Lucas 17:2 - La'aqtaqa Ñim Lo'onatac 'Enauacna 2013

² Da huo'o ca ỹo'oteguet ca 'oonolec nam saq 'amaqtaqpiolec maye Aỹem ca'attague' da saq ỹalaxaguet naqa'en Ñim Lo'onatac 'Enauacna, nache camaye ỹataqta ỹactec da nque'eenaxac, saq 'ena'am da qaicoñero'ot na lqosot ca coma'. Ime, nache qaỹasaxangui aso auaxai.

Nuevo Testamento Toba Sur

² Camayi no'on qome da qaicoñida'ac na lqosot ca coma' lta'adaic, ime, qaq qaÿasaxauga aca auaxai, cha'ayi sa ÿaÿamaxañi da huo'o naq'en ca lasouaxashit ca 'oonolec ne'ena saq 'amaqtaqpiolec.

Nuevo Testamento Toba Sombrero Negro

² Ga'me yataqachiñe 'noota ta'le qoyecoñeteguet na'me loqojot ga'me qa' t'adaic qama'le qoyajaĝañgui jaga'me qa'em lat'edai, jo'ne ja ena'am da'me yauegoue da'me ya'uo loec nat'olqa jo'ne 'najode'.

Lucas 17:2 Iomraidhean Croise

Isaías 40:11

Qaq namaye anac 'eeta'am ca qagueta lo'o da ilotague' ana lalo qaguetapi, qataq nsoqteuo da ỹachetac na qagueta llalaqpi ỹachetelec ana ltogue, qataq ntela'a da huetague' ana cheta'ague da deco'otac.

Zacarías 13:7

Ñim Nataxala' maye Qaica ca Ỹaqalanapec da la'aqtac 'eeta': ¡'Anachaañi 'am ỹeelonec, nache 'auataỹa'aguet ñi ỹamaxashec maye ilotague' ana qagueta, qataq ñim ỹale maye itaua! ¡'Aualauat qome ñim ilotague' ana qaguetapi, yaqto' anam lhuateguishe qaguetapi laga't qome, qaq Aỹem sataỹa'aguet qome da salauat na qagueta llalaqpi!

Mateo 17:27

Qalaxaye da yaqto' saishet da dalemata nam lapootega't ana nsheetenaxanaqte, nache no'on da 'anqo'onaxaama qome aso auaxai, ime, nache 'auasaxañi aca 'arqoina. Qaq ca hua'auchiguiñi 'arqoishec nỹaq camaye 'auauachigui na alap qome, nache 'aulalec aca anom lcatole. Nache 'auacona acamaye, nache 'aỹa'aneuo aca isheetenaxanaqte qataq aca 'arsheetenaxanaqte.

Mateo 18:10

Qantooñita'ac qome de'era: saishet qome da qauo'otañi ca 'oonolec nam saqca ca la'amaqchec. Cha'aye Aỹem qami' shenapegalo da na lamaxashecpi maye 'amaqtaqaicpi Ñim Lo'onatac 'Enauacna ilotague' namayepi.

Mateo 18:14

Qaq 'era da 'eetec nataqa'en ñi Qarta'ai maye neta'ague da piguem, da sa ỹaỹamaxaren da deqat ca 'oonolec ne'ena maye qaica ca la'amaqchecpi qataq da nache 'eetai' da qaỹoqta Ñimaye.

Mateo 26:24

Ana nere maye huetalec na la'aqtacpi Ñim Lo'onatac 'Enauacna ỹataqta ỹataqtegue da la'aqtaxanaxac da ỹa'axattac Aỹem maye Aỹem Shiỹaxaua Llalec da iuen da seleu. Qalaxaye ỹataqta qauem da talec qome ñim Aỹem ỹaneuo. ¡Ỹataqta 'onaxaictoxo' co'ollaxa da saishet da nañiguiñi ñimaye!

Marcos 9:42

Da huo'o ca ỹo'otec ne'enatai' saq 'amaqtaqpiolec maye Aỹem quetague' da ỹaxaañi da Aỹem pi'iỹa'a, nache camaye no'on da qaicoñero'ot na lqosot ca lta'araic coma', ime, nache qaỹasaxangui aso auaxai.

Juan 21:15

Qaq co'ollaq ime da lquia'axa'c, nache So Jesús inat so Simón Pedro, 'eeta': –'Am Simón maye 'am llalec so Jonás, ¿peta'a ỹoqta Aỹem 'arauotaxat, qaq saishet da qoneta'am ne'ena 'araỹepi? Nache so Pedro 'enapeco': –Aja', 'am Ỹataxala', 'am 'auaỹaten mque' da 'am sauotec. Nache So Jesús 'enapego' somaye, 'eeta': –'Antela'a qone' na ilopi qagueta llalaqpi.

1 Corintios 9:15

Qalaxaye aỹem saishet da huo'o ca huaña da qami' sequicto'oto, qataq saishet da qami' samaxalo ana'ana ỹere da sauotaique da huo'o ca aỹem qaỹa'añim. ¡Cha'aye ỹataqta 'onaxaic ñaqa'en da seleetañi' de'era ỹo'onataxanaxac, saq 'ena'am da huo'o ca chegoqtec da aỹem illapeguem de'era ỹo'onataxanaxac maye maiche iuennataxac da saishet da qaisheeten!

1 Corintios 9:22

Qataq naxa da sootaigui na saxanaxa da da'añi da lpi'iỹaxac, nache se'enaxat da lataxac. Yaqto' ishet nataqa'en da setauan namayepi. Qataq 'era da sheetec da ỹataqta ñacoola't da se'enaxatchigui da lataxac ñi 'oonolec na ỹotta'a't shiỹaxauapi, yaqto' ishet da qanca'alaxatec namayepi.