enauaque naua vi'iye da ỹe'eguelaqtra'ague da Jerusalén naxa da iviteuga so naponaxac maye le'enaxat da Lapascua.

Nuevo Testamento Toba Sur

⁴¹ Nachi soua lta'al so Jesús 'enauaque naua vi'iyi ÿi'iguelaqtra'ague da Jerusalén quenaxa da iviteuga so laloxoqui da qaiuennate so na'a'q co'ollaq qanayica'ai yi Egipto.

Nuevo Testamento Toba Sombrero Negro

⁴¹ Jogaa'me let'al ñe'me Jesús nalochiguilo naa'me 'uoidi da'me yec'adeta di'me Jerusalén qaedi uetedaue ga'me nolo' nale qouenata ca'li maqachaĝa Pascua.

Lucas 2:41 Iomraidhean Croise

Éxodo 12:11

Qaq 'era da qoñiitec da qollequi ca qagueta llalec, qaq ỹataqta qansauachiita, qataq qaỹa'añiiyiñi naua qarapela'achilli', qataq qanasoqoita'alo naua qarashelchilli', qaq ỹataqta qanqui'imiigue, cha'aye de'era lapascua lalamaxat Ñim Nataxala'.

Éxodo 12:14

Qaq que'eca na'a'q, nache qami' saishet da qaucoviỹa'ai da qauo'oche ca ỹataqta lta'araic qayo'oxonnataxanaxaqui da qavio'oxoyiñi Nam Nataxala'. Qaq damaye nache qalapaxañi namaxasoxonaxac da nache 'eetai' qome da ivireuga ye laloxoqui nache qami' qavi'iguelaqailec da qauo'oche, qataq nache 'ena'am qome ca qaỹa'alquipi.

Éxodo 34:23

Qaq ye 'oonolec vi'i nache ivi' tres da Aỹem naua'a qome da aỹem ỹo'oxoren 'enauac na ỹalleppi. Qaq 'era da ỹa'aqtac, Aỹem Nataxala' maye Natamnaxala' na Israel le'ecpi.

Levítico 23:5

Da ivireuga ca na'a'q catorce ca la'auaxanec ca'agoxoic, qataq da mashe inoxoochiguiñi añi nala', nache qauo'oche ca Lapascua da yaqto' qavio'oxoyiñi Ñim Nataxala'.

Números 28:16

Qaq ca na'a'q catorce ca la'auaxanec ca'agoxoic ye vi'i, nache huetoigui qome da qaỹo'ot ca Lapascua da qaỹo'oxoren Ñim Nataxala',

Lucas 2:42

Qaq So Jesús co'ollaq mashe ivi' naua doce vi'iye da llaxa, nache nnaicapegueto soua lta'al da taregue da Jerusalén, cha'aye nache lataxac naxa da iviteuga se'eso na'a'q naponaxaqui.

Juan 11:55

Qaq mashe saqaỹauga so na'a'q maye laponaxaqui na judiopi da qaiuennate so na'a'q le'enaxat Lapascua. Nache ỹataqta qalota so shiỹaxauapi maye nañalo naua lỹa't 'aleu' taỹa ye Jerusalén, da yaqto' ỹo'ot da lataxac da nqui'itaxat ca shiỹaxaua, da yaqta'a nvireuo se'eso na'a'q naponaxaqui.

Juan 13:1

Qaq nacheso se'eso lỹa na'a'q maye huetoiguilo soua na'axa'te da qaiuennate so na'a'q le'enaxat Lapascua. Qaq So Jesús mashe ỹaỹaten da ivita ye laloqo' da ca'ai ana 'alhua, da ỹe'eguelaxa Ñim Lta'a maye Lo'onatac 'Enauacna. Qaq Somaye nache 'eetai' da lauotaxanaqtaic na lalamaxatpi maye huetalec ana 'alhua, qaq da lauotaxanaqtaic ỹachaxana somayepi choche ivitta'a da loga't da nachaalataxac.

Juan 2:13

Qaq co'ollaq mashe saqaỹapeque so laponaxac na judiopi maye le'enaxat da Lapascua, nache So Jesús nqo'oneua'a ye Jerusalén.

Juan 6:4

Qaq mashe saqaỹapeque soua na'axa'te maye laponaxaqui' na judiopi da iuennate so na'a'q le'enaxat da Lapascua.

Deuteronómio 12:11

Nache cam nanataqa' maye lca'ateua'a Ñim Nataxala' da yaqto' huaña da qanauane' Ñimaye, nacheca qome ca qaroiua'a 'enauac na qami' samaxaleguete: nachetaqtaxanaxat qaỹavigaxatta, nachetaqtaxanaxat shiguiỹac, qataq ana diezmopi, qataq aca nachetaqtaxanaqte maye chegaqaigui da qaro'onataxanaxaqui, qataq aca qauachaxañiỹapec da qaỹa'añiỹot Ñim Nataxala'.

Deuteronómio 12:18

Nacherata da ỹauaachigui qanqa'eñi Ñim Nataxala' maye Qanatamnaxala'ai, da qollequi nache huaña qanqa'eñi ca lca'ateua'a Ñimaye. Qami' qataq ca qaỹa'alquipi ỹalleppi qataq 'alpi, qarlataqui qataq aca qarlatai qataq na leviitapi maye qami' netaiguilo da yaqto' qantoñiitapeguec 'enauac ca chegaqaigui da qaro'onataxanaxaqui.

Deuteronómio 16:16

Qataq 'enauac na ỹalleppi, ye 'oonolec vi'i nache tres da ỹe'eguelaxalec da nachaateua'a ca lca'ateua'a lanataqa' Ñim Nataxala' maye Qanatamnaxala'ai, da yaqto' qaỹo'ot ca naponaxac maye laloxoqui da qanallec aca nauole maye qaca aca lalecte maye ỹasheeraxachigui, qataq ca naponaxac maye huetoigui da qanqat ca la'auaxanec ala ca nañiguishec, qataq ca laloxoqui da qanayenaigui na npe'lpiolec qo'oipaq lcouepi. Qalaxaye qaica qome ca nachaateua'a Ñim Nataxala' da qaica ca ỹanot Ñimaye.

1 Samuel 1:21

Qaq so lỹa vi'i, nache so Elcana qaltaq ỹauec co'ollaxa so llalaqpi da taỹa ye Silo, da yaqto' ỹaneuo aso lachetaqtaxanaqte da ỹanot Ñim Nataxala', qataq da ipacchigui som ỹan la'aqtac co'ollaxa,

1 Samuel 1:3

Qaq 'enauaque naxa soua vi'iye da so Elcana ca'ai naxa ye lma', nache taỹa ye Silo da yaqto' huaña yemaye da ỹo'oxoren, qataq ỹanot ana lachetaqtaxanaqte Ñim Nataxala' maye Qaica ca Ỹaqalanapec. Qaq yemaye nache netraña soua dos llalqa so ntaxaỹaxanaxanec Elí, som le'enaxat Jofní qataq so Finés, qaq soomaye nataqa'en ntaxaỹaxanaxanaqa da qaitaxaỹapegue' Ñim Nataxala'.