Lucas 13:8 - La'aqtaqa Ñim Lo'onatac 'Enauacna 2013

⁸ Qalaxaye som ilotague' se'eso 'alhua 'enapeco': ‹'Am ña'aco', no'on da nachaqnata ne'ena vi'i da 'aua'aqta'a aramaye, aỹem ñesherot qome aramaye, qataq secorot ca lata'.

Nuevo Testamento Toba Sur

⁸ Qalaxayi som ilotague' se'eso 'alhua 'enapeco': “'Am ñi'aco', no'on da nachaqnata ne'ena vi'i da 'au'aqta'a adamayi, aÿim ñishidot qome adamayi, qataq semetot ca lata'q.

Nuevo Testamento Toba Sombrero Negro

⁸ Qalaĝaja ñe'me yelapelegue ga'me nanaĝanaqa' 'yateguet: «Jaliaĝanec, cha'li onolec jenjo' uo'e da'me auomachi'ya; qama'le cha'li ja'uo lale'gue jena'me aleua nataq'aen jadamiaĝateta.

Lucas 13:8 Iomraidhean Croise

Salmos 106:23

Nache Ñim Lo'onatac 'Enauacna detaxaỹa co'ollaxa da ilaxachigui somayepi, qalaxaye souaxat so Moisés maye lca'aguishec Ñimaye, dataỹa'aguet co'ollaxa da yaqto' nqanaxat da lalemataic, nache Ñimaye saishet da ipaca'a da ilaxachigui.

Éxodo 34:9

'Eeta': «¡'Am Nataxala'! Qom ỹataqta 'eesa da aỹem 'auchoxoren, qaq no'on da nache qomi' qoueta'agueta qome. Aỹem saỹaten da ne'ena shiỹaxauapi ỹataqta 'eesa da sa ỹalaq, qalaxaye 'onaxaico' da 'auapalaxat qome na qarasouaxashet qataq na qaye'etaxaloxosat, qataq 'auacona da ỹataqta qomi' 'aralamqa'ate.»

Jeremías 15:1

Ñim Nataxala' aỹem 'enapega, 'eeta': «Qaq na'aictaxa da aỹem nachaateua'alo nagui ca Moisés qataq ca Samuel, qalaxaye Aỹem saishet da sechoxoreetac qome ne'ena nhuo' le'ecpi. Qonapega qome namayepi da Aỹem ca'ai, 'enauac qome da jec.

Jeremías 18:20

¿Peta'a iuen da qaisheetenaxana ca qauem da qaisheeten ca no'on? ¡Namayepi co'ollaxa nshe' añi ñeuachiqui! Ña 'auennata'a da 'am sataỹa'aguet co'ollaxa da setaqteguelec namayepi da yaqto' 'anqateeguesop namayepi da 'aralemataic.

Joel 2:17

Qataq nỹen qome na ntaxaỹaxanaxanecpi maye lo'onataxanaxanecpi Ñim Nataxala', da huaña ye ñegueuo maye taỹaua'a añi nca'atoxonaxalate, nache 'eeta': «'Am Nataxala', ña 'auapalaxat qome na lasouaxashetpi ne'ena 'aralamaxat nhuo' le'ecpi, qataq qaica ca 'auashenem da ỹe'eetac nam 'aralamaxatpi, yaqto' na ỹotta'a't shiỹaxauapi saishet da choche ilattac qome namayepi. Qataq nam laỹepi ỹotta'a't shiỹaxauapi saishet qome da 'eeta': ¿Ca neta'ague cam Natamnaxala' namayepi?»

Lucas 13:7

Ime, nache 'enapega som ỹale maye ilotague' som lanaxanaqa', 'eeta': ‹Mashe ivi't naua tres vi'iye, da aỹem ñe'eguelaqta'a ara'ara qo'oipaq da ñe'eguena'a aca ala, qalaq ỹataqta ỹauano' da huo'o aca sanata. Qaq no'on da 'auquesoq aramaye. Cha'aye shaco' da netalec yi'iye 'alhua.›

Lucas 13:9

Qaq saiuena'a da ishet da huo'o aca ala aramaye ne'ena dalaxaic vi'i. Qaq qom huo'otaq saishet da huo'o aca ala, qaq ishet qome da qaiquesoq.›»

Lucas 14:35

na'aictaxa da qaỹaỹamaxat da lata' qanqa'en ca nañiguishe lma'. Chaqrata da qaỹalat. ¡Da ỹataqta 'eesa da huo'oi naua qartelai lauacolli', qaq no'on qome da ỹataqta qana'axaỹaxañiichiguiñi!

Romanos 10:1

Qami' ỹaqaỹa't maye qaua'amaqchiñiitac So Cristo, ỹataqta imauec da iquiyaqteỹaxac da huo'o da iyaxa qataq ñeqouagaxaueetacot Ñim Lo'onatac 'Enauacna da Ñimaye nca'alaxateeguesop da nhuaxanaguec na Israel le'ecpi.

Romanos 11:14

Qaq huo'o da ñaquitaxac na saq 'amaqtaq na maiche ỹalamaxat ihuo' le'ecpi maye qami' ndaqta'agueta da Ñim Lo'onatac 'Enauacna nataqa'en ishet da nca'alaxatec namayepi.

2 Pedro 3:9

Qaq saishet da Ñim Lo'onatac 'Enauacna da qaỹaloqta da ipaqueelec ca ỹachaxanapec, cha'aye huo'o na lhuennataxac de'era. Chaqrata da Ñimaye huo'o da lhualaxavic da qami' iuatta'alo, cha'aye Ñimaye saishet da ỹaỹamaxaren da huo'o ca ileu da qoñiita, chaqrata da 'enauac da qoñiita qavi'eguelaqaỹa da qaralaxayiqui.