Lucas 10:2 - La'aqtaqa Ñim Lo'onatac 'Enauacna 2013

² Nache 'enapego', 'eeta': –Qalota nam iuen da huenoxoneua'a da lo'onataxanaxac Ñim Lo'onatac 'Enauacna, qalaxaye saq 'amaqtaq nam ỹa'axatec da no'on na'axaỹaxac. Qaq ỹoqo'oye, no'on da qauỹaxañiỹot Ñim Lo'onatac 'Enauacna da ỹamaq nam laỹepi maye Aỹem ca'attague' da yaqto' ỹa'axatem da no'on na'axaỹaxac ne'ena shiỹaxauapi.

Nuevo Testamento Toba Sur

² Nachi 'enapego', 'eeta': –'Eesa da ÿataqta qalota na n'onatac da qanqat na ala na nanguishic. Qalaxayi nam 'onataxanaxaicpi saq 'amaqtaq. Qaq ÿoqo'oyi no'on da qauÿaxañiÿot ñim lalamaxat ne'ena n'onatac, da yaqto' namaq ca 'onataxanaxaicpi, da yaqto' nqat namayi.

Nuevo Testamento Toba Sombrero Negro

² 'Yaĝatema jogaa'me: “Eja 'uo da'me jalcote da'me naqataĝanaĝac, qalaĝaja ja lama'y gaa'me onataĝanaĝayaqa. Qo'che' ami 'noota qom auejelai joñe'me loĝot da'me dojo' naqataĝanaĝac qaedi yauoja'aegaua onataĝanaĝayaqa qaedi datoĝo'n.

Lucas 10:2 Iomraidhean Croise

1 Reyes 18:22

Qaq so Elías nache queto'ot da detaqtac, 'eeta': Qaq aỹem, qalaq nachaỹemta ño'onañi da aỹem la'aqtaxanaxanec Ñim Nataxala', qaq som Baal, qalaq cuatrocientos cincuenta na la'aqtaxanaxanecpi.

Salmos 68:11

Ñim Nataxala' ỹan da la'aqtac, nache qalota na 'alpi na jec da ỹa'axatec de'era la'aqtac, 'eeta':

Jeremías 3:15

Qaq sanem qome cam nataxala'pi maye ỹo'ot cam sheetapeguec, qataq huo'o da laỹaanec qataq da laỹaanataxanaxac da ilo'ogue namayepi.

Zacarías 11:17

¡Qaq choxoraxaso' qome, cam qagueta lo'o maye qaica ca ỹaỹaanapec da ỹalat aca lhuateguishe qaguetapi! ¡Camaye qairolec qome ca ỹeelonec da qaicheguec na lhuaq, qataq añi aloiguishe la'aite! ¡Qaq no'ono' da deqaqa na lhuaq, qataq ỹataqta sanauaañi!

Zacarías 11:5

Nam desheenaxana anamayepi da ỹalauat, qalaq saq noma da huo'o ca lasouaxashet, qataq na imen anamayepi qalaq, 'eeta': ‹¡Sanot da ña'achec Ñim Nataxala', cha'aye mashe aỹem sallaxanec!› Qaq ivira'a na maiche nhuataxauapi anamayepi, da saishet da ichoxoreetac.

Números 11:17

Nache aỹem, senotec qome da 'am ña'aqtaxane', nache sanem camayepi ca laỹolec da na'añaxac maye 'am sanem co'ollaxa, yaqto' 'am itauan da 'auaueca'aguet ne'ena shiỹaxauapi yaqto' saishet da 'andotec.

Números 11:29

Nache so Moisés 'eeta': ¿Peta'a aỹem 'auca'alaxaatapeguelec? ¡Qamaq da iyaxa ctaxa da 'enauac ne'ena nhuo' le'ecpi, talec so laỹe so Saqcha'a La'añaxac Ñim Nataxala', nache 'enauac da na'aqtaxanaxanecpi!

Mateo 20:1

Da lo'onataxanaxac Ñim Lo'onatac 'Enauacna maye imattalecna, damaye 'eeta'am cam lalamaxat ca nanqa' ana uva maye 'ottauec da nte'etom da nmitaique ca lo'onataxanaxanecpi, da yaqto' nqat ana ala aso lañiguishe uva.

Marcos 13:34

Qaq de'era 'eeta'am ca shiỹaxaua da huo'otaq taigue ca qaỹoqtegue. Qalaxaye da yaqta'a da jec, nache iỹaxaneuga ca lamaxashecpi da ipataxalec da ilo'ogue ca lma'. Nache ñi 'oonolec ỹataqtac nam ipataxalec lo'onataxanaxac, qaq ca ilotague' ca lasom qalaq 'enapega da ỹataqta nlotec.

Marcos 16:15

Nache So Jesús 'enapegalo soomaye, 'eeta': «Qanqo'oñiỹa qome 'enauac na ỹotta'a't shiỹaxauapi ana 'alhua, nache qaua'aqtaxañim dam no'on na'axaỹaxac.

Marcos 16:20

Nache soua lapaxaguenataqa je'c da ỹa'axatre'c da no'on na'axaỹaxac dam lo'onataxanaxac Ñim Lo'onatac 'Enauacna. Nache so Qarataxala' Jesús nnaictagueto qataq itauaata'ape soomaye, ỹachegoxotchigui nam na'anec maye sa qaỹauanapega, qaq nache 'eetec de'era Ñim Lo'onatac 'Enauacna da ỹachaxan da soua lapaxaguenataqa da la'aqtaxanaxa'c ỹataqta 'eesa. Aja', nache 'eetec.]

Lucas 9:1

Qaq huo'o so na'a'q, nache So Jesús ỹataxana't soua doce lapaxaguenataqa, nache ỹanema da la'añaxac soomaye da yaqto' natare'n na ỹotta'a't nalolaxapi qataq ỹanema da 'ene'c da ishet da ỹo'orauec nam ỹotta'a't saqcha'a na'añaxac leguemaxaicpi.

Hechos 11:19

Qaq co'ollaq mashe qaỹalauat so Esteban, nache chegoqchiguiña da nataqa'en qaicanaxangui na laỹepi maye ỹa'amaqten So Jesús, nache namayepi datauec. Huo'o na taỹa ye 'alhua Fenicia, qataq añi ỹaqa'ata 'alhuole le'enaxat Chipre, qataq ye nỹecpi ye Antioquía. Huañalo ne'enaua 'aleu', nache qaỹa'axattac da no'on na'axaỹaxac, qalaxaye qandoxottec na judiopi, qaq na laỹepi shiỹaxauapi saishet da qaỹa'aqtaxanem.

Hechos 13:2

Qaq huo'o so na'a'q co'ollaq somayepi ỹo'ottac so llo'oxonnataxanaxac Ñim Nataxala', qataq nqouaqchettac, nache So Saqcha'a Na'añaxac Qui'itta 'enapego' somayepi, 'eeta': –Qauỹochiỹauga qome ñi Bernabé qataq ñi Saulo, ime, nache qoñiỹapegalo da je'c do'onataxaaleguete dam sanaguilo lo'onataxanaxa'c maye huo'omshe seỹaxanalo.

Hechos 13:4

Qaq co'ollaq ime de'era, nache So Saqcha'a Na'añaxac Qui'itta ỹama'q so Bernabé qataq so Saulo, nache soomaye taregue da Seleucia. Qaq huaña yemaye, nache huenotreuo da nqo'ootra añi ỹaqa'ata 'alhuole, le'enaxat Chipre.

Hechos 20:28

Qaq ỹoqo'oye ñi 'oonolec da qoñiita ỹataqta ntel-la't, qataq nataqa'en qarchilliỹa'a 'enauac na 'amqaanataxanaxaicpi maye qami' ipataxagueta So Saqcha'a Na'añaxac Qui'itta da yaqto' qauloỹeegue. Namayepi maiche lalamaxatpi Ñim Lo'onatac 'Enauacna, lsheenaxanaxatpi, lasheue co'ollaxa soua ltago'q so maiche Llalec.

Hechos 22:21

Qalaxaye So Qarataxala' aỹem 'enapega, 'eeta': «'Aue qome, qojec, cha'aye ỹataqta qaỹoqtegue cam 'am samaxague, 'am samaxa qome nam saishet da judiopi.»

Hechos 8:4

Qalaxaye nam nlagaxattacpi maye chegaqaña ye Jerusalén, namayepi ỹa'axattac da na'aqtac maye chegaqaigui da nca'alaxa, da huo'o da iviregue.

1 Corintios 12:28

Na 'amqaanataxanaxaicpi, Ñim Lo'onatac 'Enauacna ỹami' da lo'onataxanaxac ñi 'oonolec namayepi. Ỹamataxaachiguiñi na lamaxashecpi So Jesús. Ime, qataq jec na la'aqtaxanaxanecpi Ñim Lo'onatac 'Enauacna. Ime, qataq jec na dapaxaguenataxanapecpi. Nataqa'en nam ishet da ỹo'ot na sa qaỹauanapega. Ime, qataq jec na ishet da nataren na sa no'on, qataq na itaunec da lhuenaxanaxa ca lỹa, qataq na ishet da nataxala'. Ime, qataq huo'o na ỹanem da ishet da detaxaiguilo naua na'aqtaqa sa qaỹauanapegalo.

1 Corintios 15:10

Qalaxaye Ñim Lo'onatac 'Enauacna ỹataqta aỹem ỹauotec, ỹoqo'oye ỹauo'o aỹem lamaxashec nagui Ñimaye. Saishet co'ollaxa da so'otan da la'añaxac maye aỹem ỹami', qataq ñapacalec da lo'onataxanaxac na laỹepi lamaxashecpi Ñimaye. Qalaxaye 'enauac de'era so'ot, damaye chegoqchigui da la'añaxac Ñim Lo'onatac 'Enauacna.

2 Corintios 6:1

Cha'aye qomi' ltau' Ñim Lo'onatac 'Enauacna de'era lo'onataxanaxac. Qaq ỹoqo'oye qami' ñachoxorenaqtoiguilo da saishet qome da saqca ca naigui qanqa'eñi da lqouagaxanaqtaic maye qami' ỹachaxanalo Ñimaye.

Filipenses 2:21

Cha'aye 'enauac nam laỹepi ime'eguet da ỹo'ottac nam maiche lalamaxatpi, qaq de'era saishet da nachera da laỹamaxannatac So Jesucristo.

Filipenses 2:25

Huo'o so na'a'q, nache qami' aỹem qanamaqỹa ñi qarqaỹa Epafrodito da yaqto' aỹem itauan 'enauac na iuenaxanaxa. Ñimaye ỹo'onataxanaxaua qataq iỹa da seloquiaqteguelec de'era na'aqtaxanaxac maye chegaqaigui da no'on na'axaỹaxac. Qaq nagui qalaq iuen da ñimaye qami' ỹe'eguelaxalo,

Filipenses 2:30

Cha'aye ñimaye mashe hua'c co'ollaxa da ileu, souaxat da do'onataxaatacot So Cristo. Qataq ỹataqta saishet da iteetega da nachaalataxac da ỹaneguet da lchecỹaxac, da yaqto' ishet da aỹem itaunec cam qami' saishet da aỹem qautauñic, souaxat da qami' qaỹoqtalo.

Colosenses 1:29

Qaq nachera da huo'omshe aỹem so'onataxaatac, qataq sauo'o da maiche ña'añaxataxac, qataq so'ogoxona nataqa'en da la'añaxac So Cristo maye aỹem ỹami'.

Colosenses 4:12

Nataqa'en qami' ỹamaxalo da lquinaxanaxac ñi Epafras. Ñimaye nataqa'en lamaxashec So Jesucristo, qaq ñimaye maiche qami' chegoqtoiguilo co'ollaxa. Qaq ñimaye nache 'eetai' naxa da qami' nqouagaxaueetaleguete da yaqto' qaica ca da, qataq da yaqto' ỹataqta qanañañiỹot Ñim Lo'onatac 'Enauacna qataq da qauo'oche cam 'eetapeguec Ñimaye.

1 Ts 2:9

Qami' qarqaỹarolqa, aỹem sepeta'a da qami' qantooñita'ac da qapa'atta qaro'onataxanaxac da yaqto' ñauegaq ca qarhuenec. Cha'aye naxa da sa'axataqtac da no'on na'axaỹaxac maye chegoqo'ot Ñim Lo'onatac 'Enauacna, nache nataqa'en so'onataxanaqtac ye na'a'q qataq ye pe yaqto' saishet da huo'o ca qomi' ime'egueta da qomi' itauaategueque ca qarhuenec.

1 Ts 5:12

Qami' qarqaỹa't, qami' ñachoxorenaqtoto da ỹataqta qauauo'oi naq 'enec na lataxala'pi na 'amqaanataxanaxaicpi. Cha'aye namayepi ỹataqta ỹauo'o da na'añaxataxac da qami' ỹapaxagueetegueque da lataxac da na'amqaanataxanaxac.

2 Ts 3:1

Qaq da pa'atec qara'aqtac, qami' qarqaỹa't, qanqouagaxauñiitaleguete qomi', yaqto' da la'aqtac So Qarataxala' maye sa'axataqtac saqaỹaloq da ivira 'enauac na shiỹaxauapi qataq yaqto' namayepi ỹaconeguet qataq ỹauotec 'ena'ama co'ollaxa qami'.

1 Timoteo 4:10

Qaq nachera da huo'omshe ña'añaxataqtac, cha'aye mashe hueto'ot Ñim Lo'onatac 'Enauacna da qanaquitaxac. Ñimaye maye nache 'eetai' da nca'altauec, qataq nacheñi ñi lca'alaxaqui 'enauac nam ỹa'amaqten Ñimaye, qalaxaye nataqa'en 'enauac na laỹepi shiỹaxauapi.

2 Timoteo 4:5

Qalaxaye 'am Timoteo, ỹataqta 'anaỹanaxanaqchen qome, qataq 'ana'añaxateguet na 'anque'eenaxaguesat, qoqueto'ot da 'aua'axat da no'on na'axaỹaxac maye chegaqaigui da nca'alaxa, 'apactelco' da ỹoqta lataxac da 'aro'onataxanaxac.

Filemón 1:1

Aỹem Pablo, aỹem qaicoñettai' souaxat da sasoilec So Cristo Jesús. Aỹem qataq ñi Timoteo 'am samaxa ana ỹere, 'am qanauochaxaua qarqaỹa Filemón maye 'am qaro'onataxanaxaua.

Hebreos 3:6

Qalaxaye So Cristo, som Llalec Ñim Lo'onatac 'Enauacna, Somaye ỹataqta laxaraic qataq itauan nam lalamaxatpi Ñimaye. Qaq qomi' nache qaraỹepi ne'ena lalamaxatpi Ñimaye da qolaqtot da ña'añaxataxac da qarpi'iỹaxac qataq da ñetonaqtapeguec cam nca'alaxa maye saconaxaguet qome.

Apocalipsis 2:1

«'Auamaxa qome aca 'ere ñi namaxashec maye ilotague' na 'amqaanataxanaxaicpi maye netaña ye nỹecpi ye Éfeso. Qoneta': ‹Aỹem maye llasoqta'alo naua siete huaqaañi netaigui na ihuaq aỹoiguishec, qataq sootangui na laiñi naua siete ncoỹaraxanaxaqui' maye chegaqaigui na oro. Ñaq 'ana'axaỹaxana dam 'am sa'aqtaxanem: