Lucas 11:7 - La'aqtaqa Ñim Lo'onatac 'Enauacna 2013

⁷ Qaq nataqa'en saloqnaxanaxa da que'eca pa'atauo da ỹasat, 'eeta': ‹¡Saishet da aỹem sa 'aualemaxat! Ten, ñi lasom mashe sapotagui, qataq na ỹalaqpi nataqa'en aỹem mashe ñenanaqtai'. Qaq ỹoqo'oye saishet da soosheguem da huo'o ca 'am sami' ca nallec.›

Nuevo Testamento Toba Sur

⁷ Qaq saloqnaxanaxa da que'eca pa'atauo ÿasat, 'eeta': “Sa ishit da aÿim 'audaxaatapigui'. Ten, ñi lasom mashi sapotagui, qataq na ÿalaqpi nataq'en aÿim mashi ñinanaqtai'. Qaq ÿoqo'oyi sa ishit da sooshiguem da huo'o ca 'am sami'.”

Nuevo Testamento Toba Sombrero Negro

⁷ ¿Qo'li eetojo' da'me am 'yateguet: «Ena'te jayem aueloiquiaĝan, qa'a joote napadetaye na'me jom, naa'me yalaqa jayem ueteda'ajop jena'me yela'; ja jaqanatet ta'le joñijeguem qaedi am janem.»?

Lucas 11:7 Iomraidhean Croise

Cantares 5:3

«Mashe sogote da ñeqa't naua aỹogo, ¿qaq 'eeteco' da qaltaq saayiñi? Mashe ime da seỹota'ape naua ỹapia'ate, ¿qaq 'eeteco' da qaltaq ỹe'eguelaxalec da seshepaxanaqche't?»

Mateo 25:10

Qalaxaye co'ollaq se'esoua cinco qa'añole maye qaica ca naỹamaxataxa'c, co'ollaq je'c da desheenaxaraique ca lcoỹaraxanaxa't, nache nvi' so auonaxaua. Nache soua qa'añel maye lhuotte' lỹatreuo somaye da pa'areua'a ca naronaxac. Qaq ime, nache qaỹapogui so lasom.

Lucas 11:6

Ten, huo'o ñi ñauochaxaua nvireua'a ye ima', chegoqtauec. Qaq qaica ca anoq da sequia'axan ñimaye.›

Lucas 11:8

Qaq da que'eca lỹa da sa nañaxaañi da lỹaxanaxac, nache que'eca pa'atauo ỹami' ca iueetaique camaye. Qalaxaye damaye saishet da naigui da souaxat da auochaxaua, nachaqrata da yaqto' saishet da huo'o ca la'aloxo da ỹauaachigui na shiỹaxauapi.

Lucas 13:25

Cha'aye que'eca lma' ca nỹec, da ime da ñesheguem, nache ỹapogui ca lasom ca lma', nache qami' maye qapa'aitauec qauỹaxañiitapegueua'a que'eca lasom. Qaq qoñiita': «'Am Qarataxala', qomi' 'anauategueta.» Qalaxaye camaye ỹasat, 'eeta': «Aque', sa saỹaten ca qauachegoqoita'ague.»

Lucas 7:6

Nache So Jesús nnaicapegueto soomaye. Qalaxaye co'ollaq mashe qanayeetaua'a ca lma' so huataxanaq lta'a, nache somaye ỹama'q soua nauochaxau' da 'enapegalo So Jesús, 'eetra': «'Am Ỹataxala', saishet qome da ỹapactec da 'arhuogoxo, cha'aye sela'a da ỹataqta saq saiguet da 'aunoxonoigui na ima'.

Gálatas 6:17

Qaq ỹoqo'oye, nache tachiguiña nagui da saishet qome da huo'o ca aỹem naxattac, cha'aye da ỹo'ocỹaxac no'onañi na lliguiñi na ñeuaxanaguecpi, qaq damaye ỹachaxan da shectague' So Cristo.