Lucas 2:2 - La'aqtaqa Ñim Lo'onatac 'Enauacna 2013

² Se'eso na'a'q so Quirino maye lta'a na netaña ye 'alhua Siria, qaq nacheso so qoỹami' da namaxasoxonaxac da ỹo'ot ca naloqnaguec na shiỹaxauapi maye netaña ye 'alhua Palestina.

Nuevo Testamento Toba Sur

² Qaq se'eso hua'auchiguiñi nedaxanaxac huetoigui so na'a'q co'ollaq ña ilotague' yi 'alhua l'enaxat Siria so nta'a l'enaxat Quirinio.

Nuevo Testamento Toba Sombrero Negro

² Dojo' 'uaechiñe nedaĝanaĝac jo'ne qoyen nedela't ca'li ga'me jiyaĝadipi, nach'ena qoya'uo ca'li ñe'me Quirinio nejaliaĝatelegue di'me aleua jo'ne Siria.

Lucas 2:2 Iomraidhean Croise

Mateo 4:24

Nache da na'aqtaguec So Jesús ỹataqta 'enauac ye 'alhua Siria da qaỹaỹaten. Nache qanda'a Somaye som shiỹaxauapi maye ỹotta'a't na lalolaxa, qataq som huo'o na netaigui saqcha'a na'añaxac leguemaxaic, copchaxaicpi, qataq na sa da'añiigue. Nache 'enauac nataren So Jesús.

Lucas 2:1

Co'ollaq nayeeta'a da ñiguiñi So Jesús, nache so lta'a na nta'alpi le'enaxat Augusto maye netaña ye Roma, damaxasoxoolec da qaỹo'ot ca naloqnaguec na shiỹaxauapi maye ilotague' somaye.

Lucas 2:3

Nache 'enauac na shiỹaxauapi da taỹalo na ỹataqta hueta'a na lauo' le'ecpi, da yaqto' qoỹereua'a aso naneraxalate somayepi.

Lucas 3:1

So Juan maye nachelaxanataxanaq som llalec so Zacarías, hueta'a ye toolec 'alhua. Nache Ñim Lo'onatac 'Enauacna detaxaỹapegue' co'ollaq huauga yemaye, huetoigui so na'a'q co'ollaq so Tiberio maye netaña ye Roma mashe ivi' naua quince vi'iye da lo'onataxanaxac da ilotague' na qalota shiỹaxauapi maye hueta'alo naua lỹa't 'aleu', qaq so Poncio Pilato ilotague' ye 'alhua ye Judea. Qaq se'eso na'a'q so Herodes Antipas ilotague' ye 'alhua Galilea, qaq so Filipo maye lqaỹa so Herodes ilotague' ye 'alhua Iturea qataq Traconítide, qaq so Lisanias ilotague' ye 'alhua Abilene. Qaq so Anás qataq so Caifás, soomaye lataxala'ate na ltaxaỹaxanaxanecpi na judiopi da qaitaxaỹapegue' Ñim Lo'onatac 'Enauacna.

Hechos 13:7

Qaq se'eso pio'oxonaq, somaye nache neto'ot so nta'a, le'enaxat Sergio Paulo, som ỹale maye ỹaanaxanaxaic. Qaq se'eso nta'a, somaye damaxasoxona co'ollaxa so Bernabé qataq so Saulo, cha'aye somaye huotaique da na'axaỹaxana da la'aqtac Ñim Lo'onatac 'Enauacna.

Hechos 18:12

Qalaxaye so na'a'q co'ollaq lta'a nam netaña ye 'alhua Acaya so le'enaxat Galión, nache na judiopi maye lma' ye Corinto, huaxaỹa't da qanpa'aguena so Pablo. Nache qaỹaconeua'a somaye da qaỹauegueua'a aca lo'onataxanaxaqui so nta'a da yaqto' qanmit.

Hechos 23:26

«Aỹem Claudio Lisias, 'am samaxa da iquinaxanaxac, 'am maye 'am 'amaqtaqaic ita'a Félix.

Hechos 26:30

Qaq co'ollaq ime da 'enapec de'era so Pablo, nache ñesheguem so nta'a Agripa, nataqa'en so nta'a Festo, qataq aso Berenice, qataq 'enauac som nso'ootañipi.

Hechos 5:37

Qaq co'ollaq qaỹata'ague de'era, nache qaltaq huetoigui so na'a'q co'ollaq qoỹiyiñi 'enauac na shiỹaxauapi da qanaloqna't, nache nachaañi so Judas, Galilea le'ec. Qaq nache 'ena'am ỹataqta qalota na quegue somaye. Qalaxaye somaye nataqa'en qaỹalauat, nache 'enauac nam quetague'pi nlagaxattac.