Lucas 1:7 - La'aqtaqa Ñim Lo'onatac 'Enauacna 2013

⁷ Soomaye qaica ca llale'c, cha'aye aso Elisabet sa deco'o, qataq soomaye ỹataqta mashe ỹa'axaiqa.

Nuevo Testamento Toba Sur

⁷ Qalaxayi soomayi qaica ca llale'c, cha'ayi aso Elisabet sa ishit da deco'o, qataq soomayi ÿataqta mashi ÿi'axaiqa.

Nuevo Testamento Toba Sombrero Negro

⁷ Jogaa'me joote 'yaĝaicachidi, qalaĝaja qaya'te lec'oĝot qa'a Elisabet ja yauana ga'me notolec.

Lucas 1:7 Iomraidhean Croise

Génesis 17:17

Nache so Abraham, ỹa'alyiñi naua l-llecte nache iviraxata'aguet na latap na 'alhua, nache daỹalliguiye ye lhuennataxac, nache 'eeta': «¿Isheto' peta'a da huo'o ca llalec ca shiỹaxaua da mashe ivi' caua cien vi'iye da nachaalataxac? ¿Isheto' peta'a da huo'o ca llalec añi Sara, nagui da mashe ivi' naua noventa vi'iye da nachaalataxac?»

Génesis 18:11

Qaq so Abraham qataq aso Sara soomaye mashe ỹa'axaiqolqa, ỹoqo'oye aso Sara mashe vi'iiguet da na'axac.

Génesis 25:21

Qaq aso Rebeca, saishet co'ollaxa da huo'o ca llalec, qaq ỹoqo'oye so Isaac nqouagaxaunot Ñim Nataxala', da nqouagaxaueelec asomaye. Qaq Ñim Nataxala' hua'axaỹa co'ollaxa da nqouagaxaunaxac somaye, nache aso Rebeca hualaxai.

Génesis 30:1

Qaq aso Raquel, co'ollaq ila'a da saishet da deco'oiguet so Jacob, nache huo'o da lquiỹaxa aso lqaỹa Lea. Nache 'enapego' so lhua Jacob, 'eeta': «'Auauo'o qome ca ỹalaqpi, cha'aye da qaica ca ỹalaqpi, nache seleu qome.»

1 Reyes 1:1

Qaq so nta'a David co'ollaq mashe ivita da lqueroxo, qataq mashe qaỹoqteguelo naua vi'iye da nachaalataxac, nache qalapootalec naxa na lapo', qalaxaye saishet da qaỹañoxot da dapaqa qanqa'en na lo'oc.

2 Reyes 4:14

Nache so Eliseo 'enapeco': ¿Qaq chaq negue'to' ca so'otaxac aramaye? Nache so Guejazí, 'enapeco': Aramaye qaica ca llalec, qaq da lhua, mashe ỹa'axaiquiolec.

Lucas 1:5

So Zacarías maye ntaxaỹaxanaxanec da qaitaxaỹapegue' Ñim lo'onatac 'Enauacna, maye huetaigui so na'a'q co'ollaq so Herodes maye 'amaqtaqaic lta'a na judiopi. Somaye do'onataxaategueua'a aso no'onaxanaxaqui late'erai, ỹalectaigui som ntaxaỹaxanaxanecpi da qaitaxaỹapegue' Ñim Lo'onatac 'Enauacna maye chegoxoguet so Abías. Qaq aso lhua le'enaxat Elisabet, asomaye nataqa'en maiche chegoxoguet so ntaxaỹaxanaxanec le'enaxat Aarón.

Lucas 1:6

Aso Elisabet qataq so Zacarías ỹataqta no'o'n da lataxa'c qataq ỹataqta ỹalaxareguet 'enauac na lamaxasoxonaxacpi Ñim Lo'onatac 'Enauacna.

Lucas 1:8

Qaq huo'o so na'a'q co'ollaq ivita so laloqo' da inoxoneuo da do'onataxan nam ntaxaỹaxanaxanecpi maye ỹalectaigui so Zacarías, da do'onataxanot Ñim Lo'onatac 'Enauacna da huaña añi no'onaxanaxaqui late'erai.

Romanos 4:19

Na'aictaxa da mashe yaqta'a da ivi' naua cien vi'iye da llaxa qataq mashe saqaỹaloq da ileu, qalaxaye so Abraham saishet da ỹaxaañi da lpi'iỹaxac Ñim Lo'onatac 'Enauacna. Na'aictaxa da ỹaỹaten da aso lhua Sara da saishet da huo'o ca llalec,

Hebreos 11:11

So Abraham huo'o da lpi'iỹaxac Ñimaye, ỹoqo'oye na'aictaxa da aso lhua Sara ñaq saxanaxa da deco'o qataq somaye mashe ỹa'axaiqui, qalaxaye nache 'ena'am Ñim Lo'onatac 'Enauacna ỹami' da la'añaxac somaye da yaqto' huo'o ca llalec. So Abraham ỹataqta huo'o da lpi'iỹaxac Ñim Lo'onatac 'Enauacna, da Ñimaye ipaqueelec dam ỹachaxanapeguem somaye da huo'o ca llalec.

1 Samuel 1:2

Qaq so Elcana huo'oi soua dos lhua't. Aso 'oonole le'enaxat Ana, qaq aso lỹa Peniná. Aso Peniná huo'o so llalaqpi, qaq aso Ana qalaq qaica ca llalec.