Lucas 1:8 - La'aqtaqa Ñim Lo'onatac 'Enauacna 2013

⁸ Qaq huo'o so na'a'q co'ollaq ivita so laloqo' da inoxoneuo da do'onataxan nam ntaxaỹaxanaxanecpi maye ỹalectaigui so Zacarías, da do'onataxanot Ñim Lo'onatac 'Enauacna da huaña añi no'onaxanaxaqui late'erai.

Nuevo Testamento Toba Sur

⁸ Qaq huo'o so na'a'q co'ollaq ivita so laloqo' da inoxoneuo da do'onataxan nam ÿalectaigui so Zacarías, da i'ot na l'onatacpi nam detaqtague' ñi Dios.

Nuevo Testamento Toba Sombrero Negro

⁸ Ca'li jogaa'me qayoĝode' 'me tamenaĝaiqui lo'ol jo'ne napetenegueta ñe'me Zacarías qauadegue yauote da'me dajoyeda'aguet joñe'me Dios,

Lucas 1:8 Iomraidhean Croise

1 Crónicas 24:19

Qaq 'era da 'eetec da qanaloqchiiñi da nmeeta'a't da lo'onataxanaxac somayepi, da huapegue' aso atamnaxaqui maye lalamaqte Ñim Nataxala', cha'aye nache 'eetec co'ollaxa da la'aqtac Ñim Nataxala' maye Natamnaxala' so Israel le'ecpi, co'ollaq ỹanem so Aarón, maye hua'au lta'a somayepi.

1 Crónicas 24:2

Qalaxaye soua Nadab qataq so Abiú, ileu' co'ollaq saxanaxa da ileu so lta'a, qaq soomaye qaica ca llale'c, nache so Eleazar qataq so Itamar, talec da no'onataxanaxac da ntaxaỹaxanaxanaqa.

2 Crónicas 11:14

nache so leviitapi ca'ai co'ollaxa so na'alhuapi, qataq som laỹepi lalamaxatpi, da yaqto' nqo'ona ye Judá qataq ye Jerusalén, cha'aye so Jeroboán qataq som llalaqpi sa ỹashenem co'ollaxa somayepi da nache queto'ot da ntaxaỹaxanaxanecpi da qaitaxaỹapegue' Ñim Nataxala'.

2 Crónicas 31:19

Qaq 'enauac som huaqta'a't nỹecpi, huo'o so ỹalleppi maye qoỹaneuo da yaqto' imenec nam taỹot ñi 'oonolec ỹale ntaxaỹaxanaxanec maye chegoxoguet so Aarón, qataq 'enauac som leviitapi maye qoỹettauo maye huetauga som nquia'axanataxanaqa'pi maye huauga so pa'auec som huaqta'a't nỹecpi maye lalamaxat som ntaxaỹaxanaxanecpi.

2 Crónicas 31:2

Qaq co'ollaq ime nache so Ezequías, naloqchiiñi so ntaxaỹaxanaxanecpi qataq so leviitapi, ỹauo'oi naua laloqo'ote da do'onataxan, yaqto' ñi 'oonolec, ỹo'ot da maiche lo'onataxanaxac, qataq da ỹaneuo na nachetaqtaxanaxat maye qaỹavigaxatta, qataq ana nachetaqtaxanaqte qanhuaachigui, qataq da ỹan da 'achecỹaxac, qataq ỹo'oxoren Ñim Nataxala' da huaña ye ñegueuo aso atamnaxaqui.

2 Crónicas 8:14

Qaq so Salomón nataqa'en ipagaqchiichigui dam lapaxañi co'ollaxa so lta'a David, da ỹauo'oi naua laloqo'ote da inoxoneuo da do'onataxan so ntaxaỹaxanaxanecpi, qaq so leviitapi qalaq ỹanem da ilo'ogue da no'onaxanaxac, qataq da itauanec so ntaxaỹaxanaxanecpi da ỹanem na qaiuen ye na'a'q. Qataq ỹauo'oi naua laloqo'ote da inoxoneuo da do'onataxan som ilotague'pi so lasompi, cha'aye nache lamaxasoxonaxac co'ollaxa so David, som nale Ñim Lo'onatac 'Enauacna.

Esdras 6:18

Ime, nache qaipacchiguilo naua ñiyigui'she na'aqtaqa maye nanettaleguete aso lere so Moisés, qataq qanaloqchiiyiñi soua laloqo'ote da do'onataxan so ntaxaỹaxanaxanecpi, qataq so leviitapi da ilo'ogue da ño'oxonnataxanaxac da qaỹo'oxoren Ñim Lo'onatac 'Enauacna da huaña ye Jerusalén.

Éxodo 28:1

«Qaq 'am, qonapega qome ñi Aarón qataq soua llalqa Nadab, Abiú, Eleazar qataq so Itamar da yaqto' nachesoua qome soua itaxaỹaxanaxanqa da sachegoxotaigui na Israel le'ecpi.

Éxodo 28:41

Qaq 'era da 'eetec da no'otaxac 'anqa'en ñi 'arqaỹa Aarón, qataq ñeua llalqa. Ime, nache 'aucoreleguete naua lqaigo ca aceite, da yaqto' huo'o da 'eneque, qataq 'auỹotaugalo da itaxaỹaxanaxanqa.

Éxodo 29:1

«Qaq da 'auỹotaugalo da aỹem do'onataxaarot da itaxaỹaxanaxanqa. Nache 'auacona ca 'oonolec huaca llalec qataq caua dos qagueta maye qaica ca lque'emaxa,

Éxodo 29:44

Nache ca npe'l qataq aca nca'atoxonaxalate ỹataqta qui'itta, nataqa'en ñi Aarón qataq na chegoxoguetpi, namayepi seỹotauga da nalemaqte' da Aỹem do'onataxanot.

Éxodo 29:9

Ime, nache nsaachiguilo 'anqa'en caua lasot alaxa, ñi Aarón qataq ñeua llalqa, nataqa'en 'anaxanaxanguilo caua lqaic alaxa. Qaq 'era da qonetec da yaqto' huo'o da 'eneque da 'aỹa'anaguilo da lo'onataxanaxa'c, qaq damaye nache 'eetai' qome da llecỹaxac ca ntaxaỹaxanaxanecpi.

Éxodo 30:30

«Nataqa'en ñi Aarón qataq ñeua llalqa da ivita da 'aỹa'anagui da lo'onataxanaxa'c da ntaxaỹaxanaxanaqa, nache 'aucoraxana que'eca ncoraxanaxat,

Números 18:7

Qaq 'am qataq na 'aỹa'alaqpi maiche qoviỹapegue' qome da qaro'onataxanaxaqui da qami' ntaxaỹaxanaxanaqa, qataq na no'onatacpi añi nca'atoxonaxalate, qataq na pa'auo ñi napoxonaxat. Nache de'era no'onataxanaxac qauo'oche, cha'aye qami' sanaguilo da qami' ntaxaỹaxanaxanaqa. Qaq da huo'o ca ỹacoolec de'era no'onataxanaxac da saishet da qoỹanagui co'ollaxa da ntaxaỹaxanaxanec, nache camaye qaỹalauat.»

Lucas 1:5

So Zacarías maye ntaxaỹaxanaxanec da qaitaxaỹapegue' Ñim lo'onatac 'Enauacna, maye huetaigui so na'a'q co'ollaq so Herodes maye 'amaqtaqaic lta'a na judiopi. Somaye do'onataxaategueua'a aso no'onaxanaxaqui late'erai, ỹalectaigui som ntaxaỹaxanaxanecpi da qaitaxaỹapegue' Ñim Lo'onatac 'Enauacna maye chegoxoguet so Abías. Qaq aso lhua le'enaxat Elisabet, asomaye nataqa'en maiche chegoxoguet so ntaxaỹaxanaxanec le'enaxat Aarón.

Lucas 1:7

Soomaye qaica ca llale'c, cha'aye aso Elisabet sa deco'o, qataq soomaye ỹataqta mashe ỹa'axaiqa.