Lucas 10:16 - La'aqtaqa Ñim Lo'onatac 'Enauacna 2013

¹⁶ Ime, nache So Jesús 'enapegalo soua lapaxaguenataqa, 'eeta': «Camachaqca ca qami' na'axaỹaxanalo, qaq nache Aỹem maye Aỹem na'axaỹaxana. Qaq cam sa qami' ỹaconegueta, qaq nache Aỹem maye saq Aỹem ỹaconeguet; qaq cam saq Aỹem ỹaconeguet, qaq nacheñi Ñim Lo'onatac 'Enauacna maye sa ỹaconeguet Ñim Aỹem namaq.»

Nuevo Testamento Toba Sur

¹⁶ Qaq ca qami' n'axaÿaxanalo, qaq nachaÿim aÿim n'axaÿaxana, qaq ca qami' sa ÿacongueta, qaq nachaÿim aÿim sa ÿaconguet. Qaq ca aÿim sa ÿaconguet, qaq nachiñi ñi aÿim namaq ñim sa ÿaconguet.

Nuevo Testamento Toba Sombrero Negro

¹⁶ “Joñe'me jo'ne ami naquiaĝanalo, mach'e jayem naquiaĝana; joñe'me jo'ne ami 'yota'tape, mach'e jayem 'yotatac. Nataq'aen ñe'me jo'ne jayem 'yotatac, mach'e 'yotatac ñe'me jo'ne jayem namaĝaquena.”

Lucas 10:16 Iomraidhean Croise

Éxodo 16:7

Qaq qonte' nte'eta, qaq qauauañiichigui ca llo'oxoyec Ñim Nataxala', cha'aye Ñimaye hua'aqtegalo qami' da qoquiitapeguelec. Cha'aye ¿negue't qomi' da huo'otaq qomi' qoquiitapegueleguete?

Éxodo 16:8

Nache so Moisés 'enapeco': Qomele avit, Ñim Nataxala' qami' iquia'axaneque qome ca lapat, qaq qonte' nte'eta qaltaq qami' ỹanema ca nallec chochaq huañi naqa'en. Cha'aye Ñimaye hua'aqtega da qami' qoquiitapeguelec. Cha'aye ¿negue'to' qomi'? Qami' saishet da nache qomi' da qomi' qoquiitapegueleguete, maye nacheñi Ñim Nataxala' Ñim qoquiitapeguelec.»

Malaquías 1:6

Ñim Nataxala' maye Qaica ca Ỹaqalanapec, 'enapega na ntaxaỹaxanaxanecpi, 'eeta': Nam ñalaqpi huo'o naq 'enec naqa'en na lta'alpi, qaq nam namaxashecpi qalaq ỹalaxaguet na na'aco'pi. Qaq aỹem da aỹem Qarta'ai, qalaq ¿ta'ainco' da qaica qanqa'aiñi ca shenec? Qataq da aỹem qana'aco'oi qalaq ¿ta'ainco' da saishet da Aỹem qaualaqaiguet? Qami' Aỹem qauo'otañi, qataq ivira'a da qoñiỹapec: ‹¿Negue'to' cam huo'omshe 'am so'otanaq?›

Números 14:11

nache Ñim Nataxala' 'enapega so Moisés, 'eeta': «¿Che laguio' da ỹaxaañi da Aỹem inogoqchettac ne'ena shiỹaxauapi? Qataq ¿Chaq laguio' da ỹaxaañi da Aỹem sa ỹa'amaqten, qamaq qalota so sachaxana na'anecpi?

Números 14:2

Qataq 'enauac somayepi, qauem na la'aqtac da quetapeguelec so Moisés, qataq so Aarón, 'eeta': «¡'Onaxaictoxo' co'ollaxa da nache seleuaq co'ollaq souaqta'a ye Egipto, huo'otaq nagui da souaqaña ne'ena toolec 'alhua!

Números 16:11

Cha'aye 'am qataq na 'araỹepi qalaỹoñiita'a't da qauataiỹa'aguet Ñim Nataxala', qaq ¿Negue'to' so Aarón da qoquiitapeguelec?

Mateo 10:40

Da huo'o ca shiỹaxaua da qami' ỹaconegueta, nache camaye nataqa'en Aỹem ỹaconeguet. Qaq cam shiỹaxaua da Aỹem ỹaconeguet, nache camaye nataqa'en ỹaconeguet Ñim Lo'onatac 'Enauacna maye Aỹem namaq.

Mateo 18:5

Qataq ca souaxat da Aỹem quetague' da ỹaconeguet ca 'oonolec nogotolec 'ena'am ne'ena, nache camaye Aỹem ỹaconeguet.

Marcos 9:37

«Qami' da qauacoñiiguet ca nogotolec, 'eeta'am ne'ena ñesoqtauo, nache Aỹem qauacoñiiguet. Qaq da Ayem qauacoñiiguet, nache nataqa'en qauacoñiiguet Ñim Lo'onatac 'Enauacna maye Aỹem namaq.»

Lucas 9:48

Nache 'enapegalo' soomaye 'eeta': «Da huo'o ca ỹaconeguet ca 'eeta'am ne'ena nogotolec, nache camaye Aỹem ỹaconeguet. Qaq da huo'o ca ỹaconeguet Aỹem, nache ỹaconeguet Ñim Lo'onatac 'Enauacna maye Aỹem namaq. Cha'aye ca ỹapactec qaica ca la'amaqchec 'enauac da qoñiita, qaq nacheca ca ỹataqta 'eesa da 'amaqtaqaic.»

Juan 12:44

Nache So Jesús ỹataqta nlamaxaren da detaqa, 'eeta': –Ca Aỹem ỹa'amaqten, camaye saishet da Nachaqaỹemta da Aỹem ỹa'amaqten, cha'aye nataqa'en Ñim Ita'a maye Aỹem namaq.

Juan 12:48

Qaq ca Aỹem ỹo'otan, qataq saishet da ỹo'o't naua ỹa'aqtaqa, camaye sogote da huo'o qome ñim ỹo'ot ca nhuaxanaguec. Cha'aye naua ỹa'aqtaqa maye ñasaxarec, nachenaua qome naua ỹo'o't ca nhuaxanaguec na shiỹaxauapi ca pa'atec na'a'q.

Juan 13:20

Qaq ỹataqta 'eesa de'era qami' sa'axatema, da ca ỹaconeguet cam ỹamaxashec, qaq camaye Aỹem maye Aỹem ỹaconeguet. Qaq cam Aỹem ỹaconeguet, camaye ỹaconeguet Ñim Aỹem namaq.

Hechos 5:4

¿Saisheto' peta'a da 'aralamaxat som 'alhua? Cha'aye co'ollaq 'aumen somaye, qaq ¿saisheto' peta'a da maiche 'aralamaqte aso lasheue? ¿Ta'ainco' ye tachiguio' ye 'arhuel da 'auo'ot de'era? 'Am 'auatenachet Ñim Lo'onatac 'Enauacna, saishet da nacheqomi'.

Gálatas 4:14

Na'aictaxa da se'eso ỹalolaxa da qami' ỹo'oteque da qalota qarqalaiqui, qalaxaye qami' saishet da aỹem qauo'otañi qataq saishet da aỹem sa qauacoñiiguet. Nachaqrata da aỹem qauacoñiiguet naua qarma'achilli' 'eeta'am aỹem qanqa'eñi ca lamaxashec Ñim Lo'onatac 'Enauacna, ¡huo'otaq nacheso So Jesucristo!

1 Ts 4:8

Qaq ỹoqo'oye ca no'otane' de'era napaxaguenataxanaxac, camaye saishet da nache qomi' da qomi' ỹo'ota'n, maye nacheñi Ñim Lo'onatac 'Enauacna ỹo'otan, Ñim qami' ỹanema So Saqcha'a Na'añaxac Qui'itta.