Lucas 16:2 - La'aqtaqa Ñim Lo'onatac 'Enauacna 2013

² Nache se'eso na'aco' iỹaxaneuga somaye, nache 'enapega, 'eeta': ‹¿Chaq hua'ague ca 'eetec da aỹem qana'axateua'a, souaxat 'am? Ña 'analoqna't qome da 'aro'onataxanaxac. Ime, qaq aỹem 'andoua'a. Cha'aye saishet qome da queta da 'am 'aulotague' ye ima'.›

Nuevo Testamento Toba Sur

² Nachi se'eso n'aco' iÿaxaneuga somayi, nachi 'enapega, 'eeta': “¿Chaq huá'ague ca 'eetec da aÿim qan'axateu'a, souaxat 'am? Ña 'analoqna't qome da 'ad'onataxanaxac. Ime, qaq aÿim 'andou'a. Cha'ayi sa ishit qome da queta da 'am 'aulotague' yi ima'.”

Nuevo Testamento Toba Sombrero Negro

² Chane'eja joñe'me neuoyaq 'me ladipa yiyaĝana ca'li ñe'me lamaĝajec qama'le enapega: «¿Jach'e da'me dojo' aua'uo 'me jayem qo'yaĝatem? Nayi jayem aualoĝona ga'me at'onatac, qa'a ja auaqanatet ta'le oquetalegue da'me auelolegue ga'me yeuoyaĝac.»

Lucas 16:2 Iomraidhean Croise

Eclesiastés 12:14

Cha'aye Ñim Lo'onatac 'Enauacna nmit qome 'enauac nam no'onatacpi, nam 'onaxaic qataq nam qauem, qataq ivira'a cam qoỹoxottañi da qaỹo'ot.

Mateo 12:36

Qaq Aỹem ỹataqta 'eesa de'era qami' sa'aqtaxanema da que'eca na'a'q qom ivita da qanmit 'enauacna, nache 'enauac na shiỹaxauapi ỹa'axat da ta'ainco' co'ollaxa da detaxaỹa ca lỹa qalaq sa iyacnapec.

Mateo 20:8

Qaq co'ollaq mashe pe, nache se'eso 'aco' 'enapega som ilotague' de'era lo'onataxanaxac, 'eeta': «'Auỹaxaneuga ca ỹo'onataxanaxanecpi. Ime, qaq 'ausheeten, 'aua'auaxaachiguiñi qome da 'ausheeten cam pa'atec da do'onataxan, choche ivitta'a 'anqa'en nam hua'auchiguiñi da do'onataxan.»

Lucas 12:20

Qalaxaye Ñim Lo'onatac 'Enauacna 'enapega, 'eeta': ‹'Am ỹale ỹataqta qaica ca 'auaỹaanapec, nachena ne'ena pe 'am 'aleu, qaq 'enauac nam 'auaỹamaxattac, ¿negue't qome cam talec?›

Lucas 12:42

Nache So Qarataxala' ỹasateguet somaye 'eeta': –¿Chaq negue't cam namaxashec maye ỹataqta ỹalaq qataq nlotec? Qomye, nacheca cam namaxashec maye ca na'aco' ipataxalec da ilo'ogue ca lma' qataq caua llalqa, qataq iqataxanai' ca nallec.

Lucas 16:1

So Jesús nataqa'en 'enapegalo soua lapaxaguenataqa, 'eeta': «Huo'o so ỹale ỹataqta sallaxanec. Qaq somaye huo'o so ipataxaguet da ilo'ogue naqa'en so lma'. Nache qaỹa'aqtaxaneua'a somaye da se'eso ilotague' naqa'en so lma', choche ỹa'ashaxan de'era lsallaxa.

Lucas 16:3

Nache se'eso ilotague' so nma' deuennataxaatac, 'eeta': ‹¿Chaq hua'agom ca sheetec nagui, cha'aye ñi ña'aco' saishet da ỹauo'o ca ỹo'onatac? Ye aỹem qaica ca ỹa'añaxac da so'onataxan na 'alhua, qataq ỹataqta huo'o da icoxo da choche sashelaxaatac.

Romanos 14:12

Qaq ỹoqo'oye 'enauac da shenaqta ñachaataqot qome Ñim Lo'onatac 'Enauacna, da yaqto' Ñimaye qomi' nmi't.

1 Corintios 1:11

Shenapec de'era, qami' ỹaqaỹarolqa, cha'aye huo'o na lauo' le'ecpi aca qarqaỹa Cloé aỹem da'aqtaxaatapeguem da huo'o na sa naỹamaxanna't da qoñiita.

1 Corintios 4:2

Qaq cam huo'o ca qaipataxalec no'onataxanaxac camaye iuen da ỹataqta npe'et.

1 Corintios 4:5

Qaq ỹoqo'oye qami', saishet da qaua'aviỹalec da qanmichi ca qarỹai, nato' qom ñe'eguelaq So Jesucristo. Qaq qom ñe'eguelaq Somaye, nache ỹachaxan nam saqcha'a qataq nam iuennatega ñi 'oonolec. Nache Ñim Lo'onatac 'Enauacna ỹo'oxoren ñi 'oonolec, chegoqchigui cam ỹo'ot.

2 Corintios 5:10

Cha'aye 'enauac qome qomi' ñachaataxaua'a So Cristo, cha'aye nacheso so nmit cam qaro'onataxanaxac co'ollaxa da ña ñachaataqtaigui da qaro'ocỹaxac, qataq nacheso som chegoqtot ca la'aqtac da qomi' qoỹanema ca no'on qaraueguec, huo'otaq ca qanhuaxanaguec.

1 Timoteo 4:14

Saishet da 'anañaxane' da lo'onataxanaxac ñim 'anachetaxat maye 'am ỹami' Ñim Lo'onatac 'Enauacna so na'a'q co'ollaq ỹachanguit añi 'arquiyaqte, chegoqchiguilo soua lataxala'ate na 'amqaanataxanaxaicpi co'ollaq 'am ỹashel-leguete.

1 Timoteo 5:24

Huo'o da huaña da ñanomaqta ñi shiỹaxaua da huo'o da lasouaxashet da saxanaxa da qanmit. Qataq huo'o na sa ñanomaxa, cheta'ague da ỹoqta qanmit.

1 Pedro 4:10

Ñi 'oonolec da qoñiita ỹaconeguet na no'on lachetaqtaxanaxatpi Ñim Lo'onatac 'Enauacna: Qaq no'on da ỹataqta qauloiteguet da qoviỹapegue' na qaraỹepi.

1 Pedro 4:5

¡Qalaxaye namayepi mashe saqaỹaloq da ỹa'axatem 'enauac nam ỹo'ottacpi Ñim Lo'onatac 'Enauacna, Ñim nmitna maye mashe naỹamaxattai' da nmit na shiỹaxauapi maye nca'altauecpi qataq nam mashe ileupi!

Apocalipsis 20:12

Nache sela'a 'enauac nam ileu co'ollaxa nam qaica ca la'amaqchec qataq na 'añaxaicpi, nachattaua'a aso so'onaxaqui. Huaña, nache qaỹauachigui aso nerepi maye nanettalec nam ỹo'ot ñim 'oonolec shiỹaxaua. Nataqa'en qaỹauachigui aso lỹa nere maye naneraxalate nam qanca'alaxatec qataq chochaq tatec da hueta'aguet Ñim Lo'onatac 'Enauacna. Qaq nam leuaxaicpi qanmit ñi 'oonolec qaipagaqchiichigui nam ỹo'otpi maye nanettalec asa'aso nerepi.