Lucas 10:11 - La'aqtaqa Ñim Lo'onatac 'Enauacna 2013

¹¹ «Qomi' saishet da qami' saqtegueua'alo. Ỹoqo'oye ivira'a na namoxoỹaxa nam qarmaye maye taleguete naua qarapia'ate, namaye sechegoxosoxouec. Qalaxaye qami' iuen da qauaỹaañi de'era, 'eeta': Mashe nayeetai' da lo'onataxanaxac Ñim Lo'onatac 'Enauacna.»

Nuevo Testamento Toba Sur

¹¹ “Ivida'a na namoxoÿaxa nam qadmayi mayi talguete naua qadchil, namayi sechigoxosoxouec, qaq damayi l'anaxat da maichi qanasouaxachiila't. Qalaxayi qami' qauaÿajñiita da l'onataxanaxac ñi Dios da ilo'ogue 'enauacna, damayi mashi qami' nayiita'alo.”

Nuevo Testamento Toba Sombrero Negro

¹¹ «¡Chayovida'a ga'me enaĝayaĝa jo'ne chiyoqoda'ña jenjo' at'achaqachidi', jo'ne qapaleque naa'me qadapia'te, nayi qanechiyoĝodiñe naa'me qadapia'te ena'am da'me ami ñautenaĝalo! Qalaĝaja 'noota qom auayachiñe da'me dojo' queda'me lejaliaĝa ñe'me Dios joote ami nadi'talo.»

Lucas 10:11 Iomraidhean Croise

Ezequiel 2:5

Saiuena'a da 'am ỹalaxaguet huo'otaq saishet, cha'aye namayepi ỹataqta saỹalaq, qalaxaye dam choche ỹaỹaten da huo'o na na'aqtaxanaxanec da netangui namayepi.

Mateo 10:14

Qaq da huo'otaq huo'o ca 'oonolec nma' huo'otaq ca nỹecpiolec da saishet da qami' ỹaconegueta qataq da saishet da qami' na'axaỹaxanalo, nache qoquiỹa'ai camaye. Ime, nache qauchegoqoiuec na namoxoỹaxa naua qarapia'achilli', qaq damaye la'anaxat da sa qami' qaỹaconegueta.

Mateo 10:7

Nache qaua'aqtaxañim de'era na'aqtaxanaxac maye, 'eeta': «Da lo'onataxanaxac Ñim Lo'onatac 'Enauacna mashe saqaỹaloq da nvita ne'ena.»

Mateo 3:2

Qaq da la'aqtaxanaxac somaye 'eeta': «Qavi'eguelaqaỹot Ñim Lo'onatac 'Enauacna, cha'aye da lo'onataxanaxac Ñimaye da ilo'ogue 'enauacna mashe saqaỹaloq da yo'oq.»

Marcos 6:11

Qaq da huo'o ca huaña da saishet da qami' qaỹaconegueta, qataq saishet da qami' qana'axaỹaxanalo, nache qoquiỹa'ai que'eca qoviita'a qataq qauchegoqoi naua qarapela'achilli', yaqto' de'era la'anaxat da huo'o ca naỹa'a camayepi.» [Qaq ỹataqta 'eesa de'era qami' sa'axatema da qom ivita da qanmit 'enauacna, nache da nhuaxanaguec co'ollaxa so Sodoma qataq so Gomorra saq 'amaqtaq, qaq saq 'ena'am ca nhuaxanaguec qome qanqa'en que'eca shiỹaxauapi maye saq qami' ỹaconegueta.]

Lucas 10:10

Qalaxaye da qaviyeeua'a ca saq 'amaqtaq nỹecpiolec, qaq da huo'otaq saq qami' ỹaconegueta, nache qanqo'oñiuga ca nqa'aic, nache qoñiita':

Lucas 10:9

qanatayiñi 'enauac nam sa no'onpi maye hueta'a camaye, qataq qaua'aqtaxañim da lo'onataxanaxac Ñim Lo'onatac 'Enauacna da mashe nayeetai'.

Lucas 9:5

Qaq ca huaña da saishet da qami' qaỹaconegueta, qalaq qoquiỹa'ai camaye. Ime, qaq qauchegoqoiuec na namoxoỹaxa naua qarapia'achilli'. Qaq damaye la'anaxat da camayepi saq qami' ỹaconegueta.»

Hechos 13:26

Qaq aỹem qana'axaỹañiỹa qami' ỹaqaỹa't maye qami' qauachegoqoiguet so Abraham qataq 'enauac da qoñiita maye ỹataqta qaualaqaiguet Ñim Lo'onatac 'Enauacna, de'era na'aqtaxanaxac maye chegaqaigui da nca'alaxa, damaye ỹataqta qaralamaxat.

Hechos 13:40

Qaq ỹoqo'oye maxatchaxa qome da qoñiita, ten qom qami' taleguete de'era nhuaxanaxanaxac maye ỹa'axatta'aguet som na'aqtaxanaxanecpi, maye 'eeta':

Hechos 13:46

Qalaxaye so Pablo qataq so Bernabé saishet da ñe'erelec da la'aqtaxanaxa'c. Nache co'ollaq ime, nache 'ena'apo': –Da la'aqtac Ñim Lo'onatac 'Enauacna, damaye iuen da hua'auñi da qami' sa'aqtaxanaxama maye qami' judiopi. Qalaxaye nagui ye qami' saishet da qauacoñiiguet, qataq qoñiỹapec ye sa iuen da qauacoñiiguet da nca'alaxa maye chochaq tatec, qaq qomi' nagui, saxaigui nam saishet da judiopi da sa'aqtaxanaxam.

Hechos 13:51

Huaña, nache so Pablo qataq so Bernabé ichegoxore'c na namoxoỹaxa naua lapia'ate, qaq damaye, nache la'anaxat da maiche nasouaxaala't somayepi. Nache soomaye nqo'oora ye Iconio.

Romanos 10:21

Qataq co'ollaq detaxaỹa na Israel le'ecpi Ñim Lo'onatac 'Enauacna ỹachegoxotchigui so la'aqtaxanaxanec Isaías, qalaq 'eeta': «Ỹataqta ima ye na'a'q da sachaxaatacot da itaunaxanaxac nam shiỹaxauapi maye qaramchigui qataq sa ỹalaq.»

Romanos 10:8

Qaq 'era dam 'eetega naua ñiyigui'she maye nanettalec ana nere maye huetalec na la'aqtacpi Ñim Lo'onatac 'Enauacna maye 'eeta': «Naua la'aqtaqa Ñim Lo'onatac 'Enauacna ỹataqta saqaỹapeque naqa'en 'am; netaigui na 'ap qataq añi 'arquiyaqte.» Qaq de'era na'aqtaxanaxac nachera dam qami' ñeraxalo: Da iuen da sepi'iỹaqa'a Ñim Lo'onatac 'Enauacna.

Hebreos 1:3

So Llalec qomi' ỹachaxanalo da la'añaxac qataq da la'amaqchec Ñim Lo'onatac 'Enauacna, cha'aye imatta't da lataxac Ñimaye, qataq do'ogoxona da lta'araic la'añaxac da nlletañi 'enauacna. Qataq chegoqchigui Somaye da Ñim Lo'onatac 'Enauacna ỹapalaxa't naua qarasouaxashe'ete, ime, nache taỹa cam neta'ague Ñimaye da yaqto' nso'ooñi, na'ague da aloic.