Lucas 18:1 - La'aqtaqa Ñim Lo'onatac 'Enauacna 2013

¹ So Jesús huo'o da daloqnaxana co'ollaq huotaique da ỹapaxaguenec da nache 'eetai' da nqouagaxaueetrac soua lapaxaguenataqa, qataq saishet da nasamyiñi.

Nuevo Testamento Toba Sur

¹ So Jesús huo'o da daloqnaxana co'ollaq huotaique da dapaxaguenataxanec da iuen ca shiÿaxaua da nachi 'eetai' da nqouagaxaueetac, sa ishit da nasamñi.

Nuevo Testamento Toba Sombrero Negro

¹ Jesús 'yaĝatema dojo' laloqotenaĝanaĝaiqui qaedi yapaĝagueneque queda'me nach'e eta't ja yaĝadiñi da'me netamenaĝaco.

Lucas 18:1 Iomraidhean Croise

Salmos 102:17

Qom ilo'oguet da natamnaxac nam qaica ca mpaxattalecpi, qataq saishet da sa hua'axaỹa da nachoxonnaxac namayepi.

Salmos 27:13

Cha'aye aỹem ỹataqta saỹateeta da ñauane' qome da lchoxonnataxanaxa Ñim Nataxala' da ñaq soota'a ana 'alhua maye netalec nam huo'o da lca'alaxa.

Salmos 65:2

cha'aye 'aua'axaỹa da qouagaxaunaxac. 'Enauac na huetalec ana 'alhua 'am natapegueua'a.

Salmos 86:3

Ñaq aỹem 'auchoxoren qome, 'Am Nataxala', cha'aye 'enauaque naua na'axa'te da 'am seỹaxaatacot.

Isaías 40:31

qalaxaye nam ỹataqta pi'iỹa'a Ñim Nataxala', namayepi dalaxaicta'aguet qome da la'añaxac, nache ishet qome da huaỹo 'eeta'am na vi'ic, qataq ishet da chegaqañi qalaxaye sa nqui'itec, qataq queuoỹapigui' qalaq saishet da nasamñi.

Isaías 62:7

qataq saishet qome da qanmataxañeeuec choche ivitta'a da ime da qaltaq no'oxoosheguem na Jerusalén, qataq iviraxata'a da 'enauac ana 'alhua da ỹo'oxoren.»

Jeremías 29:12

Qaq huaña qome, nache Aỹem qauỹaxañiỹot qataq Aỹem qauanaiua'a da qanatamñi, nache Aỹem qami' sa'axaỹalo qome.

Jonás 2:7

Qaq co'ollaq ñanomteguet da seleetapigui', nache tachigui iuel da qoneta 'Am Nataxala', nache da ñachoxonnaxac 'am iviro'ot, co'ollaq qoneta'a añi qui'itta 'aralamaqte atamnaxaqui.

Lucas 11:10

Cha'aye cam pi'iỹa'a Ñim Lo'onatac 'Enauacna, nache ỹaconeguet cam iỹaxaataique, qataq ỹanata cam nmittaique, qataq da deỹaxan qalaq qaiqoche'eguet.

Lucas 21:36

Qaq qami' ỹataqta qanaỹamaxacheetai' qome qataq qoquiito'oto naua na'axa'te da qanqouagaxauñiitac, yaqto' ishet da qami' ỹe't, qom ivita da yo'oq 'enauac ne'enapi, qataq yaqto' ishet da qanachaxañeeua'a qom nvi' na Shiỹaxaua Llalec.

Romanos 12:12

Nagui da ñaq qauacheetaique Ñim Nataxala', nache qauachaxañi da qaramaicỹaxaqui. Qataq da huo'o ca qanque'eenaxaqui souaxat Ñim Nataxala', nache qauauo'oi ca qanhualaxaunaxaqui. Qataq da qanqouagaxauñiitacot Ñim Nataxala', nache qauachaxañi da nache qoquiito'ot da qanqouagaxaunaxaqui.

2 Corintios 4:1

Ñim Lo'onatac 'Enauacna Ñimaye ỹataqta qomi' ỹauoteque. Ỹoqo'oye qomi' ipataxaleguete de'era no'onataxanaxac, qaq ỹoqo'oye saishet da saq ña'añaxataq.

Gálatas 6:9

Qaq ỹoqo'oye saishet qome da ñasamaqtapiguiñi da so'otaqtac ca ỹaỹamaqchiguiñi. Cha'aye da so'otaqtac damaye, nache huo'o ca qaraueguec maye qomi' ỹanema Ñim Lo'onatac 'Enauacna qom ivita ca laloqnec.

Efesios 6:18

Qataq saishet da qaucoviỹa'ai da qanatamnaxaqui. Qataq da ivita da qauỹaxañiitacot Ñim Lo'onatac 'Enauacna, qalaq chegoqchigui qanqa'eñi So Saqcha'a Na'añaxac Qui'itta. Qataq ỹataqta, nache 'eetai' da qanloitauec, qataq saishet da qanasamiitapiguiñi. Qataq qanqouagaxauñiitalec 'enauac nam lalamaxatpi Ñim Lo'onatac 'Enauacna.

Filipenses 4:6

Qataq saishet da huo'o ca qami' ỹaquicoqchetta'ape, nacherata da ỹataqta qaua'aqtaxañiitem Ñim Lo'onatac 'Enauacna da ivita da qanqouagaxauñiitacot. Qauỹaxañiỹot Ñimaye cam qaviñiitaique, qataq nataqa'en qaỹa'añiitacot da qana'achecỹaxaqui.

Colosenses 4:12

Nataqa'en qami' ỹamaxalo da lquinaxanaxac ñi Epafras. Ñimaye nataqa'en lamaxashec So Jesucristo, qaq ñimaye maiche qami' chegoqtoiguilo co'ollaxa. Qaq ñimaye nache 'eetai' naxa da qami' nqouagaxaueetaleguete da yaqto' qaica ca da, qataq da yaqto' ỹataqta qanañañiỹot Ñim Lo'onatac 'Enauacna qataq da qauo'oche cam 'eetapeguec Ñimaye.

Colosenses 4:2

Qami' ỹataqta qoquiito'ot qome da qanqouagaxaunaxaqui. Qanloitec, qataq qaỹa'añiitacot da qana'achecỹaxaqui Ñim Lo'onatac 'Enauacna.

1 Ts 5:17

Nache 'eetai' qome da qanqouagaxauñiitac.

1 Samuel 1:12

Qaq cha'aye aso Ana ỹataqta qaỹoqtec da natamnaxac da nqouagaxaueetacot Ñim Nataxala', nache so Elí ilotagui co'ollaxa da choche datac na alap asomaye.