Lucas 1:73 - La'aqtaqa Ñim Lo'onatac 'Enauacna 2013

⁷³ Ñimaye ỹachaxanapeguem so hua'au qarta'a Abraham,

Nuevo Testamento Toba Sur

⁷³ Qaq 'eda dam ÿachaxanapec ñi Dios co'ollaq ÿan so l'aqtac da ÿami' so qadta'a Abraham:

Nuevo Testamento Toba Sombrero Negro

⁷³ Nataq'aen naajo' mach'e 'laqataqa ca'li 'naĝateguet di'me qadet'a Abraham, queda'me qo'mi yaje'tema:

Lucas 1:73 Iomraidhean Croise

Génesis 24:7

Cha'aye, Ñim Nataxala' maye neto'ot na piguem, ñim aỹem nqateeguesop co'ollaxa ye lma' so ita'a, qataq ye na'alhua yem ihuo' le'ecpi, qataq aỹem ỹachaxanapeguem ne'ena 'alhua da lma' naqa'en ca aỹem chegoxoguetpi, Ñimaye nataqa'en ỹamaq qome, da ỹa'auaxanegue da 'ata'ague ca lamaxashec piguem le'ec, da yaqto' 'auachegoxota'a yemaye da 'anauec aca lhua ñi ỹalec.

Génesis 26:3

qaq nagui, qalaq no'on da nache qonetaña ne'ena 'alhua. Aỹem 'am soota'aguet qome, qataq 'am sanem da ichoxonnataxanaxa, cha'aye 'am, qataq ca 'am chegoxoguetpi, sanem qome 'enauac ne'ena 'alhua. Qaq yaqto' sepacchigui dam sachaxanapeguem co'ollaxa so 'arta'a Abraham.

Salmos 105:9

Dam naỹamaxataxac co'ollaq naỹamaxate' so Abraham, qataq da ỹan la'aqtac maye ỹanem so Isaac.

Jeremías 11:5

Qaq qami' da aỹem qaualaqaiguet, nache aỹem sepacchigui qome som ỹa'aqtac maye sanem co'ollaxa som hua'au qarta'ailpi da sanem ca 'alhua, nam 'alhua maye qoñiitalec nagui nam huaña da na huaca lche' qataq na dapic lli'i 'eeta'am ca 'etaxat da ỹa'auat.» Nache aỹem sasat, sheeta': «Aja' 'am Nataxala'.»

Lucas 1:74

da Ñimaye qomi' nca'alaxateeguesopa nam qomi' ipa'agueeta'ape. Yaqto' saishet da huo'o ca sho'oqtaique da so'onataxanaqtacot Ñimaye,

Deuteronómio 7:12

Qaq da ỹataqta qauloiteleguete ne'enaua nqataxaco, qataq qaupaquiichiguilo da qauo'oche', nache Ñim Nataxala' maye Qanatamnaxala'ai, ipacchigui qome da ỹo'ot 'enauac na ỹan la'aqtacpi co'ollaq naỹamaxate' so hua'au qarta'ailpi.

Deuteronómio 7:8

Qaq Ñimaye qami' nqateeguesopa co'ollaxa ye Egipto, yem huaña da qami' nlataqa, irolec da ỹataqta lta'araic la'añaxac so lta'a na netaña yemaye, souaxat da qami' ỹauoteque, qataq da yaqto' ipaqueelec da ỹo'ot da la'aqtac maye ỹanem co'ollaxa so hua'au qarta'ailpi.

Hebreos 6:13

Ñim Lo'onatac 'Enauacna ỹauo'o co'ollaxa de'era ỹachaxanapecot so Abraham, 'eeta': «Aỹem sauo'o qome ca 'anqouagaxa qataq 'am sami' ca ỹataqta qalota 'aỹa'alaqpi.» Co'ollaq Ñim Lo'onatac 'Enauacna da ỹami' de'era la'aqtac so Abraham da ipaqueelec, nache ỹan da la'aqtac chegoqchigui da maiche la'añaxac, cha'aye qaica ca lỹa 'amaqtaqaic da huo'otaq ỹachegoxoto'ot da la'añaxac.