Lucas 13:4 - La'aqtaqa Ñim Lo'onatac 'Enauacna 2013

⁴ ¿Qaupi'itaxañiitega peta'a da se'eso dieciocho, maye ileu co'ollaq hua'axañi aso naue maye naña ye Siloé, da somayepi talec de'era, cha'aye ỹoqta ỹapactec da lasouaxashet qaq saq 'ena'am na laỹepi maye netaña ye Jerusalén?

Nuevo Testamento Toba Sur

⁴ Qalqo' se'eso dieciocho mayi ipataxañi co'ollaq hualolaguiñi aso naue mayi naña yi Siloé, ¿peta'a da qaupi'itaxañiitega da huo'otaq somayipi ÿapacteec da lta'adaic da lasouaxashit, qaq saq 'en'am nam laÿipi mayi netaña yi Jerusalén?

Nuevo Testamento Toba Sombrero Negro

⁴ Nataq'aen uo'oe ca'li jogaa'me dieciocho jo'ne yele'u ca'li 'uaĝalo'te joga'me 'noĝona jo'ne lenaĝat Siloé qama'le yep'aĝadiñe: ¿qo'li auepíchitapega queda'me yataqachiñe 'uo da'me laviyaĝajet jo'ne ja ena'ama gaa'me 'lachaqa't di'me Jerusalén?

Lucas 13:4 Iomraidhean Croise

1 Reyes 20:30

Qaq so laỹepi se'eso alleppi, nache datauec co'ollaxa taỹa ye Afec, qalaxaye so lpaqtaxat se'eso huaqta'a't nỹecpi, hua'axalec co'ollaxa se'eso veintisiete mil ỹalleppi maye datauecpi. Qaq so Ben Adad maye nataqa'en datauec co'ollaxa, nache ỹe'egueneua'a se'eso huaqta'a't nỹecpi, nache ỹataqta tateua'alo so nỹecpi da nqañoxottapiguiñi.

Nehemías 3:15

Qaq so salum, som llalec so Coljozé, maye ilotague' ye Mispá, no'oxoosheguem so lasom aso 'etaxat laỹe', ime, nache ỹauo'o so lapo' so pa'asheguem qataq ỹanauo so lasompi qataq aso lvinaxatpi qataq so la'axasoxotpi. Nataqa'en ỹaỹamaxaañi so npaqtaxanaxat maye chegoqchiguiña aso 'etaxat laỹe' le'enaxat Siloé, maye huaqta'ai' so lanaxanaqa' so nta'a, qataq nache ivitta'a so piaxala'pi maye taỹaña so huaqta'a't nỹecpi maye lalamaxat.

Da na'aqtaguec so Job 1:19

Nache nque'elaxatta da anac so la'at lta'araic, chegoqteuga so toolec 'alhua, nache ỹalolaxaañi so nỹec, nache ipa'axaañi so 'aỹa'alaqpi, nache 'enauac somayepi da nmichiguiñi da ileu. Qaq nachaỹemta da ñeca'alec, nache ñanac da 'am sa'aqtaxanem.»

Isaías 8:6

«Qaq cha'aye ne'ena shiỹaxauapi ye ỹataqta ñi'iỹa ñi Resín qataq ñi llalec so Remalías, nache namayepi sa iyacnapec na 'etaxat maye ỹataqta npottac da queta da taỹaua'a añi 'etaxat laỹe' Siloé.

Mateo 18:24

Qaq co'ollaq mashe naloqteetega't aso navigaxaiste, nache qanauegueua'a so 'oonolec maye ivi' aso sesenta millones aso anom maye chegaqaigui na lcat plata aso lavigaxaiste.

Mateo 6:12

'Auapalaxat qome na qauem maye so'otaq, 'eeta'ama qomi' da mashe sapalaxataq 'enauac nam qomi' qaỹo'oteque qauem.

Lucas 11:4

Qataq 'auapalaxat nam qarasouaxashetpi, 'eeta'ama qomi' da mashe sapalaxataq 'enauac nam qomi' qaỹo'oteque qauem. Qataq da qomi' nvitalo ca qañe'eguenataguec, nache saishet da qomi' 'auashenegueta da chegoqchigui camaye da 'am qolaqa'ai.»

Lucas 13:3

'A'i, saishet. Qami' nataqa'en qom saishet da qaỹa'axañiire'c naua qano'onataxacolli', qaq nataqa'en qaullivi qoñiita'am da l-leuaxa somayepi.

Lucas 13:5

¡'A'i, saishet! Qami' nataqa'en da saishet da qanaralaxache da qarataxaqui, qataq da sa qaualaqaiguet Ñim Lo'onatac 'Enauacna, nache nataqa'en qaullivi, qoñiita'am da l-leuaxa somayepi.

Juan 9:11

Nache somaye 'enapeco': –Som ỹale maye le'enaxat Jesús, Somaye ỹo'ot so nshaxa. Ime, qaq ỹa'ameeleguete naua ỹa'ai'te. Nache Aỹem 'enapega, 'eeta': «'Anqo'onaxaama qome añi laỹe' na 'etaxat, le'enaxat Siloé, nache 'anỹo.» Nache Aỹem ashec, qaq can ime da ñeỹo, nache ishet da ñauaañi.

Juan 9:7

Nache 'enapega somaye, 'eeta': –'Aue qome, 'anỹo, 'anqo'onaxaama añi laỹe' na 'etaxat le'enaxat Siloé. Nache se'eso qanamaic jec da nỹo. Qaq co'ollaq ñe'eguelaq, nache nauaachiguiñi.

Hechos 28:4

Nache nam lma' se'eso 'alhua co'ollaq ỹauaachigui se'eso na'araxanaq da netaua'a na lhuaq so Pablo, nache somayepi 'enapeco': –De'era ỹale ỹoqta da laataxanaxaic, ỹoqo'oye na'aictaxa da ỹet na 'etaxat, qalaxaye dam nhuaxanaguec maye 'itchiguiñi saishet da ỹashenem da nca'altauec.