Lucas 2:1 - La'aqtaqa Ñim Lo'onatac 'Enauacna 2013

¹ Co'ollaq nayeeta'a da ñiguiñi So Jesús, nache so lta'a na nta'alpi le'enaxat Augusto maye netaña ye Roma, damaxasoxoolec da qaỹo'ot ca naloqnaguec na shiỹaxauapi maye ilotague' somaye.

Nuevo Testamento Toba Sur

¹ Qaq se'esoua na'axa'te, nachi so lta'a na nta'alpi l'enaxat Augusto, somayi ÿan so l'aqtac da 'enauac na shiÿaxauapi qoÿideuo na l'enaxatpi da qanaloqna't.

Nuevo Testamento Toba Sombrero Negro

¹ Jaajo' noloqo'ote joca'li, ñe'me Roma le'ec Augusto, jo'ne nec'atenoqo't di'me aleua, damaĝajoĝolegue ca'li da'me qaedi yema nedela't ga'me jiyaĝadipi jo'ne yelolegue.

Lucas 2:1 Iomraidhean Croise

Ester 10:1

So nta'a Asuero, ỹauo'o co'ollaxa aso iỹaxanaique, da lsheetenaxanaqte so shiỹaxauapi maye netalec 'enauac so 'alhuapi maye ilotague' somaye, qataq aso ỹaqa'ata 'alhuapi aso auaxai.

Mateo 22:17

Qaq ñaq qomi' 'aua'axatema nagui ca 'arhuennataxac dam senataxanaqtapeguec maye, 'eeta': ¿Ỹaỹamaqchiguiñi peta'a da sesheetenaq ñim lta'a na nta'alpi maye netaña ye Roma qalqo' saishet?

Mateo 24:14

Qaq cam loga't ana 'alhua nvi' qom de'era no'on na'axaỹaxac maye ỹa'axat da lo'onataxanaxac Ñim Lo'onatac 'Enauacna mashe qaỹa'aqtaxanem 'enauac na huetalec ana 'alhua, qataq nam ỹotta'a't shiỹaxauapi hua'aqchigui damaye.

Marcos 14:9

Qaq ỹataqta 'eesa de'era qami' sa'axatema, de'era ỹo'ot aramaye qaiuennate nataqa'en 'enauac nam pa'aiguelo naua laỹel ana 'alhua nam hua'aguelo da qaỹa'axattac de'era no'on na'axaỹaxac maye chegoqo'ot Ñim Lo'onatac 'Enauacna.»

Marcos 16:15

Nache So Jesús 'enapegalo soomaye, 'eeta': «Qanqo'oñiỹa qome 'enauac na ỹotta'a't shiỹaxauapi ana 'alhua, nache qaua'aqtaxañim dam no'on na'axaỹaxac.

Lucas 2:3

Nache 'enauac na shiỹaxauapi da taỹalo na ỹataqta hueta'a na lauo' le'ecpi, da yaqto' qoỹereua'a aso naneraxalate somayepi.

Lucas 2:5

Nnaictague' aso lhua María, qaq asomaye hualaxai.

Lucas 3:1

So Juan maye nachelaxanataxanaq som llalec so Zacarías, hueta'a ye toolec 'alhua. Nache Ñim Lo'onatac 'Enauacna detaxaỹapegue' co'ollaq huauga yemaye, huetoigui so na'a'q co'ollaq so Tiberio maye netaña ye Roma mashe ivi' naua quince vi'iye da lo'onataxanaxac da ilotague' na qalota shiỹaxauapi maye hueta'alo naua lỹa't 'aleu', qaq so Poncio Pilato ilotague' ye 'alhua ye Judea. Qaq se'eso na'a'q so Herodes Antipas ilotague' ye 'alhua Galilea, qaq so Filipo maye lqaỹa so Herodes ilotague' ye 'alhua Iturea qataq Traconítide, qaq so Lisanias ilotague' ye 'alhua Abilene. Qaq so Anás qataq so Caifás, soomaye lataxala'ate na ltaxaỹaxanaxanecpi na judiopi da qaitaxaỹapegue' Ñim Lo'onatac 'Enauacna.

Hechos 11:28

Qaq huo'o so 'oonolec soomaye, le'enaxat Agabo. Somaye nachaañi co'ollaq huetaigui so nqaỹañecpi, nache So Saqcha'a Na'añaxac Qui'itta ỹa'aqtaxanaxanec somaye da huo'o qome ca lta'araic nqouaxa ana 'alhua. Qaq de'era la'aqtaxanaxac ipacchigui, huetoiguilo soua vi'iye co'ollaq lta'a na nta'alpi ye Roma so le'enaxat Claudio.

Hechos 25:11

Cha'aye da ỹoqta 'eesa da huo'o ca ỹasouaxashet maye naigui ca ñalaataguec, qaq aỹem saishet da ñelletac da aỹem qaỹalauat. Qalaxaye da huo'otaq saishet da huo'o ca 'en nam aỹem qaỹasaqtapeguelecpi, qaq nataqa'en saishet da huo'o ca choche aỹem ỹacoolec da aỹem ỹanoigui namayepi. Qaq ỹoqo'oye aỹem seỹaxaneua'a da no'on da nacheca ca nta'a maye neta'ague da Roma da aỹem nmit.

Hechos 25:21

Qalaxaye ñimaye maiche iỹaxaneua'a da yaqto' nmit ñim nta'a Augusto maye na'ague da Roma. Nache aỹem samaxasoxoolec ñimaye da yaqto' nache 'eetai' da qaicoñettai', maicheye da ivita da samaxa ñi'iñi nta'a maye neta'ague da Roma.

Romanos 1:8

Da sa'auaxaachiguiñi 'eeta': sachegoxotchigui So Jesucristo da sanot da ña'achecỹaxac Ñim ita'a maye Lo'onatac 'Enauacna souaxat ñi 'oonolec da qoñiita. Cha'aye 'enauac na pa'aiguelo ana 'alhua no'on da qana'aqtaguiqui qataq qaỹaỹaten da huo'o da qarpi'iỹaxaqui Ñim Lo'onatac 'Enauacna qataq qaualaqaiguet.

Filipenses 4:22

Nataqa'en qami' ỹamaxalo da lquinaxanaxac 'enauac nam 'amqaanataxanaxaicpi maye hueta'a na lma' ñi nta'a na Roma da do'onataxaatacot.