Lucas 17:1 - La'aqtaqa Ñim Lo'onatac 'Enauacna 2013

¹ Nache So Jesús 'enapegalo soua lapaxaguenataqa, 'eeta': –Qalota na lataxacpi ana 'alhua, da ỹo'oteguet da na shiỹaxauapi sa ỹalaxaguet Ñim Lo'onatac 'Enauacna. Qaq damaye, nache 'eetai' qome. Qalaxaye, ¡ỹataqta qauem da taỹa'ague ca shiỹaxaua maye ỹo'oteguet da huo'o ca lasouaxashet ca lỹa!

Nuevo Testamento Toba Sur

¹ Nachi so Jesús 'enapega so lapaxaguenatacpi, 'eeta': –Aÿim saÿateeso'o' da huo'o qome ca ishit da ÿauo'o naq'en ca lasouaxashit na shiÿaxauapi, qalaxayi ¡choxodaxaso' qome que'eca shiÿaxaua mayi huo'o naq'en ca lasouaxashit ca lÿa!

Nuevo Testamento Toba Sombrero Negro

¹ Jesús 'yaĝatema dojo' jogaa'me lapaĝaguenataqa: “Nach'e eta't 'uo ga'me ami nepoda'tape qaedi auauoyi ga'me adoequi; qalaĝaja, ¡degueja qomle da'me lachoĝodec ga'me jiyaĝaua jo'ne ami yauegouelo da'me adoequi!

Lucas 17:1 Iomraidhean Croise

Mateo 16:23

Qalaxaye So Jesús ỹamato'ot so Pedro, nache 'enapega, 'eeta': –¡'Am Pedro, da 'artaxaỹaxac 'eeta'am da ltaxaỹaxac so pa'aguenataxanaxaic! ¡Aỹem qoca'ai qome! Cha'aye 'am saishet da 'auaỹaten dam 'eetapeguec Ñim Lo'onatac 'Enauacna. Qataq choche qoquetegueua'a da Aỹem saishet da salaq.

Mateo 18:7

Qalota na lataxaguesat ana 'alhua da ỹo'oteguet na shiỹaxauapi da saishet da ỹalaxaguet Ñim Lo'onatac 'Enauacna, qataq qaica ca lataxac da huo'otaq qaivita'aguet. Qalaxaye ¡ỹataqta qauem da taỹa'ague cam ỹo'otec ca lỹa da sa ỹalaxaguet Ñim Lo'onatac 'Enauacna!

Lucas 16:31

Qalaxaye so Abraham 'enapeco': «Da saishet da ỹalaxaguet so Moisés qataq som la'aqtaxanaxanecpi Ñim Lo'onatac 'Enauacna, qaq ¡hua'aguectoxo' da ishet da ỹalaxaguet da huo'o ca qaltaq nca'aleeguesop na leuaxaicpi!

Romanos 14:13

Qaq ỹoqo'oye saishet ca 'oonolec da qoñiita da quetapeguelec ca lỹa. Nachaqrata da saishet da qomi' qanmaxaleguete da huo'o cam 'oonolec nam ca'attague' So Cristo da huo'o ca lasouaxashet, nache deqat da lpi'iỹaxac Ñim Lo'onatac 'Enauacna.

Romanos 16:17

Qami' ỹaqaỹañicpi, qami' ñachoxoreetoiguilo da ỹataqta qarvichiỹa'aguet qome nam colaxagui naqa'en na 'amqaanataxanaxaicpi. Namayepi ỹataqta dataỹa'aguet 'enauac nam qami' qaỹapaxagueneque. Qoquiỹa'ai qome namayepi,

1 Corintios 10:32

Saishet da huo'o ca huañi qanqa'eñi na judiopi, huo'otaq na saq judiopi, huo'otaq na ỹa'amaqteetacpi Ñim Lo'onatac 'Enauacna.

1 Corintios 11:19

Qaq damaye iuen da nache 'eetec, yaqto' yo'oq na ỹoqta 'eesa da ca'attague' So Cristo.

1 Corintios 8:13

Qaq ỹoqo'oye aỹem saishet da sachec ca nallec da saỹaten da ỹauega ca ỹa'amqaanataxanaxaua maye saxanaxa da da'añi da lpi'iỹaxac da ỹauo'o ca lasouaxashet.

1 Timoteo 4:1

So Saqcha'a Na'añaxac Qui'itta ỹataqta ỹataqtegue da la'aqtaxanaxac da ỹa'axattra'agueta caua pa'atre'c na'axa'te da huo'o qome na ỹaxaañi da lpi'iỹaxac Ñim Lo'onatac 'Enauacna. Cha'aye ỹatenachet na saqcha'a tenataxanaxaicpi, qataq ỹalaxaguet na lapaxaguenataxanaxacpi nam lamaxashecpi so pa'aguenataxanaxaic.

Apocalipsis 2:14

Qalaxaye Aỹem nache 'ena'am huo'o da sa saỹamaxaren da qoneta, cha'aye 'auaconeguet nam quetague' da qauem lataxac so Balaam. Cha'aye somaye ỹapaxaguenec co'ollaxa so Balac dam 'eetec naqa'en na Israel le'ecpi da yaqto' somayepi nache queto'ot da ỹo'ottac na qauem, qataq ỹayen da yaqto' somayepi chec nam mashe qoỹanot na ne'enaqtac nqui'ipi maye qanatameetacotpi qataq saq 'en, qataq da yaqto' sa ỹalaxaguet Ñim Lo'onatac 'Enauacna.

Apocalipsis 2:20

Qalaxaye huo'o da sa saỹamaxaren da qoneta. Cha'aye 'am ỹataqta 'aua'aqta'a añi 'alo le'enaxat Jezabel da queto'ot da ỹatenachettac nam Aỹem quetague'. Aña'añi 'alo ỹa'axattac da 'eetega nacheñi Ñim Lo'onatac 'Enauacna da namaq añimaye, qataq da'aqtaxaateguem nam ỹo'onataxanaxanecpi da ishet da qanallec na mashe qoỹanot na ne'enaqtac nqui'ipi maye saq 'en, qataq ỹayen namayepi da yaqto' sa ỹalaxaguet Ñim Lo'onatac 'Enauacna.