Lucas 1:71 - La'aqtaqa Ñim Lo'onatac 'Enauacna 2013

⁷¹ da Ñimaye qomi' nca'alaxateeguesopa nam qomi' ipa'agueeta'ape qataq 'enauac nam qomi' nquiỹategalo.

Nuevo Testamento Toba Sur

⁷¹ da ÿauotaique qomi' nca'alaxateeguesopa nam qomi' ipa'agueeta'pe qataq 'enauac nam qomi' nquiÿatapegalo,

Nuevo Testamento Toba Sombrero Negro

⁷¹ Qo'mi yachiyoĝotauelo gaa'me qadaute'upi choqogaa'me ena'uaque gaa'me qo'mi niquiyatapegalo.

Lucas 1:71 Iomraidhean Croise

2 Reyes 17:39

maye nacheñita Ñim Nataxala' maye Qanatamnaxala'ai, qaq Ñimaye nache qami' isoueeguesopa qome nam qanpa'aguenaxauaipi.»

Salmos 106:10

Nache nca'alaxateeguesop da la'añaxac so mpa'aguenaxauapi, dam la'añaxac so nquiỹatega co'ollaxa somayepi.

Salmos 106:47

'Am Nataxala' maye 'Am Qanatamnaxala', ñaq qomi' 'anca'alaxatrec qome, qataq qomi' 'anqateua'alo da salegaqta'aguet na ỹotta'a't shiỹaxauapi na souaqta'alo, yaqto' sanaqot da qana'achecỹaxac da qui'itta 'are'enaxat, qataq so'otaq da qayo'oxonnataxanaxac.

Jeremías 23:6

Qaq qom ñaq do'onataxaatac camaye, nache nca'alec qome na Judá, nataqa'en na Israel qaica qome ca ndaqtaique. Qaq 'era da le'enaxat da qaiỹaxana qome camaye: ‹Ñim Nataxala' nacheñi ñim qarca'alaxaqui.›

Jeremías 32:37

«Aỹem llaỹona't qome na nhuo' le'ecpi maye hueta'a na 'alhuapi maye selagaxaalec co'ollaxa, co'ollaq Aỹem nlaxagui da ỹalemataic, inogoxonaxac qataq da chaqaic ỹayeloxo, nache ñe'eguelaxata qome ne'ena 'alhua da yaqto' ỹe'emaqtac qom netalec namaye.

Ezequiel 28:26

Qaq nache hueta'a qome yemaye qaica ca iraxaatapigui' qataq qaica ca ndaqtaique, qataq no'oxoosheguem qome ca lma'pi, qataq ỹaañi aca lañiguishepi uvapi. Qaq Aỹem sacoolec qome da ñimit na nhuoreuapi maye ỹe'eetac na nhuo' Israel le'ecpi. Qaq huaña qome nache qaỹaỹaten da Aỹem nachaỹem Nataxala', maye Aỹem Natamnaxala' na Israel le'ecpi.»

Ezequiel 34:25

Qaq sauo'o qome ca ñaỹamaxataxac da ñaỹamaxate' anamayepi, yaqto' ỹe'emaqtac anamayepi. Qataq imeuo ñaqa'en na huauec shiguiỹacpi ne'ena 'alhua, yaqto' ana ilopi qaguetapi ỹe'emaqtac da coleeteguelec na no'onaxa, qataq da huetaigui na aviaq da do'ocheta.

Ezequiel 34:28

Qaq nam chegaqauec nhuo' le'ecpi, saishet qome da qaltaq ỹe'eguelaxa da icoñettai' namayepi, qataq na shiguiỹacpi saishet qome da qaltaq ỹe'eguelaxa da chec namayepi. Qaq namayepi ỹataqta ỹe'emaqtac qome saishet da huo'o ca iquichoqchettac.

Ezequiel 38:8

Cha'aye qom huo'oi caua inoxoorec vi'iye, nache 'am samaq da 'auloquiaxan yem 'alhua maye huetaigui co'ollaxa da nloquiaxac, qalaxaye mashe qaltaq ỹe'eguelaxa da na'ayiñi, yem nhuo' le'ecpi maye nlagaxattac co'ollaxa, nache ỹalecta'aguet na qalota ỹotta'a't shiỹaxauapi, qataq qailaxachigui co'ollaxa, qalaxaye qaltaq ỹe'eguelaxa da laỹona't da hueta'a aye qasoxonaxapi ye Israel. Yem chegoqta'a co'ollaxa na qalota 'alhuapi, qaq nagui qalaq ỹe'emaqtac.

Lucas 1:68

«¡Ỹataqta sho'oxorenaq qome Ñim Lo'onatac 'Enauacna maye Lataxala' na Israel le'ecpi, cha'aye Ñimaye qomi' naỹalo da qomi' nca'alaxatre'c!

Lucas 1:74

da Ñimaye qomi' nca'alaxateeguesopa nam qomi' ipa'agueeta'ape. Yaqto' saishet da huo'o ca sho'oqtaique da so'onataxanaqtacot Ñimaye,

Deuteronómio 33:29

¡'Am Israel, ỹataqta 'auamachiguiñi qome! ¿Negue'tom ca 'am 'eeta'am? Cha'aye 'am lca'alaqtac Ñim Nataxala', Ñimaye 'am npaxattalec qataq 'am itauan, ¡Ñimaye 'eeta'am ca 'ainec maye huegaxanaxaic! Qaq ỹo'ot qome da 'oxonec ca 'ampa'aguenaxauapi qataq da 'auapigui camayepi.

1 Juan 3:8

Qalaxaye ca saq ỹet da ỹo'ot ca qauem, nache camaye nauochaxaua so pa'aguenataxanaxaic, cha'aye so pa'aguenataxanaxaic, nache 'eetai' da lle'etaxaloxo, chegoqchiguiña co'ollaq Ñim Lo'onatac 'Enauacna ñaq cheta'ague da ỹo'ot ana 'alhua. Qaq nachera da huo'omshe anaỹa ana 'alhua som Llalec Ñim Lo'onatac 'Enauacna: da yaqto' ilaxachigui 'enauac nam ỹo'ottac so pa'aguenataxanaxaic.