Lucas 11:4 - La'aqtaqa Ñim Lo'onatac 'Enauacna 2013

⁴ Qataq 'auapalaxat nam qarasouaxashetpi, 'eeta'ama qomi' da mashe sapalaxataq 'enauac nam qomi' qaỹo'oteque qauem. Qataq da qomi' nvitalo ca qañe'eguenataguec, nache saishet da qomi' 'auashenegueta da chegoqchigui camaye da 'am qolaqa'ai.»

Nuevo Testamento Toba Sur

⁴ Qataq 'auapalaxat dam qadasouaxashit, cha'ayi qomi' nataq'en sapalaxataq 'enauac nam qomi' qai'oteque qauem. Qataq sa ishit qome da qomi' 'auashingueta ca qañi'iguenataguec, chaqdata da qomi' 'antelaqna'agueta ca sa ÿaÿamaxañi.

Nuevo Testamento Toba Sombrero Negro

⁴ Auapalaĝa't daa'me qadaviyaĝaco, qa'a nach'e ena'am qo'mi japalaĝata' gamachaqaegaua ja 'noe'n jo'ne qo'mi qo'yeteque. Ena'te qo'mi auaueguedoue da'me qanapiyenaguec.»

Lucas 11:4 Iomraidhean Croise

Génesis 48:16

so namaxashec maye aỹem nca'alaxateeguesop nam qauemsat, ỹanema qome ca lchoxonnataxanaxa ne'enaua nogotolqa. Da yaqto' chegoqchiguilo naamaye da saishet da qaicoua'ai da ỹe'enaxat, qataq da le'enaxat soua ita'al Abraham qataq so Isaac. Qataq ỹataqta qalota qome ca llalaqpi naamaye ana'ana 'alhua.»

1 Reyes 8:34

nache 'am maye qoneto'ot na piguem 'aua'axaỹa qome namayepi, nache 'auapalaxat ca lasouaxashet, qaq da huo'otaq qaỹauec nache 'añe'eguelaxata qome ne'ena 'alhua maye 'aỹa'anem co'ollaxa so hua'au lta'alpi.

1 Reyes 8:36

nache 'am, maye qoneto'ot na piguem, 'aua'axaỹa qome namayepi, qataq 'auapalaxat ca lasouaxashet na 'aramaxashecpi, qataq nam 'aralamaxat nhuo' Israel le'ecpi, nache 'auapaxaguenec qome da quegue da no'on ñecỹaxac. Qataq 'anamaq qome ca auot da yaqto' talec 'anqa'en na 'alhua, maye 'aỹa'anem co'ollaxa ne'ena 'aralamaxat nhuo' le'ecpi da yaqto' lalamaxat 'anqa'en.

Salmos 121:7

Ñim Nataxala', 'am ntelaqna'aguet qome 'enauac na qauemsat, Ñimaye npaxattalec qome da 'anachaalataxac.

Salmos 25:11

'Am Nataxala', souaxat da huo'o naq 'enec 'anqa'en da 'are'enaxat, nache 'auapalaxat qome da lta'araic ỹasouaxashet.

Salmos 25:18

Ñaq 'aula'a qome da ỹaquicoxo qataq da ñeque'eenaxac nache 'auapalaxat 'enauac na ỹasouaxashetpi.

Daniel 9:19

¡'Am Nataxala', 'Am Nataxala'! ¡Ñaq qomi' 'aua'axaỹalo, qataq qomi' 'auchoxore'n! ¡Ña qomi' 'auqocha'alo 'Am Nataxala', nache 'auanac da qomi' 'autaua'n! ¡Qaq souaxat da 'arauotaxanaqtaic da qoneta 'Am Ñatamnaxala', qataq souaxat nam huaqta'a't nỹecpi, qataq souaxat na 'aralamaxat nhuo' le'ecpi, maye iỹaxaatega da 'are'enaxat, nache sa 'anaỹaloxon qome da 'auanac!

Oseas 14:2

Ña qavi'eguelaqaỹa qome Ñim Nataxala', qauacheetac da achoxonnaxac maye, 'eeta': «Ña 'auapalaxat qome nam qauempi maye so'otaq, nache 'auaconeguet qataq 'auamaateguet da qayo'oxonnataxanaxac maye 'am sanaqtacot.

Mateo 18:35

Nache So Jesús 'enapeco': «Qaq 'era qome da 'eetec naqa'en da qoñiita ñi Ita'a maye neta'ague da piguem, da huo'otaq ñi 'oonolec saishet da ỹoqta lquiyaqteỹaxac da ichoxoren ca lqaỹa.»

Mateo 26:41

Saishet qome da qauo'oche, nachaqrata da qanqouagaxauñi, yaqto' ishet da qauataiỹa'aguet da qañe'eguenataguiiqui maye nayeetai'. Qami' ỹataqta qami' lhuotte' da qauo'oche ca ỹaỹamaqchiguiñi, qalaxaye saishet da qauañoxoche da qauroilec da maiche qara'añaxaqui.»

Lucas 11:5

So Jesús nataqa'en 'enapeco': «Saloqnaxanaxa da huo'otaq huo'o ca 'oonolec da qoñiita, huo'o ca nauochaxaua. Nache da mashe laiñi na pe da nqo'ona, nache 'enapega, 'eeta': ‹'Am ỹaqaỹa, 'auauo'o qome ca ỹa'aalec nallec.

Lucas 13:4

¿Qaupi'itaxañiitega peta'a da se'eso dieciocho, maye ileu co'ollaq hua'axañi aso naue maye naña ye Siloé, da somayepi talec de'era, cha'aye ỹoqta ỹapactec da lasouaxashet qaq saq 'ena'am na laỹepi maye netaña ye Jerusalén?

Lucas 22:46

Nache 'eetegalo soomaye, 'eeta': –¿Ta'ainco' ye qauo'ocheeta? Ña qoñiisheguem. Ime, qaq qanqouagaxauñi, yaqto' ishet da qauataiỹa'aguet da qañe'eguenataguiiqui maye saqaỹapeque.

Lucas 8:13

Qaq asom nañiguishe maye tatelec so 'alhua maye ỹalliigui na coma', qalaq naigui ca shiỹaxaua maye na'axaỹaxaatega da na'aqtac qalaq huo'o da ntonaxac. Qalaxaye ye saishet da ỹoqta ỹaỹateeta, nache da huo'o ye ivireguet lqalaic, nache saqaỹaloq da ỹaxanec da lpi'iỹaxac Ñim Lo'onatac 'Enauacna.

Juan 17:15

Qaq Aỹem saishet da 'am seỹaxaatacot da yaqto' 'anqateeguesop naamaye ana 'alhua, nachaqrata da 'anpaxattaleguete qataq saishet da 'auasheneguet so pa'aguenataxanaxaic.

1 Corintios 10:13

Da qañe'eguenataguiiqui maye qami' nvittegalo, damaye nachera da 'eeta'am da ñe'eguenataguec na 'enauac shiỹaxauapi. Qalaxaye qami' ishet da qaupi'iỹa'ai Ñim Lo'onatac 'Enauacna, cha'aye Ñimaye saishet da qami' ỹasheetema ca qañe'eguenataguiiqui da huo'otaq sa qanaloỹeeguet. Nachaqrata da huo'otaq nvi' ca qañe'eguenataguiiqui, nache Ñim Lo'onatac 'Enauacna qami' ỹachaxanalo ca lataxac da yaqto' ishet da qanaloỹa'aguet camaye.

Colosenses 3:13

Ñi 'oonolec da qoñiita ỹataqta nhualaxaune' ca lỹa qataq ichoxoren da huo'otaq huo'o ca ỹasouaxat. Cha'aye, nache 'eetec So Cristo da qami' ichoxore'n.

2 Ts 3:3

Qalaxaye So Qarataxala' Jesucristo maye sa ỹatenachet ca la'aqtac, qami' itaua'n da yaqto' qami' 'añaxaiqa, qataq qami' ntelaqna'agueta na sa ỹaỹamaxañisat.

2 Timoteo 4:18

Qataq aỹem isoueeguesop 'enauac nam qauem qataq aỹem nca'alaxatec, ime, nache aỹem ỹauegueua'a da lo'onataxanaxac maye ỹataqta lta'araic da llo'oxoyec chochaq tatec. Aja', nache 'eetec de'era.

Santiago 2:13

Cha'aye Ñim Lo'onatac 'Enauacna saishet da ichoxoreetac cam saishet da ichoxoren ca lỹa. Qalaxaye ca huo'o da lchoxonnataxanaxa ca lỹa, nache camaye qaica ca lasouaxashet qom qanmitna.

Apocalipsis 2:10

Saishet da 'añi'iỹa nam 'aỹa'aguet 'anque'eenaxacpi. Cha'aye so pa'aguenataxanaxaic, huo'o qome ca ỹamaxaigui añi ncoñetaxanaxaqui da qoñiita, da yaqto' ỹaỹaten da 'eesa da Aỹem qaua'amaqchiñiitac. Qami' ỹataqta qalota qome na qaviyeeguet lqalaic, qalaxaye saq qaỹauec. Qaq da huo'o da qarpi'iỹaxaqui Aỹem choche ivitta'a da qaullivi, nache Aỹem qami' sanema da nca'alaxa maye chochaq tatec da qaraviguiiqui.

Apocalipsis 3:10

'Enauac na huetalec ana 'alhua ivireguet qome na lqalaiguesat qataq nque'eenaxacpi. Huaña qome, nache saỹaten ca Aỹem pi'iỹa'a qataq ca saishet da Aỹem pi'iỹa'a. Qaq 'am qalaxaye 'am ñepaxattalec, cha'aye Aỹem 'aualaxaguet co'ollaq 'am shenapega da saishet da 'axanec da 'arpi'iỹaxac Aỹem.