Lucas 16:3 - La'aqtaqa Ñim Lo'onatac 'Enauacna 2013

³ Nache se'eso ilotague' so nma' deuennataxaatac, 'eeta': ‹¿Chaq hua'agom ca sheetec nagui, cha'aye ñi ña'aco' saishet da ỹauo'o ca ỹo'onatac? Ye aỹem qaica ca ỹa'añaxac da so'onataxan na 'alhua, qataq ỹataqta huo'o da icoxo da choche sashelaxaatac.

Nuevo Testamento Toba Sur

³ Nachi se'eso ilotague' so nma' deuennataxaatac, 'eeta': “¿Chaq hua'agom ca shiitec nagui, cha'ayi ñi ñi'aco' sa ishit da ÿauo'o ca i'onatac? Yi aÿim qaica ca i'añaxac da so'onataxan na 'alhua, qataq ÿataqta huo'o da icoxo da chochi sashilaxaatac.

Nuevo Testamento Toba Sombrero Negro

³ Ñe'me namaĝajec ya'uo da'me lelnataĝac: «¿Jach'e jogamaĝa ja'uo nayi, queda'me jayem yepoleguet da'me qaya'te 'yonatac ñe'me yadipa? Qaya'te 'yañaĝac ta'le jo'onataĝalegue jena'me aleua, nataq'aen jepocoĝolegue ta'le jiyaĝanaque jaga'me ñachetaqate.

Lucas 16:3 Iomraidhean Croise

Ester 6:6

Nache so Amán pa'auo, nache so nta'a inat somaye, 'eeta': ¿Negue't cam qaỹo'otec cam shiỹaxaua maye na nta'a huotaique da ỹo'oxoren? Nache so Amán ipa'axaatauo da lhuennataxac, maye 'eeta': ¿Negue'tom ca lỹa ỹo'oxoren ñim nta'a, ye nachaỹemta?

Proverbios 13:4

Ca hualaic huo'o ca nqopittaique qalaxaye saishet da ỹanata, qaq ca 'onataxanaxaic qalaxaye ishet da nquictasheguem.

Proverbios 15:19

Da nqa'aicỹaxac ca hualaic qalaq nlaqtegue ana le, qaq da llecỹaxac ca no'on da lataxac qalaq no'oitegue.

Proverbios 18:9

Ca sa ỹaỹateelec da ỹo'ot ca lo'onatac, camaye 'eco' lqaỹa ca ishet da delaqtaxan.

Proverbios 19:15

Da nhualaxa ỹo'ot na lta'araic no'ochaxa, qataq ca hualaic ỹataqta huo'o na lqouaxa.

Proverbios 20:4

Da ivita da qana'atsheguem na 'alhua, qalaq ca hualaic saishet da da'araxan, qalaxaye da ivita da qanqat na nañiguishec ala, nache nmittaique namaye qalaxaye sa ỹanata.

Proverbios 29:21

Ca 'aco' da saishet da nhuogaxa ca l-latac da ñaq nogotolec, nache huo'o ca na'a'q qaq choche ntogottague' camaye.

Isaías 10:3

Qaq ¿hua'ago' ca 'eetec qom ivita da ỹaneuo da lo'onataxanaxac, qom ilota'aguet da ña qaỹoqteguet cam nhuaxanaguec namayepi? Qataq ¿negue't ca ỹe'eguenot da yaqto' itauan? Qataq ¿hua'ague qome ca ỹacha'ague da lsallaxa?

Jeremías 5:31

Nam na'aqtaxanaxanecpi qalaq saq'en nam la'aqtaxanaxacpi qataq na ntaxaỹaxanaxanecpi maiche ỹoiqueetac da lo'onataxanaxac, ¡Qaq nam ỹalamaxat nhuo' le'ecpi nachera dam ỹaỹamaxareeta! Qalaxaye ¿cam qoñiitec qami' qom qami' nvitalo ca laloqo' de'era?»

Oseas 9:5

Qaq ¿chaq negue't cam ishet da qauo'oche qom ivita ca na'a'q maye ño'oxonnataxanaxaqui, cam na'a'q maye huetoigui da qaỹo'oxoren Ñim Nataxala'?

Mateo 20:8

Qaq co'ollaq mashe pe, nache se'eso 'aco' 'enapega som ilotague' de'era lo'onataxanaxac, 'eeta': «'Auỹaxaneuga ca ỹo'onataxanaxanecpi. Ime, qaq 'ausheeten, 'aua'auaxaachiguiñi qome da 'ausheeten cam pa'atec da do'onataxan, choche ivitta'a 'anqa'en nam hua'auchiguiñi da do'onataxan.»

Marcos 10:46

So Jesús qataq soua lapaxaguenataqa ivildeua'a ye nỹecpi ye Jericó. Qaq co'ollaq mashe quera'ai yemaye, nache qalota so shiỹaxauapi ca'attague' Somaye. Nache huo'o so qanamaic le'enaxat Bartimeo somaye llalec so Timeo nso'ootañi netaua'a na laỹe so nqa'aic dashelaxaatac.

Lucas 12:17

Nache so sallaxanec deuennataxaatac, 'eeta': ‹¿Chaq hua'ago' nagui ca sheetec? Ye aỹem qaica cam sacha'ague da saỹamaxat nam ñeqat ala na ỹañiguishec.›

Lucas 16:2

Nache se'eso na'aco' iỹaxaneuga somaye, nache 'enapega, 'eeta': ‹¿Chaq hua'ague ca 'eetec da aỹem qana'axateua'a, souaxat 'am? Ña 'analoqna't qome da 'aro'onataxanaxac. Ime, qaq aỹem 'andoua'a. Cha'aye saishet qome da queta da 'am 'aulotague' ye ima'.›

Lucas 16:20

Qalaxaye so nasom somaye, hueta'a so ỹale maye choxoraq le'enaxat da Lázaro. Somaye ỹataqta imoota na lo'oc na lli'i na lquesaxa, qaq huo'o som ndoua'acnaxa da hueta'a yemaye,

Lucas 16:22

Qaq huo'o so na'a'q, nache se'eso ỹale maye choxoraq ileu. Nache anac na lamaxashecpi Ñim Lo'onatac 'Enauacna da ỹauega ca ndaqa' maye ỹataqta ỹo'oxoraq, cam hueta'a nataqa'en so Abraham maye chegoxoguet somaye. Qaq co'ollaq qaỹata'ague, nache nataqa'en ileu so ỹale maye sallaxanec. Nache co'ollaq qailareñi,

Lucas 16:4

Aja', sanata nagui da sheetec, da yaqto' huo'o qome ca aỹem ỹaconeguet da saua'a ca lma', qom ivita da qaica ca ỹo'onatac.›

Lucas 18:4

Qalaxaye se'eso ỹale ỹataqta huo'oi soua na'axa'te da saishet da ilo'oguet asomaye. Qalaxaye co'ollaq qaỹoqtegue, nache somaye deuennataxaatac, 'eeta': ‹Aỹem na'aictoxo' da saishet da huo'o ca 'enec ñaqa'en Ñim Lo'onatac 'Enauacna qataq 'enauac nam shiỹaxauapi,

Juan 9:8

Nache nam lauoreuapi qataq nam ỹauaachigui somaye co'ollaxa da dashelaxaatac naxa, namayepi 'eeta': –¿Saisheto' peta'a da nachera de'era dam nso'ootañecnaxa da dashelaxaatac?

Hechos 3:2

Qaq huo'o so ỹale maye nache 'eetai'salo naua na'axa'te da hueta'a aso no'onaxanaxaqui late'erai. Somaye, nache chegoqteuo da sa da'añiiguelo naua lchel. Qaq somaye qaỹe'eguelaxattaua'a so lasom maye le'enaxat 'Onaxaic, da qoỹaataña, da yaqto' somaye ỹashelatac nam inoxootapegueuo.

Hechos 9:6

Nache so Saulo ỹataqta iviloxolaqchet da lcolanaxa, nache 'enapeco': –'Am Ỹataxala', ¿chaq negue't ca 'auauotaique da so'ot? Nache So Qarataxala' 'enapego' somaye, 'eeta':] –Qoñisheguem, nache 'anqo'oneua'a ye nỹecpi. Nache huaña qome da 'auaỹaten cam 'auo'ot.

2 Ts 3:11

Cha'aye qomi' sa'axasoqtapeguelec da huo'o da qoñiita na sa ỹaỹamaxaren da do'onataxan. Chaqrata da nalemaqte' da lle'emaxa.