Lucas 16:1 - La'aqtaqa Ñim Lo'onatac 'Enauacna 2013

¹ So Jesús nataqa'en 'enapegalo soua lapaxaguenataqa, 'eeta': «Huo'o so ỹale ỹataqta sallaxanec. Qaq somaye huo'o so ipataxaguet da ilo'ogue naqa'en so lma'. Nache qaỹa'aqtaxaneua'a somaye da se'eso ilotague' naqa'en so lma', choche ỹa'ashaxan de'era lsallaxa.

Nuevo Testamento Toba Sur

¹ So Jesús nataq'en 'enapega so lapaxaguenatacpi, 'eeta': –Huo'o so shiÿaxaua ÿataqta sallaxanec. Qaq somayi huo'o so ipataxaguet da ilo'ogue naq'en so lma'. Nachi qai'aqtaxaneu'a somayi da se'eso ilotague' naq'en so lma' somayi chochi ÿaqataqchit de'eda nsallaxa.

Nuevo Testamento Toba Sombrero Negro

¹ Jesús nach'e ena'am 'yaĝatema da'me dojo' jogaa'me lapaĝaguenataqa: “'Uo joca'li ñe'me jiyaĝaua neuoyaq jo'ne 'uo ñe'me lamaĝajec jo'ne yelolegue da'me leuoyaĝac; qama'le qo'yaĝatem joca'li ñe'me nadipa: «Ñe'me adamaĝajec ch'e ye'uetac yema ga'me adeuoyaĝac.»

Lucas 16:1 Iomraidhean Croise

Génesis 15:2

Qalaxaye so Abram 'enapeco': «'Am Nataxala' qataq Atamnaxala', ¿negue'tom ca naigui da 'auauo'o ca aỹem 'aỹa'anem, ye 'am 'auaỹateeta da qaica ca ỹalec? Qaq cha'aye saishet da 'auauo'o ca ỹalec, nache ñim talec qome 'enauac na ỹalamaxatpi, nacheñi ñim ỹamaxashec Eliezer maye Damasco le'ec.»

Génesis 43:19

Qaq ỹoqo'oye soomaye co'ollaq mashe ivildeua'a so lasom so nỹec, nache nquiguereua'a som ilotague' so nma' da detaxairapegue' somaye,

1 Crónicas 28:1

Qaq so David, huaña co'ollaxa ye Jerusalén da laỹona't 'enauac so nataxala'pi ye Israel, som lataxala'pi so maiche nalamaxat nhuo' le'ecpi, qataq so lataxala'pi som alleppi maye qaicolaxachigui co'ollaxa da yaqto' do'onataxaatacot so nta'a, qataq so lataxala'pi so mil, qataq so cien alleppi, qataq so ilotague'pi so 'alhuapi, qataq so 'atetpi maye lalamaxatpi so nta'a qataq so llalaqpi somaye, qataq so 'amaqtaqaicpi nataxala'pi, qataq so ỹataqta 'amaqtaqaicpi qataq 'añaxaicpi lataxala'pi so alleppi.

Proverbios 18:9

Ca sa ỹaỹateelec da ỹo'ot ca lo'onatac, camaye 'eco' lqaỹa ca ishet da delaqtaxan.

Oseas 2:8

Qalaxaye acamaye saishet da ỹauattooteguet da nachaỹem da saata'am na trigo, lataxa qataq na aceite, qataq da nachaỹem da nquicapeguec ñaqa'en na plata qataq na oro, maye do'onataxana da ỹo'ot na saq 'en natamnaxala'pi.

Mateo 20:8

Qaq co'ollaq mashe pe, nache se'eso 'aco' 'enapega som ilotague' de'era lo'onataxanaxac, 'eeta': «'Auỹaxaneuga ca ỹo'onataxanaxanecpi. Ime, qaq 'ausheeten, 'aua'auaxaachiguiñi qome da 'ausheeten cam pa'atec da do'onataxan, choche ivitta'a 'anqa'en nam hua'auchiguiñi da do'onataxan.»

Lucas 12:42

Nache So Qarataxala' ỹasateguet somaye 'eeta': –¿Chaq negue't cam namaxashec maye ỹataqta ỹalaq qataq nlotec? Qomye, nacheca cam namaxashec maye ca na'aco' ipataxalec da ilo'ogue ca lma' qataq caua llalqa, qataq iqataxanai' ca nallec.

Lucas 15:13

Qaq co'ollaq saxanaxa da qaỹa'aguelo soua na'axa'te, nache som ñalec na'asa imen 'enauac som lalamaxat. Nache aso lasheue ỹache da nqo'ona so lỹa 'alhua, som huaña co'ollaq choche ỹe'en aso alom, qataq taigui da qauem llecỹaxac.

Lucas 15:30

Qaq nagui da nvi' da 'aỹa'alec maye choche iqataqchet aso 'om souaxat ana quisheguetaxai, nache 'aualaataxanem, 'aualauat so huaca llalec maye chaxaraic.›

Lucas 16:19

Huo'o co'ollaxa so ỹale ỹataqta sallaxanec, somaye ỹaatrañi naua no'oñi anogo, qataq qaica ca 'ena'ama. Qaq somaye ỹo'ottac 'enauaque naua na'axa'te da lta'araic lquia'axac.

Lucas 16:2

Nache se'eso na'aco' iỹaxaneuga somaye, nache 'enapega, 'eeta': ‹¿Chaq hua'ague ca 'eetec da aỹem qana'axateua'a, souaxat 'am? Ña 'analoqna't qome da 'aro'onataxanaxac. Ime, qaq aỹem 'andoua'a. Cha'aye saishet qome da queta da 'am 'aulotague' ye ima'.›

Lucas 19:20

Qataq anac som lỹa, nache 'eeta': «'Am Ỹataxala', 'ana ana 'om. Anamaye choche saỹamaxat, sachalec so hualoxolaỹi,

Tito 1:7

Cha'aye ca qaipataxalec da ilo'ogue na 'amqaanataxanaxaicpi, camaye ilo'ogue 'enauac na lo'onataxanaxacpi Ñim Lo'onatac 'Enauacna. Ỹoqo'oye, iuen da qui'itta naqa'en da nachaalataxac. Saishet da na'amqaanaxaic, qataq saishet da qauemaic, saishet da taxaic, saishet da sa ncherapec, qataq saishet da quetaigui da latenataxanaxac da nmitta'a ana anom.

Santiago 4:3

Qaq da ivita da qauỹaxañiỹaique, qalaq qauem da qarquiquiaxaqui, cha'aye souaxat da qansheetaique da choche taigui qanqa'eñi da qarqopitaxanaqtaiqui.

1 Pedro 4:10

Ñi 'oonolec da qoñiita ỹaconeguet na no'on lachetaqtaxanaxatpi Ñim Lo'onatac 'Enauacna: Qaq no'on da ỹataqta qauloiteguet da qoviỹapegue' na qaraỹepi.