Lucas 12:8 - La'aqtaqa Ñim Lo'onatac 'Enauacna 2013

⁸ Da qami' qaua'aqtaxañim na laỹepi shiỹaxauapi da Aỹem qoquiitague', nache Aỹem Shiỹaxaua Llalec, sa'aqtaxanem na lamaxashecpi Ñim Lo'onatac 'Enauacna da 'eesa da Aỹem qoquiitague'.

Nuevo Testamento Toba Sur

⁸ Qaq aÿim shinapec da 'enauac nam da'aqtaxanem na shiÿaxauapi da aÿim quetague', qaq nataq'en nam shiÿaxaua llalec ishit da i'axat da lalamaxat namayipi qom huetaigui na piguem l'ec lamaxashicpi ñi Dios.

Nuevo Testamento Toba Sombrero Negro

⁸ “Ami ja'aĝatema queda'me, qom 'uo gamachaqaega jayem yotauan nale dajoya'agueta ga'me jiyaĝadipi, qama'le nach'e ena'am da'me jayem jo'ne yataqachiñe jayem Jiyaĝaua Lec'oĝot, jotauan joga'me qom jajoya'agueta gaa'me piyem laje' jo'ne lamaĝa's joñe'me Dios.

Lucas 12:8 Iomraidhean Croise

Salmos 119:46

Qataq sa'axatem qome naua 'aramaxasoxonaxaco na nta'alpi, qaq saishet qome da ña'aloxootac,

Mateo 8:20

Nache So Jesús 'enapeco': –Anam huaxaỹaxapi huo'o na lauacpi, qataq nam maỹopi huo'o na lpata'cpi, qalaxaye Aỹem Shiỹaxaua Llalec, saishet da huo'o ca ỹalamaxat ima' da ñematec.

Lucas 15:10

Qaq Aỹem shenapec nataqa'en da ỹataqta huo'o da ntonaxac nam lamaxashecpi piguem le'ecpi Ñim Lo'onatac 'Enauacna, da huo'otaq ỹaxaare'c naua no'onataxaco ca shiỹaxaua 'etaxaloxoic.

2 Timoteo 2:12

da ña'añaxataxaguet na qanque'eenaxaguesat, nache ñeuanaqaua'a da lo'onataxanaxac Somaye. Qaq da shenaqtega da sa sauattonaq, nache Somaye nataqa'en 'enapec da sa qomi' ỹauatto'n.

1 Juan 2:23

Camachaqca da sa ỹaconeguet Som Ñalec, nache nataqa'en sa ỹaconeguet Ñim Nta'a. Qaq cam ỹaconeguet Som Ñalec, nache nataqa'en ỹaconeguet Ñim Nta'a.

Apocalipsis 2:10

Saishet da 'añi'iỹa nam 'aỹa'aguet 'anque'eenaxacpi. Cha'aye so pa'aguenataxanaxaic, huo'o qome ca ỹamaxaigui añi ncoñetaxanaxaqui da qoñiita, da yaqto' ỹaỹaten da 'eesa da Aỹem qaua'amaqchiñiitac. Qami' ỹataqta qalota qome na qaviyeeguet lqalaic, qalaxaye saq qaỹauec. Qaq da huo'o da qarpi'iỹaxaqui Aỹem choche ivitta'a da qaullivi, nache Aỹem qami' sanema da nca'alaxa maye chochaq tatec da qaraviguiiqui.

Apocalipsis 2:13

Aỹem saỹaten da qoueta'a nam nỹecpi maye netaña añi nso'onaxaqui so pa'aguenataxanaxaic. Qalaxaye na'aictaxa da nache 'eetec de'era qalaq nache 'ena'am qoqueto'ot da huo'o da qarpi'iỹaxac Aỹem. Qataq saishet da 'axaañi da Aỹem 'aua'amaqteetac, na'aictaxa co'ollaq da huaña ne'ena nỹecpi maye qoueta'a da qaỹalauat so Antipas, som nache 'eetai' naxa da ỹachaxaata da lpi'iỹaxac Aỹem.

1 Samuel 2:30

Qaq souaxat de'era, nache Ñim Nataxala' maye Natamnaxala' na Israel le'ecpi, 'am 'enapega 'eeta': Aỹem san co'ollaxa so ỹa'aqtac da 'am qataq na 'aỹa'alaqpi, qataq nam chegoxoguetpi so 'arta'a da nache 'eetai' da Aỹem do'onataxaatacot, qalaxaye nagui 'am shenapega da nache tachiguiña de'era, cha'aye Aỹem sho'oxoren ca Aỹem ỹo'oxoreetac, qataq qaica ca la'amaqchec ñaqa'en cam Aỹem ỹo'otan.