Lucas 15:4 - La'aqtaqa Ñim Lo'onatac 'Enauacna 2013

⁴ –Da huo'o ca 'oonolec da qoñiita da huo'o aca cien lalopi qagueta, qaq da isomapec aca 'oonole acamayepi, qaq ¿peta'a saisheto' da no'onaxatchigui aca noventa y nueve da no'onaxatalec ca no'onaxa, ime, qaq nmitaique aca isomapec, choche ivitta'a da ỹanata?

Nuevo Testamento Toba Sur

⁴ –Da huo'o ca 'oonolec da qoñiita da huo'o aca cien lalopi qagueta, qaq isomapec aca 'oonole acamayipi, qaq ¿peta'a sa ishito' da n'onaxatchigui aca noventa y nueve da n'onaxatalec ca n'onaxa, ime, qaq nmitaique aso isomapec, chochi ivitta'a da ÿanata?

Nuevo Testamento Toba Sombrero Negro

⁴ “Gamachaqaega ami, qom yauanalo cien ga'me 'naĝanaĝatelpi qama'te onole jaga'me yejomac, qama'le ¿ja yepota'ña joona ga'me 'nonaĝa ga'me laqaya' noventa y nueve, da'me yelaque jaga'me 'naĝanaĝate jo'ne yejomac, chayovida'a yitaĝa yauana?

Lucas 15:4 Iomraidhean Croise

Salmos 119:176

Cha'aye aỹem ñesomaxaatapigui' co'ollaxa sheeta'am aca qagueta da deqat, qaq ỹoqo'oye 'auanac qome da 'anmitaique ne'ena 'aramaxashec, cha'aye aỹem sa secoua'aisalo naua 'aramaxasoxonaxaco.

Isaías 53:6

'Enauac da shenaqta seqataq co'ollaxa shenaqta'am aca qagueta, nache ñi 'oonolec da shenaqta quetague' ca maiche nqa'aic, qalaxaye Ñim Nataxala' ỹache naqa'en som lamaxashec 'enauac na qarasouaxashetpi.

Jeremías 33:13

Qaq nataqa'en nam huaqta'a't nỹecpi maye ỹotta'a't naua nañalo maye netalec ana qasoxonaxapi, qataq nam netaña na ca'ameguepi, qataq nam netalec yem 'alhua Néguev, qataq ye na'alhua so Benjamín, qataq 'enauac nam coleesop na Jerusalén, qataq na laỹepi huaqta'a't nỹecpi ye Judá, ỹe'eguelaxa qome da qailota'a ca qagueta lo'opi da naloqteetac aca lalo qaguetapi. Qaq 'era da ỹa'aqtac Aỹem Nataxala'.

Jeremías 50:6

Nam ỹalamaxat nhuo' le'ecpi, 'eeta'am co'ollaxa aca qaguetapi da deqat, cha'aye so qagueta lo'opi isomaxanaqchet co'ollaxa, nache ỹo'ot da chochaq quetapeguelec ana qasoxonaxapi, ca'ai añi 'oonole qasoxonaxa qataq nqo'ona añi lỹa qasoxonaxa, choche ivitta'a da icoua'ai aso laỹe'.

Ezequiel 34:16

Ñimitaique qome ana qaguetapi maye deqat, qataq ñe'eguelaxateuo ana laga't co'ollaxa, qataq sauo'o ca laxataxat na huacac lapia', qataq setauan qome ana mashe qaica ca la'añaxac, qalaxaye selaxachigui qome ana chaxaraipi qataq no'oitapi. Aỹem ỹataqta saỹamaxatchiguiñi da lataxac qom selo'ogue anamayepi.

Ezequiel 34:31

Qami' qaguetapi nache qami' ỹalamaqtepi, qataq qoñeetaigui na iquia'axanataxanaqa'. Aỹem nachaỹem Qanatamnaxala'ai. Qaq 'era da ỹa'aqtac Aỹem Nataxala'.»

Ezequiel 34:4

Qami' saishet da qautauañi ana qaguetapi maye qaica ca la'añaxac, qataq sa qanatareñi anam sa no'onpi, qataq saishet da qauauoi ca laxataxat na lacagaxa ana huacac na lapia', qataq saishet da qaupacỹapegue' ana dasheuec, qataq saishet da qanmichiỹaique ana deqat, nacherata da saishet da qauchiyiitac qataq sa qanỹeñi anamayepi.

Ezequiel 34:8

Aỹem Nataxala', maiche ñañan da san da ỹa'aqtac maye 'eeta': Na ỹotta'a't shiguiỹacpi maye dequi'iỹapec, decachiỹa qataq chec ana ỹalamaqte qaguetapi, cha'aye qaica ca ilo'ogue anamayepi. Na qagueta lo'opi maye sepataxaguet co'ollaxa, saishet da nmitaique ana qaguetapi. Namayepi maiche ntelteguela't, qaq saishet da ntela'a ana ilo qaguetapi.

Mateo 12:11

Nache So Jesús 'enapeco': –Da huo'o ca 'oonolec da qoñiita da tangui aca lcheque aca lalo qagueta ca na'a'q mataxaqui, nache ¿ishet peta'a da jec da nqatsheguem? ¡Aja' ishet!

Lucas 13:15

Nache So Jesús ỹasat, 'eeta': –Qami' maye qoñiitega da qami' 'eesora, ¿peta'a saisheto' da huo'o ca 'oonolec da qoñiita da isouec ca lauegaxanaxala' huaca, huo'otaq ca lalo 'ashena, ca na'a'q mataxaqui da yaqto' ỹauegaxasom da nỹomaxan?

Lucas 15:3

Nache So Jesús ỹauo'o so daloqnaxana, 'eeta':

Lucas 19:10

Cha'aye Aỹem Shiỹaxaua Llalec, ñanac da ñimitaique qataq ñeca'alaxatec nam shiỹaxauapi maye qaỹoqtaique naqa'en Ñim Lo'onatac 'Enauacna.

Romanos 2:1

Da huo'o ca 'oonolec da qoñiita da ỹauo'o ca lasouaxashet ca lỹa, nache camaye maiche ỹo'ottac nataqa'en ca lasouaxashet, cha'aye nataqa'en ỹo'ottac damaye. Qaq ỹoqo'oye camaye sa ỹaỹamaxañi da ỹauo'o ca lasouaxashet ca lỹa huo'otaq da nmittac,

1 Pedro 2:25

Qami' co'ollaxa qoñiita'am aca qaguetapi maye isomtac, qalaxaye nagui mashe qañe'eguelaqaiua'a So Cristo maye 'eeta'am ca ilotague' ana qagueta, qataq npaxattalec.